Deuteronomo 5:4 - Mawu a Mulluku

⁴ Apwiya yaallota ni nyuwaano vamiitthoni ni vamiitthoni eri m'munlloni vamwaangoni valle.

Deuteronomo 5:4 ပူးပေါင်းရင်းမြစ်များ

Deuteronomo 34:10

Ovenyera vaavo khanaphwanyeyekettho mu Israele namallotella wonanko Mose oyo Apwiya yallotiiwana vamiitthoni ni vamiitthoni.

Deuteronomo 4:36

Apwiya yahaakhullella wi mwiiwe mawiiwa ovenyera oddullu wi yuuhuddiheni. Va ellapo yavattheella Apwiya yaawoonihani munllo muullupalli nave mwahiiwa ellotaka ni nyuwaano eri m'munllonimmo.

Deuteronomo 4:33

Ethiyo ookhallavo muthu oyo akhanlleve ni okumi iiwalle mawu a Mulluku ari m'munlloni wonanko mwiiwelleenyu?

Eksodo 19:9

Apwiya yaamulleella Mose wi, “Kineeroowa wa weyaano m'muraponi woottika wi athwaayo ekiiweke kaallotaka ni weyaano wi yuukhulupilileke enthawi ddittheddene.” Vano Mose ahaalleella Apwiya nnddo yallotille athwaayo

Eksodo 33:11

Sika Apwiya yaanallota ni Mose vamiitthoni ni vamiitthoni, wonanko mmo muthu anallotelleeye ni mukhwaaye. Nave vatulli viwa Mose aanahokollweella omisasani. Koma musombwe mmodda nnddina naye Yoswa, mwaana a Nuni, oyo aari oomukavihera Mose, khaavenyawo.

Numeri 14:14

Vano Aiguputo eneerewaatthopoollella athu a mwiillaponimmu. Alliwa ahiiwa khalle wi nyu Apwiya muri variyari va athu yaalla nave munnawooneyella vamiitthoni ni vamiitthoni nave murapwaanyu onnaakhuneella. Otthaana munaahoollella ni opoto amurapo nave mahiiyu munaahoollella ni opoto amunllo.

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Eksodo 20:1

Vano Mulluku aallota mawu mattheenaalla wi,

Deuteronomo 4:12

Apwiya yaallota ni nyuwaano eri m'munllonimmo nave mwahiiwa mawiiwa koma khemoonille mooneyellwiiwa.

Deuteronomo 4:15

“Muchenjere! Apwiya yallotilliiwa ni nyuwaano eri m'munlloni va mwaango wa Horebu nyuwaano khemoonille mooneyellwiiwa.

Deuteronomo 5:22

“Apwiya yaallota mawu yaalla wa nyu attheene mwatthukumanille omwaangoni wulle moohoonjereravo ello. Alliwa yaallota ni mawu amasiva eri m'munlloni, m'muraponi owaaka mwiipiphini yawoopiha. Nave yaalemba malamulo khumaayo va malluku meelli ekinnya miyaano.”