Deuteronomo 27:3 - Mawu a Mulluku

³ Vatulli viwa, mulembevo malamulo mattheenaalla mwavollowa mu ellapo yamukaka ni enwi eyo Apwiya Mulluku a makhollwaanyu yuulonjezilleewani.

Deuteronomo 27:3 ပူးပေါင်းရင်းမြစ်များ

Yoswa 8:32

Wenko Aisraele attheene yoonaka, Yoswa aalemba vamallukuni moophwanaphwana ni malamulo alle Mose aalembilleeye.

Deuteronomo 26:9

Vatulli viwa yaaniphiyiha wuno enivaha ellapo ella yamukaka ni enwi.

Aheberi 10:16

“Yavira mallapo yaayo, kineerokeraatthiha echipangano ni alliwaayo, kineerewiiyaatthi malamulwaaka m'maganizoni mwiwa ni waalemba m'murimani mwiwa.

Yoswa 5:6

Aisraele yaaneeta muchipululuni wa miyakha 40 ophiyera mutundu muttheene, akhoto attheene, yakhumalle mu Iguputo etthollowille ekaamba yoohiiwellella mawu a Apwiya. Apwiya yahaallupellella wi khevollowamo mu ellapo eyo yallupellelliiwa waavaha makhollwiiwa, ellapo yaweeta mukaka ni enwi.

Numeri 14:8

Apwiya yaarimi ehakallallaka ni hiyaano, eneeronivollochiha mu ellapo ya mukaka ni enwi nave eneeronivaha wi ekhalle yaahu.

Numeri 13:27

Yahaalleella wi, “Naaphiya o ellapo eyo mwanirumalleenyu. Ellapweeyo tti ya mukaka ni enwi nave ezipaso ddiwa tti nndda.

Yeremiya 32:22

Mwahaavaha ellapo ella yamukaka ni enwi mwaalonjezilleenyu moollupella makhollwiiwa.

Yeremiya 11:5

Sika vano kineereweera nnddo kaalonjezilleemi moollupella makhollwaanyu wi kineerewaavaha ellapo yamukaka ni enwi, ellapo munakhalleenyumweella.’ ” Sika kahaakhulla wi, “Amen, Apwiya.”

Deuteronomo 6:8

Nave mwaamakellelleke wonanko echizindikiro va miwono ddanyu nave mwaahiyeke variyari va eyuuchi.

Levitiko 20:24

Koma kahuulleellani wi muneerewaakhella ellapo wi ekhalle yaanyu, ellapo yooddalla mukaka ni enwi. Mi tti Apwiya Mullukwaanyu oyo uupatulalleni variyari va mitundu ddittheddene.

Deuteronomo 6:3

Vano nyu Aisraele, apellani maaru nave muchenjere ni wiiwellella ddawoona, malamulwaalla. Sika ddeko ddineeroweetellani phaama nave muneerokhalla mutundu muullupalli ni okhalla mu ellapo ya mukaka ni enwi moollikana ni mmo Apwiya Mulluku a makhollwaanyu yuulonjezelleewani.