Deuteronomo 13:2 - Mawu a Mulluku

² nave echizindikirweeyo apaalle yoottikhiniheeyo yeereya, olliye uulleellani wi mullapelle milluku ddimodda nnddo muhinallapellekeenyu ovenyera khalle,

Deuteronomo 13:2 ပူးပေါင်းရင်းမြစ်များ

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Yeremiya 28:9

Koma namallotella allotella dda murendelle nave ddeereya aallotenlleeyennddo, ddaanadduwanyeya wi tti ddawoona Apwiya sika yamurumalle.”

Deuteronomo 18:22

Muthu allotella mu nnddina na Apwiya nave ddaaheereya, vaavo dduwellani wi mawaayo khenavenyera wa Apwiya. Namallotella yooyo anallotella dda m'muruni mwaye nave muhimoove.”

Deuteronomo 13:6

Muthu ttuuwora wuullekani mwawiipittha wi mullapelle milluku ddimodda nnddo nyuwaano ni makhollwaanyu muhinaddillapellekeenyu. Naari muthooyo ari mbalaanyu awaamwana nipelle nimodda apaalle mwaninyu aamullopwana apaalle aamutthiyana apaalle mwaarinyu a vamurimani apaalle mukhwiinyu a vamurimani, muhillapelle millukunnddo naari vang'ono.

1 Mamwene 13:3

Vano ahaavaha echizindikiro nllapo nenno voollotani wi, “Echizindikiro eyo yallota Apwiya tti yawi, ‘Nikuwanna nineerotthalleya nave ntuura naye nineerotathiya.’ ”

Deuteronomo 13:13

wi athu amodda oonanara amutundwaanyu yohaahollosa athu a mapuro mamodda vawaallapelliha milluku nnddo nyuwaano muhinaddillapellekeenyu waambeella khalle.

Eksodo 7:22

Koma amasenga a o Iguputwaalle naalliwattho yaheera ddennddo mwa masengiiwa sika wi Farao ahummihave murima. Khaawiiwellelle Mose ni Aroni moollikana ni mmo Apwiya yallotilliiwa.

Deuteronomo 18:20

Koma arive namallotella oollotella mu nnddina naka, miyaano kihimulamunle apaalle oollotella mu nnddina na milluku ddimodda, olliye iiphiweke.’

Yeremiya 23:32

Kinnaakhoota anamallotella ayo enalloha ddawoottha, enaalleella athwaaka ni waavirikaniha ni ddawoottha ddiwannddo. Khe miyaano kaarumalle apaalle waalamula nave kheenaakavihera athu naari vang'ono. Mi Apwiya koollota.”

Eksodo 22:19

“Arive muthu anakonana ni enama iiphiwe.

Yeremiya 27:9

Sika muhiwiiwellelle anamallotellaanyu, awoombesaanyu, oottaphullellaanyu ddoolloha, amavuwaanyu ni amasengaanyu, yaawuulleellakani wi muhimurumeyelle mwene a o Babiloni.

Zekariya 10:2

Vawi aterafimu enallota ddoolleka nave awoombesa makhanga enoona ddawoottha. Oottaphullella olloha ennuuhollosani nave enuullipihani murima nivuddo. Sika athu enneeteeta nngu ni nngu wonanko enkhosa yoohikhalla ni mbusa.