Deuteronomo 3:4 - Mawu a Mulluku

⁴ Nahaakhattho mizinda ddaye ddittheddene enthawi yeeyo oohihiyavo naari mmodda. Mizinda ddittheddene naakhilleehu ddaari 60 o echigawo ettheene ya Arigobu nko mwene Ogi alamulelleeye.

Deuteronomo 3:4 ပူးပေါင်းရင်းမြစ်များ

1 Mamwene 4:13

Benigebere alamulella etawoni ya Ramoti o Giliyadi ni mizi dda mabanja a Yairo mwaana a Manase mu Giliyadi owaakattho echigawo ya Arigobu o Bashani eyo yaari ni mizinda 60 ddamipanda dda millako ddoowalliwa ni mikoko ddamukuwa.

Yoswa 12:4

Aisraele yaamugonjihattho Ogi mwene a o Bashani oyo aari mmodda a oohalla a Arefaimu. Olliye akhalla o Ashitaroti ni o Ederei.

Numeri 21:35

Vano Aisraele yaamwiipha Ogi, anaaye ni athu attheene, sika khaarivo naari mmodda oyo avulluwalle nave yahaakha ellapweeyo.

Deuteronomo 3:3

“Sika Apwiya yaamuvelleella mwene Ogi vamodda ni athwaaye m'mattani mwahu nave naawiipha attheene oohimuhiyavo naari mmodda.

Deuteronomo 3:5

Ddittheddenenndda ddaari mizinda ddoollipihiwa ni mipanda ddoorekama navettho dda machiwi oowalliwa ni mikoko ddoollipa. Nave vaakhallattho mizi ddinchichi ddoohikhalla ni mipanda.

Deuteronomo 3:13

Hafu a nlloko na Manase kahaakawella echigawo ettheene ya Giliyadi eyo yahanlle navettho Bashani ellapo ya mwene Ogi, sika wi echigawo ettheene ya Arigobu. (Bashani aadduwelliwa ni nnddina nawi ellapo ya Arefaimu.

Deuteronomo 3:14

Yairi a nlloko na Manase aakusa echigawo ettheene ya Arigobu apaalle wi Bashani ophiya o malire a Geshuri ni Maaka. Mizindannddo aaddivaha nnddina naye nave ophiyera ollello ddinadduwelliwa wi mizi dda Yairi.)

Deuteronomo 4:47

Sika Aisraelaalle yahaakha ellapwaaye vamodda ni ellapo ya mwene Ogi a o Bashani. Alla yaari mamwene meelli a Aamori ayo yakhalla wookhuma nndduwa wa Yordani.