Deuteronomo 17:9 - Mawu a Mulluku

⁹ nave muvelleelle mullatooyo wa allupa mukutho, Alevi ni wa aweeruza oyo anaphara mutteko enthawi yeeyo nave alliwa eneerewuutthopoollellani makamullello a mullatooyo.

Deuteronomo 17:9 ပူးပေါင်းရင်းမြစ်များ

Ezekiele 44:24

Vakhalla millatu allupa mukutho yeeruzeke nave ekamulleke millatunnddo voopharihani mutteko malamulwaaka. Ethwareke malamulwaaka ni malangizwaaka mattheene a ehakallallo. Yapwathekettho mallapwaaka a Sabata wi ekhalle aweella.

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Hagai 2:11

“Nnddo kinallota mi Apwiya Amasiva Mattheene tti ddawi mwaakohe allupa mukutho dda malamulo.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Eksodo 22:8

Mullupaawiiyooyo aahiphariwa, mwaneena a enyumboolle akuselliwe onipuroni noomullapella Mulluku wi ddidduwanyeye aarimi mwaneena a enyumbooyo ahimukusalle katundooyo.

Deuteronomo 17:10

Alliwa yakamulla wenko, nyuwaano moonesese wi mweere wonanko mmo yuulangizelliiwani.

Deuteronomo 21:5

Allupa mukutho Aalevi eyeewottho wenko ekaamba yawi alliwa sika enaphwanella weeruza millatu ddittheddene dda ohiiwanana ni wiiphanana. Apwiya Mullukwaanyu yohaatthoolla alliwa wi ekhalle oorumeyella navettho wi yaadaliseke athu mu nnddina niwa.

Zekariya 3:7

“Apwiya Amasiva Mattheene eni, ‘Mwathwara ettilla ddaka ni wiiwellella malamulwaaka, muneerolamulella mu enyumbaaka nave muneerowehera mathatwaaka. Navettho kineerowaakhullellani wi mukhalle vamodda ni alla yiimenlle vamiitthoni vaka.

Eksodo 18:16

Athu yaakanganaka, enawa wa miyaano nave kinnaweeruza wi koone wi anallota ddawoona ttaani. Nave kinnaahuddiha mawu a Mulluku ni malamulwaaye.”

Deuteronomo 16:18

“Mwaatthoolleke aweeruza ni attekweene mu nirive nlloko ni nirive nipuro Apwiya Mullukwaanyu enuuvahiiwani. Athu yaalla yeeruzeke moohiweha ekhove.

Deuteronomo 25:1

“Vakhalla okangana variyari va athu nave alliwaayo yaya o nthato namillatu wi yeeruziwe, aweeruzaayo ekamulleke wi olla khalakwille nave olla oolakwa.

Deuteronomo 33:10

Alliwa sika enaamuhuddihe Yakobo malangizwaanyu, sika enaahuddihe Aisraele malamulwaanyu. Eneerewoosa lubani* vamiitthoni vanyu, eneerovelleella mikutho ddooshellelliha ddamututha va nikuwa nanyu.

1 Epilli 26:29

Ovenyera mwa edduullu dda Izara, Kenaniya ni anaaye sika yakeraatthihiwe wi ehiphareke mitteko mu enyumba ya Apwiya koma ephareke mitteko ddimodda monga, ddoolembella ni ddaweeruza.

Zekariya 7:3

Yapaallattho wi yaakohe allupa mukutho a o enyumba ya Apwiya Amasiva Mattheene ni anamallotella wi, “Ethiyo hiyaano ninlleke ni ohalla ocha* va mweeri waneetthanu wonanko mmo neerelleehu wa miyakha ddinchichi?”