Deuteronomo 3:3 - Mawu a Mulluku

³ “Sika Apwiya yaamuvelleella mwene Ogi vamodda ni athwaaye m'mattani mwahu nave naawiipha attheene oohimuhiyavo naari mmodda.

Deuteronomo 3:3 ပူးပေါင်းရင်းမြစ်များ

Numeri 21:35

Vano Aisraele yaamwiipha Ogi, anaaye ni athu attheene, sika khaarivo naari mmodda oyo avulluwalle nave yahaakha ellapweeyo.

Yoswa 13:30

Ellapweeyo yaambeelle o Mahanaimu, o Bashani otthewene, omwene muttheene wa Ogi mwene a o Bashani ni matawoni 60 a o Yairi, o Bashaninko

Yoswa 13:12

omwene muttheene wa Ogi a o Bashani oyo walamulella o Ashitaroti ni o Ederei. (Ogi aari yooyove mwene a Arefaimu oyo ahanllewo). Mose ahaagonjiha athu yaalla awiikariha.

Deuteronomo 3:2

Koma Apwiya yaakilleella wi, ‘Ohinoova. Koomuvelleella m'mattani mwawo vamodda ni athwaaye navettho ellapwaaye. Nave omweerelle nnddo wamweerelleewe Sihoni mwene a Aamori oyo akhalla o Heshiboni.’

Deuteronomo 3:4

Nahaakhattho mizinda ddaye ddittheddene enthawi yeeyo oohihiyavo naari mmodda. Mizinda ddittheddene naakhilleehu ddaari 60 o echigawo ettheene ya Arigobu nko mwene Ogi alamulelleeye.

Deuteronomo 4:47

Sika Aisraelaalle yahaakha ellapwaaye vamodda ni ellapo ya mwene Ogi a o Bashani. Alla yaari mamwene meelli a Aamori ayo yakhalla wookhuma nndduwa wa Yordani.

Deuteronomo 29:6

Khemwaamuchille buledi naarittho omuwirya vinyo apaalle yoowirya yoowalli koma Apwiya yahuuvahani ddoopaalleya ddanyu wi mudduwelle wi alliwa tti Apwiya Mullukwaanyu.

Masalimo 136:20

Yaamwiipha Ogi, mwene a o Bashani, echikondiiwa yoohisintheya tti ya enthawi yoohimalla.