Deuteronomo 22:9 - Mawu a Mulluku

⁹ “Muhaalleke mu emata yampesa mitundu miilli dda mmiddo. Mweera ddiiddo, ddittheddenennddo ddinaakhalle ddoohaakhullelliwa mpesannddo ni mmiddo mmoddooyo.

Deuteronomo 22:9 ပူးပေါင်းရင်းမြစ်များ

Levitiko 19:19

“Muthwareke malamulwaaka. Muhaakhullelleke wi eziweto ddanyu ddiwellaneke ni eziweto dda mutundu mmodda. Muhimidde mmiddo miilli m'matani mwanyu nave muhiware ddoowara ddoopangiwa ni ekuwo dda mitundu miilli.”

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

Mateyu 9:16

“Khaavo muthu anakusa echigamba ya ekuwo esha asowella va yoowara yakhalle. Vawi echigamba esheeyo eneerokwinyeya ni waahulla yoowareeyo wunchichi ohiyana ni khalle.

Yakobo 3:10

Mawu oothokoza ni ootembelela enakhuma muwano mmoddamodda mwemmo. Asinnaka ni arokoraka, nndda khaddinaphwanella wi ddeereyeke.

Aroma 11:6

Otthoolla waye waari wa echisomo ohiri wa mitteko ddiwa. Vawi otthoolla wa Mulluku waariki wa mitteko dda athu, sika echisomwaaye yaakhalle yawoottha.

Mateyu 6:24

“Khaavo mullupa mutteko anawora waarumeyella apwiya eelli vawi aneeromwiita mmoddooyo nave aneeromukonda mmoddooyo apaalle aneeromwiiwellella mmoddooyo nave aneeromuvevulla mmoddooyo. Emoddamoddave yeeyo khamuwora omurumeyella Mulluku ni orumeyella eyuuma.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Deuteronomo 22:8

“Mwaamakaka enyumba yanaanweene, moonesese wi moomaka mwanampanda vaddullu waapheella embali ddittheddene dda epattho. Sika vaavo khemwiipiwa mullatu woomwiipha moohidduwella mmodda amora vaddullumvo, akhwa.