Deuteronomo 1:2 - Mawu a Mulluku

² (Ovenyera o Horebu oya o Kadeshi Baranea, oweella ettilla ya mwaango wa Seiri tti olendo wa mallapo khumi ni nimodda.)

Deuteronomo 1:2 ပူးပေါင်းရင်းမြစ်များ

Numeri 13:26

Yaaphiya wa Mose ni Aroni ni Aisraele attheene o Kadeshi, echipululu ya Parani. Yahaatthopoollella dda olendwiiwa ewoonihella ezipaso dda ellapweeyo.

Numeri 32:8

Makhollwaanyu yaheera ddawi ddiidda kaarumalleemi ovenyera o Kadeshi Baranea wi yazonde ellapo.

Deuteronomo 9:23

Nave Apwiya yuurumalliiwani ovenyera o Kadeshi Baranea wi mwaakhe ellapo yuuvahilleewani, nyuwaano mwahaawukila Apwiya Mullukwaanyu nave khemwaawaakhulupililalle apaalle wiiwellella mawiiwa.

Yoswa 14:6

Athu a nlloko na Yuda yaawa wa Yoswa o Giligala. Kalebe mmodda a alliwaayo, mwaana a Yefune a o Kenizi aamulleella Yoswa wi, “Munnadduwella nnddo Apwiya yamulleelliiwa Mose muthu a Mulluku dda miyaano mu Kadeshi Baranea.

Deuteronomo 2:8

“Sika naakhwaranya ni olendwaahu moowaapheella ellapo ya Seiri nko waari edduullu dda Esau nave naahiya ettilla ya Araba yoovenyera o mizinda dda Elate ni Eziyoni Gebere nirukunuwella o echipululu ya Mowabu.

Deuteronomo 2:4

Yaakilleella wi kuulangizeni wi, ‘Muhanlle vang'ono oweella mu ellapo ya abalaanyu, edduullu dda Esau oyo anakhalla o Seiri. Alliwaayo eneerowoovani nyuwaano koma muchenjere.

Deuteronomo 1:44

Vaavo Aamori ookhalla m'miyaangoni yahuukhumellellani ni owiikarihani wonanko enwi nave yaawuukuthani ovenyera o Seiri ophiya o Horoma.

Levitiko 9:23

Vano Mose ni Aroni yaavollowa m'musasani wamutthukumano. Ekhumallemo, yahaadalisa athwaalle nave ntitimiho na Apwiya naawooneyella athu attheenaayo.

Levitiko 2:14

Aavelleellaka wa Apwiya mukutho wa ddoohata ddawaamba, mukuthooyo okhalle wa tirigu anaanweene awaarika nave oosilleya.

Eksodo 3:1

Mose achiha eziweto dda Yetero, mullupa mukutho o Midiyani, attiitthinnya a Zipora, mwaariye. Nllapo nimodda aakusa eziwetonnddo oweella muchipululuni, aya aphiya o Horebu, mwaango wa Mulluku.

Genesis 32:3

Vano Yakobo ahaarumiha amithengaaye wa Esau mwanamunne o Seiri, o ellapo ya Edomu.

Eksodo 17:6

Miyaano kinaakhalle vahoollo vawo vanllukuni vamwaangoni wa Horebu. Wawashulle nllukunno nave munllukunimmo muneerokhuma maaddi wi athwaayo ewirye.” Mose aheera ddennddo vamiitthoni va oohoollella a Aisraele.

Deuteronomo 1:19

“Valle naheera nnddo Apwiya Mullukwaahu yanilamulalliiwa. Naavenyawo o mwaango wa Horebu nave naavirella mu echipululu yuullupalli ni yawoopiheelle vooyaani o ellapo yamiyaango ya Aamori. Naphiyalleehu o Kadeshi Baranea,

Deuteronomo 2:1

“Vano naahokollowa oya o echipululu oyeella mukhwipi mwa Enyanja Yoofiira moollikana ni mmo Apwiya yalamulelliiwa. Nave mallapo manchichi naakhalla naapheellaka miyaango dda Seiri.