Deuteronomo 17:3 - Mawu a Mulluku

³ nave atathinlle echipangano voollapellani ni orumeyella milluku ddimodda monga nndduwa, mweeri apaalle etheneeri nnddo kahiihalleemi wi ehiddillapelleke.

Deuteronomo 17:3 ပူးပေါင်းရင်းမြစ်များ

Yeremiya 7:31

Aamaka nipuro noollapellamo o Tofeti, mu ntapo na Mwaana a Hinomu wi yaashellellihekewo anamwaniiwa aallopwana ni aatthiyana. Ddenndda ngaalamunle apaalle oddiganizera naari vang'ono.

Yeremiya 32:35

Yaamaka nipuro noomullapellamo Baala mu ntapo na Mwaana a Hinomu wi yaavelleelle aniiwa aallopwana ni aatthiyana wonanko mukutho wa Moleki. Khe miyaano kaalamunle ddennddo nave naari vang'ono ngaaganizera wi alliwa ttuuweera ddoonanara ddawi ddiidda ni waachimwiha athu a o Yuda.”

Yeremiya 19:5

Yaamaka nipuro noomullapellamo Baala mmo yaavelleelliiwa aniiwa wi ekhalle mikutho ddooshellelliha. Ddenndda ngaalamunle apaalle oddiganizera naari vang'ono.

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.

Ezekiele 8:16

Vano aakikusella o nthato na muwari mwa enyumba ya Apwiya. Wenko, va mullako wa enyumba ya Apwiya, variyari va nikhote ni nikuwa vaakhalla allopwana 25. Yaareya etulli enyumba ya Mulluku, enaweha wookhuma nndduwa nave enallapella nndduwa.

Yeremiya 8:2

Nave eneerewaaneya vanndduwani, vamweerini ni veetheneeri ddittheddene ddooddullu nnddo yaddikondiiwa, enaarumeyella, enaathwara, enaaveka ezeru ni oddillapella. Makhuvaayo khetthukumanihiwa apaalle ovuhellelliwa koma enaatthattuwe manyowa oomwareyella vatthi.

2 Mamwene 21:3

Manase aamakattho mapuro oollapellamo mafano, ayo attiitthinnya Hezekiya yawoonongelliiwa. Aammakella Baala makuwa, aapanga mafano a Asherimu wonanko eerelle Ahabu mwene a Aisraele. Nave aanallapella ni orumeyella etheneeri.

Genesis 2:1

Sika ellapo yavatthi ettheene, oddullu ni ddittheddene ddookhalla mwemmo, ddaamalla ophatusiwa.

Eksodo 22:20

“Arive muthu oovelleella mukutho wa milluku, ohiri wa Apwiyave, iiphiwe.

Deuteronomo 17:4

Mwiiwa wi ello yawi ddiidda yoheereya, vatulli viwa mwaashaashe ni okohakoha mwawiithaalla dda epilleeyo nave mwaphwanya wi tti yawoona wi ello yoonanareella yoheereya variyari vanyu

Deuteronomo 11:16

Muchenjere nave muhikuseye murima ni orukunuwella wa milluku ddimodda wi muddillapelleke ni oddirumeyella

Yoswa 23:16

Mwayitathilla echipangano eyo Apwiya yuulamulalliiwani, mwaayaaka nave mwaarumeyellaka milluku ddimodda ni oddikokhorella, osha murima wa Apwiya oneerewuumorellani nave muneerotthollowa mu ellapo yaphaama yuuvahilliiwaneella.”