Deuteronomo 6:3 - Mawu a Mulluku

³ Vano nyu Aisraele, apellani maaru nave muchenjere ni wiiwellella ddawoona, malamulwaalla. Sika ddeko ddineeroweetellani phaama nave muneerokhalla mutundu muullupalli ni okhalla mu ellapo ya mukaka ni enwi moollikana ni mmo Apwiya Mulluku a makhollwaanyu yuulonjezelleewani.

Deuteronomo 6:3 ပူးပေါင်းရင်းမြစ်များ

Genesis 22:17

kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Genesis 28:14

Edduullu ddawonnddo ddineerewaata wonanko nthupi na va ellapo yavatthi. Ddineeropallalleyella o ezigawo ddittheddene, woovollowa nndduwa, wookhuma nndduwa, ompoto ni omwera. Nave mitundu ddittheddene dda va ellapo yavatthi ddineerodalisiwa oyeella mwa weyaano ni edduullu ddawo.

Genesis 26:4

Kineerewuuvaha edduullu ddinchichi wonanko ddikhallelle etheneeri ddooddullu nave edduullu ddawonnddo kineeroddivaha ellapo ddittheddenenndda. Mitundu ddittheddene dda va ellapo yavatthi ddineerodalisiwa oyeella mwa edduullu ddawo.

Genesis 15:5

Enthawi yeeyo Apwiya yaamukhumiha Abramu vaatte, emulleella wi, “Ngoona oddullunngu nave waaworaka weerenge etheneerinnddo, erenga. Weyaano oneerokhalla ni edduullu ddinchichi wonanko etheneerinnddo.”

Mitteko 7:17

“Enthawi yaatamelliiwa wi Mulluku akwakhwanihe nnddo amulonjezilleeye Abrahamu, mutundwaahu waari wunnuwalle nave waatille wunchichi mu Iguputo.

Yesaya 3:10

Oodalisiwa tti athu oolungama vawi ddeko ddineeroweetella phaama nave eneerohakallalla ni mitteko dda mattiiwa.

Oollalleya 8:12

Naari muthu oochimwa eerille ddoonanara wunchichi, annakhallave ni okumi wa enthawi yoorekama koma kinnadduwella wi oomwiiwellella Mulluku ddinnamweetella phaama vawi annamoova Mulluku.

Deuteronomo 4:6

Mwaasungeke ni waathwara nave ella eneerowooniha athu a mitundu ddimodda wi nyuwaano tti athu eezeru ni owiiwesesa phaama ddeko.

Eksodo 1:7

Koma Aisraele, edduullu ddiwa, yahaayara anamwani anchichi. Yaaruuwa, yahaata ekhalla amasiva manchichi nave eddalla ellapweeyo.

Genesis 13:16

Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.”

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Eksodo 3:17

Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”

Deuteronomo 4:40

Mwiiwellelleke malamulwiiwa ni malangizwiiwa mattheene ayo kuuhuddihalleemini ollello. Sika ddeko ddineerekoweetellani phaama nyuwaano ni edduullu ddanyu nave enthawi ya okumaanyu eneerorekama mu ellapo eyo Apwiya Mullukwaanyu yuuvahilliiwani wi ekhalle yaanyu wa enthawi yoohimalla.”

Yeremiya 7:23

Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Yeremiya 42:6

Khaya tti ddaphaama apaalle ddoonanara, nineerewiiwellella mawu a Apwiya Mullukwaahu ayo nuuvekilleehuni wi mwanivekellewo. Ddawoona, nineerewiiwellella Apwiya Mullukwaahu wi ddeko ddineetelle phaama.”

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

Deuteronomo 8:8

Nave yookhallattho ni tirigu, barele, mpesa, namukuyu, makangaza, olivi ni enwi.

Deuteronomo 11:9

Muneerokhalla ni okumi wawaata mu ellapo yamukaka ni enwi eyo Apwiya yallupenlliiwa wi eneerewaavaha makhollwaanyu ni edduullu ddiwa.

Deuteronomo 26:9

Vatulli viwa yaaniphiyiha wuno enivaha ellapo ella yamukaka ni enwi.

Deuteronomo 26:15

Ovenyera oddullunko onipuruni nanyu naweella, muwehe vatthi waweella nave mwaadalise athwaanyu Aisraele. Mudalisettho ellapo ella yooddalla ni mukaka ni enwi munivahilleenyu moollikana ni mmo mwallupenlleenyu makhollwaahu.’ ”

Deuteronomo 27:3

Vatulli viwa, mulembevo malamulo mattheenaalla mwavollowa mu ellapo yamukaka ni enwi eyo Apwiya Mulluku a makhollwaanyu yuulonjezilleewani.

Deuteronomo 31:20

Vawi kaavollochiha mu ellapo ya mukaka ni enwi eyo kallupenlleemi wa makhollwiiwa nave yavona mmo enaapaallelliiwa ni oneneva, eneerorukunuwella o milluku ddimodda ni waamba oddillapella. Eneerokikhoota ni otathilla echipanganwaaka.

Masalimo 119:4

Moovelleella malamulwaanyu, moolamula wi ethwariwe moororomelleya.