Daniele 9:6 - Mawu a Mulluku

⁶ Khaniwiiwellelle anamallotella, oorumeyellaanyu, ayo yallotella mu nnddina nanyu wa mamwenaahu, wa enduna ddahu, wa makhollwaahu ni wa athu attheene a mwiillaponi.”

Daniele 9:6 ပူးပေါင်းရင်းမြစ်များ

Daniele 9:10

Nyu Apwiya Mullukwaahu, hiyaano khaniiwellenlle mawaanyu, khanaathwanre malamulwaanyu ayo mwaninnyalleenyu oweella mwa oorumeyellaanyu anamallotella.

Nehemiya 9:34

Mamwenaahu, enduna ddahu allupa mukuthwaahu ni makhollwaahu kheyaawiiwellelle malamulo ni malangizo mwawinnyalleenyu.

Ezara 9:7

Waambeella enthawi ya makhollwaahu ophiyera ollello nikhallelle ochimwa wunchichi. Vano ekaamba ya machimwaahwaayo, hiyaano, mamwene a ellapo ddimodda ni allupa mukuthwaahu noovelleelliwa m'mattani mwa mamwene a mwiillaponi wiiphiwa okhotoni, opharelliwa wuukaporoni, waakhiwa ddeko ni owullihiwa muru wonanko mmo ddikhallelliiwa ollello.

Mitteko 13:27

Vawi athu enakhalla o Yerusalemu ni attekweeniiwa kheyaadduwenlle wi olliyooyo tti oovullusa naari kheyaawiiwesesille mawu a anamallotella ayo yeerengiwa va nirive nllapo na Sabata. Voomwiipani mullatu Yesu yaakwakhwaniha mawu yallotiwe ni anamallotella.

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Yeremiya 44:16

“Hi khaaniiwellella nnddo onilleelleewe mu nnddina na Apwiya.

Yeremiya 29:19

Nndda ddineereye ekaamba yawi kheyiiwellelle mawaaka mvo kaarumihelleemi anamallotella, amurummwaaka navettho mwaakhoota wiiwellella.

Yeremiya 26:5

mwaahiiwellella mawu a anamallotella, amurummwaaka, ayo kaarumalleemi wa nyuwaano naari muhiwiiwellellaka,

Yeremiya 7:13

Mwaheera ddoonanara ddittheddenenndda nave mwaakhoota okiiwellella naari kuullotihalleni moovirellella nave khemwaakhunlle kawiithanilleemini.

Nehemiya 9:32

Vano sika nyu Mullukwaahu tti Mulluku Amasiva Mattheene ni awoopiha, munnasunga echipangano ekaamba ya echikondaanyu yoohisintheya. Muhivevulle ddoohoosa nnddo ddinimorelle hiyaano, mamwenaahu, enduna ddahu, allupa mukuthwaahu, anamallotellaahu, makhollwaahu ni athwaanyu attheene ovenyera mu enthawi ya mamwene a o Asiriya ophiyera ollello.

2 Epilli 33:10

Nave Apwiya yaallota ni Manase navettho athwiiwa koma alliwa kheyaapwathille.

2 Mamwene 18:12

Nndda ddaheereya ekaamba yawi athwaayo kheyiiwellelle mawu a Apwiya Mullukwiiwa koma yaatathilla echipanganwaaye ni ddittheddene Mose oorumeyella a Apwiya aalamulelleeye. Kheyaaddithwarille ddennddo naari oddipwatha.

Daniele 9:9

Apwiya Mullukwaahu, muri eechifundo navettho ookhululukella naari nuuwukinleni.

Nehemiya 9:30

Orive muyakha mwaanaavillella nave mwaanaachenjeza ni munepaanyu oweella mwa anamallotellaanyu komave kheyaapella maaru. Sika ekaambiiwa mwaavelleelleenyu m'mattani mwa athu a mu ellapo ddimodda.

Yeremiya 7:24

Koma kheyiiwellenlle naari waapella maaru nave yaavirellella okhalla awumma murima ni oothwara murimiiwa woonanara. Yawehille dda mutulli ohiri ddamuhoollo.