Deuteronomo 4:3 - Mawu a Mulluku

³ Mwahoona ni miitthwaanyu nnddo Apwiya yeerelliiwa o Baala Peori wulle Apwiya Mullukwaanyu yaatthollosilliiwa attheene ayo yamullapella Baala.

Deuteronomo 4:3 ပူးပေါင်းရင်းမြစ်များ

Hoseya 9:10

Apwiya enallota wi, “Israele koomuphwanya wonanko mpesa wamuchipululuni. Makhollwaaye kahaahakallallella wonanko namukuyu awaamba wiithwa. Koma alliwa yaaya o Peori nave wenko yahiivelleella wa Baala. Sika yaatthattuwa ello yoonanara wonanko nifano yanikondiiwanne.

Yoswa 22:17

Upuwellani ochimwa wa o Peori wulle nko Apwiya yaallakilliiwana athwiiwa vawaarumihella mullilli wawoopiha. Ophiyera ollello khannaddeelliheve. Ethiyo ochimwa weewulle tti wooyeva?

Numeri 31:16

Valle atthiyana yaalla yaathwara malangizo a Balamu vawaahollosani Aisraele wi eheerettho ddoororomelleya vamiitthoni va Apwiya o Peori wulle wawi mullilli waamorella athu attheene a Apwiya.

Numeri 26:64

Koma variyari va athu yaalla khaarivo oyo eerengiwe khalle ni Mose ni Aroni yaweerengiiwa Aisraelaayo o echipululu ya Sinai.

Deuteronomo 4:4

Koma nyu attheene mwaakhulupililalle Apwiya Mullukwaahu mookhalla ni okumi ophiyera ollello.

Ezekiele 20:18

Kahaachenjeza aniiwa muchipululuni wi ehithware malangizo a makhollwiiwa, ehiiwellelle malamulwiiwa apaalle wiiripiha ni mafanwiiwa.

Deuteronomo 11:7

Ddawoona, mwahoona ni miitthwaanyu dduullupalli ddittheddene Apwiya yeerilliiwa.”