Deuteronomo 4:9 - Mawu a Mulluku

⁹ Sika muchenjere! Mooneseseke wi muhitiwalleke ddenndda mu okumaanyu muttheene nave mwaahuddihe ddenndda aniinyu ni edduullu ddanyu.

Deuteronomo 4:9 ပူးပေါင်းရင်းမြစ်များ

Deuteronomo 6:7

Mwaahuddiheke aniinyu ni ollota wiilliwiilli dda malamulwaalla mwakhalla owaninyu, mwakhalla voolendoni, vookonaatthini apaalle voovenyani.

Deuteronomo 11:19

Mwaahuddiheke aniinyu ni ollota wiilliwiilli dda malamulwaalla mwakhalla owaninyu, mwakhalla voolendoni, vookonaatthini apaalle voovenyani.

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Deuteronomo 32:46

aallota wi, “Mwaasungeke m'murimani mwanyu malamulo mattheene kiwinnyalleemini ollellwaalla. Nave mwaahuddiheke aniinyu wi yiiwellelleke moororomelleya mawu mattheene a malamulwaalla.

Aefeso 6:4

Nyu attiitthi, muhaashiheke murima aniinyu. Koma mwaallelleke phaama vawaahuddihani makhallello ni ehuddiho ya Apwiya.

Deuteronomo 29:29

“Vookhalla ddeko ddimodda nnddo Apwiya Mullukwaahu yahuupullullalliiwa wa hiyaano koma aanupullullella malamulwiiwa ayo hiyaano ni edduullu ddahu ninaphwanelleehu owiiwellella enthawi ddittheddene.”

Miyambo 23:26

Mwanaka kaapelle maaru ni murimaawo muttheene nave miitthwaawo eweheseseke ettilla ddaka.

Yawuupullulla 3:3

Vano upuwellani nnddo mwahuddenreenyu ni nnddo mwiiwalleenyu, mweereke ddennddo nave murukunuwe murima. Mwaahivenya, kineeroowa wa nyuwaano wonanko mullupaawiiya nave khamudduwellattho enthawi kineereemi kiweelle.

Miyambo 1:8

Mwanaka, apella maaru malangizo a attiittho, ohikhoote ddoohuddiha dda amaayo.

Masalimo 71:18

Nyu Mulluku, muhikihiye meekha, naari kuulluvanlle, kiri ni embwi ophiyera killalleyille dda masivaanyu ni dda ekophollo ddanyu wa mibado ddamuhoollo.

Aheberi 2:1

Ella sika ekaambiiwa ninaphwanellaahu wi nipwatheke wunchichi yawoona niiwalleehu woova wi ninaahollowe.

Miyambo 3:21

Mwanaka, oyisunge ezeru m'murimani mwawo nave oganizeke phaama, ehuuthawe vamiitthoni vawo.

Masalimo 119:11

Kohaasunga mawaanyu m'murimani mwaka wi kihuuchimwelleni.

Yoswa 4:21

Vano aallota wa Aisraele wi, “Aniinyu yaawaakohaka makhollwiiwa muhoollommu wi, ‘Ethiyo mallukwaalla tti a tini?’

Miyambo 7:1

Mwanaka, sunga mawaaka nave vittha malamulwaaka.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Yesaya 38:19

Ookumi, ookumive ennuutitimihani, wonanko kineerelleemimmu. Attiitthi ennaalleella aniiwa dda ororomelleya wanyu.

Deuteronomo 4:23

Sika muchenjere! Mooneseseke wi muhitiwalle echipangano eyo Apwiya Mullukwaanyu yakeraatthihalliiwa ni nyuwaano nave muhipange nifano noophwanaphwanihella erive ello eyo Apwiya Mullukwaanyu enuulamuleewani.

Yakobo 2:22

Vano wohoona wi echikhulupilwaaye yaheereya nimodda ni mitteko ddaye vawi echikhulupilwaaye yaheeriwa yaphaama ekaamba ya mitteko ddaye.

Deuteronomo 31:19

“Vano lemba nchipo, waahuddihe Aisraele nave nihivenyekevo vayanoni viwa wi nikhalle wonanko ombonaaka wowaavaanyiha.

Luka 8:18

“Vano chenjerani ni mmo muniiwellaanyu mawu vawi muthu arina ello aneerovahiwa yawaanjerera. Koma muthu oyo ahinna ello aneerewaakhiwa naari eng'onong'ono eyo anaganizeeye wi ookhallana.”

Yoswa 1:18

Arive muthu anaawukile mawaanyu apaalle ohiwiiwellella malamulwaanyu, aneerewiiphiwa. Nyuwaano khallani ni amasiva ni oollipa murima wunchichi.”

Deuteronomo 4:15

“Muchenjere! Apwiya yallotilliiwa ni nyuwaano eri m'munlloni va mwaango wa Horebu nyuwaano khemoonille mooneyellwiiwa.

Eksodo 10:2

wi nyuwaano mwaalleelleke aniinyu ni edduullu ddanyu dda mmo kaweerelleemi ekuku Aiguputo vaweerani ddoottikhiniha variyari viwa. Sika attheenenyu muneerodduwella wi mi tti Apwiya.”

Eksodo 23:13

“Wiiwesese ddittheddene kuulleelleminndda. Ohiddillapelleke milluku ddimodda nave ohiromollekettho ni manddiniiwa.

Deuteronomo 4:10

Mwaatthopoollelleke dda nllapo nne mwiimenlleenyu vamiitthoni va Apwiya Mullukwaanyu o mwaango wa Horebu. Wenko Apwiya yaakilleella wi ‘Waatthukumanihe athu. Kinapaalla wi yiiwe nnddo kinaalloteemi wi ehuddere okoova enthawi ddittheddene dda okumiiwa va ellapo yavatthi. Vatulli viwa yaahuddihekettho aniiwa emoddamoddave yeeyo.’

Deuteronomo 6:2

Enthawi ettheene ya okumaanyu, nyu ni edduullu ddanyu, muwooveke Apwiya Mullukwaanyu nave mwiiwellelleke malamulo ni malangizwiiwa mattheene alla kinuulamuleemini wi enthawi ya okumaanyu erekame.

Deuteronomo 6:12

muhiwe mwaatiwalla Apwiya ayo yuukhumihalleni o Iguputo, o okaporo.

Deuteronomo 6:20

“Muhoollommo aniinyu yaawuukohakani wi, ‘Ethiyo kaambiiwa tini Apwiya Mullukwaahu yanilamulalliiwa wi niiwellelleke malamulo ni malangizo mattheene?’

Deuteronomo 8:11

“Upuwellani nave muhaatiwalleke Apwiya Mullukwaanyu nave muhilepheleke owiiwellella malamulo ni malangizwiiwa mattheene ayo kinawinnyeemini ollello.

Deuteronomo 8:14

muhiitukhulleke ni waatiwalla Apwiya Mullukwaanyu ayo yuukhumihalleni wuukaporoni o Iguputo.

Deuteronomo 12:1

“Alla sika malamulo ni malangizo awi muchenjerena owiiwellella mallapo mattheene a okumaanyu mu ellapo eyo Apwiya Mulluku a makhollwaanyu enuuvaheewani wi mwaakhe.

Deuteronomo 16:3

Enama yamukuthweeyo muhicheke nimodda ni buledi ookhalla ni yisiti. Mallapo matthanu ni meelli mumucheke buledi oohikhalla ni yisiti wonanko mwakhumalle o Iguputo mwawaakuva. Mumuche buledoolla, buledi a ddoohoosa wi mallapo mattheene a okumaanyu muupuwelleke nllapo nno mwakhumalleenyu o Iguputo.

Deuteronomo 17:19

Nibukhu nenna anisunge nave eerengeke mu mallapo mattheene a okumaaye wi ahuddere owoova Apwiya Mullukwaaye voothwarani moororomelleya ddittheddene ddoolembiwa mu nibukhunimmo.

Oweeruza 3:7

Aisraele yaheerattho ddoonanara vamiitthoni va Apwiya. Yahaatiwalla Apwiya Mullukwiiwa, enarumeyella mafano a Abaala ni Asherimu.

Oweeruza 8:34

Aisraele kheyaawuupuwelle Apwiya Mullukwiiwa, ayo yaavullusalle wa adaniiwa attheene oowaapheella.

Yeremiya 17:21

Apwiya enallota wi mwapaalla osunga okumaanyu pwathani phaama nllapo na Sabata, muhimutukhulle katundu apaalle ovollowana va millako dda Yerusalemu.

Yoswa 23:11

Vano muchenjere nave mwaakondeke Apwiya Mullukwaanyu.

Yesaya 42:20

Wohoona ddinchichi koma khonaddipwatha, Maarwaawo tti oohulla koma khoniiwa.”