Deuteronomo 2:7 - Mawu a Mulluku

⁷ “Valle Apwiya Mullukwaanyu yahuudalisani va mitteko ddittheddene mweerillaanyu. Yahuupwathani va olendwaanyu muchipululuni yuullupalleella. Apwiya Mullukwaanyu yaakhalla ni nyuwaano va miyakha 40 ddittheddenenndda nave khemwaaramille erive ello.

Deuteronomo 2:7 ပူးပေါင်းရင်းမြစ်များ

Luka 22:35

Yesu ahaakoha oohudderaaye wi, “Kuurumalleemini kuulamulani wi muhikuse makobiri, nthumba na voolendoni apaalle esapato, mwaapaalla ello?” Alliwa yaallota wi, “Khanaapanlle ello.”

Nehemiya 9:21

Mwahaasunga wa miyakha 40 muchipululuni nave enthawi ettheeneella kheyaarama erive ello. Ddoowara ddiwa kheddaawaahuwalle navettho manyallwiiwa kheyaawiipalle.

Deuteronomo 29:5

Va miyakha 40 mvo Apwiya yuuhoollelliiwani muchipululuni mulle ddoowara ddanyu apaalle esapato ddanyu khaddaawaahuwalle.

Masalimo 31:7

Kineerohakallalla ni othapella ekaamba ya echikondi yoohisintheya. Mohoona ohoosiwa waka, moodduwella ddookatamiha ddaka.

Yobu 23:10

Koma annadduwella meetellwaaka, kineerokhalla wonanko golide akeesa.

Masalimo 90:17

Nyu Apwiya Mullukwaahu, muneerelle echifundo, mukeraatthihe nnddo nineereehu, ddawoona, mukeraatthihe mitteko dda mattaahu.

Genesis 26:12

Isaki ahaalla mwiillaponimmo nave muyakha yooyo aahata ddeko ddawaata wunchichi kaambiiwa Apwiya yaamudalisa.

Genesis 24:35

Apwiya ahaadalisa wunchichi apwiyaaka nave aawunnuwiha wunchichi. Ahaavaha enkhosa ni epuri ni eng'ombe ddinchichi. Ahaavahattho siliva ni golide, akaporwiiwa aallopwana ni aatthiyana navettho ekamira ni abulu anchichi.

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Genesis 39:5

Ovenyera enthawi eyo Yosefe aambilleeye owehera ddittheddene dda mpa mwa Potifarooyo, Apwiya yaadalisa ddittheddene dda mpa mwa Muiguputooyo vamoddattho ni dda omata ddaye ekaamba ya Yosefe.

Yohane 10:27

Enkhosa ddaka ddinniiwa mawaaka, kinnaddidduwella nave ddinnakithwara miyaano.

Masalimo 1:6

Apwiya ennapwatha meetello a athu oolungama koma ettilla ya athu oochimwa eneerewoonongeya.

Genesis 30:27

Labani aamulleella wi, “Kaakhullelle wi killote, ‘Miyaano vawoombesani koodduwella wi Apwiya aakidalisa ekaamba ya weyaano.

Numeri 14:33

Aniinyu eneerokhalla abusa mu echipululu miyakha 40 nave eneerohoowa ekaamba ya ohiroromelleya wanyu ophiyera mumanlle okhwa mu echipululu.

Numeri 14:34

Muneerollakiwa wa miyakha 40 ekaamba ya machimwaanyu. Orive muyakha oniimellelleke nllapo nimodda na mallapo ayo mwazondilleenyu ellapo. Muneerodduwella woopiha wiwa kuushellani murima.’

Numeri 32:13

Apwiya yahaashella murima Aisraele nave yaaweetiha muchipululuni mulle miyakha 40 ophiyera mbado muttheene oyo weerille ddoonanara vamiitthoni va Apwiya otthollowille.

Deuteronomo 1:19

“Valle naheera nnddo Apwiya Mullukwaahu yanilamulalliiwa. Naavenyawo o mwaango wa Horebu nave naavirella mu echipululu yuullupalli ni yawoopiheelle vooyaani o ellapo yamiyaango ya Aamori. Naphiyalleehu o Kadeshi Baranea,

Deuteronomo 1:46

“Sika naakhalla mu Kadeshi mallapo manchichi.”

Deuteronomo 2:6

Muneerekokulla ni makobiri yoocha ni maaddi oowirya ovenyera wa alliwaayo.’

Deuteronomo 2:14

Nave enthawi eyo nallapuwalleehu muhinjooyo vaari viviralle khalle miyakha 38 ovenyera mvo navenyilleehu o Kadeshi Baranea. Akhoto attheene yaari ekhwille moollikana ni mmo Apwiya yallupellelliiwa.

Yoswa 5:6

Aisraele yaaneeta muchipululuni wa miyakha 40 ophiyera mutundu muttheene, akhoto attheene, yakhumalle mu Iguputo etthollowille ekaamba yoohiiwellella mawu a Apwiya. Apwiya yahaallupellella wi khevollowamo mu ellapo eyo yallupellelliiwa waavaha makhollwiiwa, ellapo yaweeta mukaka ni enwi.

Masalimo 107:4

Amodda yaahollowa muchipululuni, woohiyiphwanya ettilla yooya o muzinda wi yakhallemo.

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Hoseya 13:5

Tti miyaano kuupwathilleni muchipululuni, ellapo yooviha.

Amosi 2:10

Kahuukhumihani mu Iguputo, kahuuhoollellani mu echipululu miyakha 40, kahuuvahani ellapo ya Aamori wi ekhalle yoohallanaanyu.

Genesis 39:3

Nave apwinnyaayo yahoona wi Apwiya yaari ni Yosefe nave wi mitteko ddaye ddittheddene ddaanamweetella phaama.

Eksodo 16:35

Aisraelaayo yaakhalla echaka manaayo miyakha 40 ophiyera yaaphiya o ellapo wookhalla athu, omalireni wa ellapo ya Kanani.

Numeri 1:1

Apwiya yaallota ni Mose mu echipululu ya Sinai, mu musasa wamutthukumano, nllapo nawaamba na mweeri waneepiilli, muyakha waneepiilli ekhumalle mu ellapo ya Iguputo. Nave yaamulleella wi,

Numeri 22:12

Vano Mulluku aamulleella Balamu wi, “Ohinathaananana nave ohaatembelele athwaayo kaambiiwa tti oodalisiwa.”

Deuteronomo 29:4

Koma ophiyera ollello Apwiya khenuuvaheni murima wawiiwesesa apaalle miittho wi moone apaalle maaru wi mwiiwe.