Daniele 9:5 - Mawu a Mulluku

⁵ Hiyaano noochimwa, noheera ddoonanara ni ddoolakwa. Nohuuwukilani voohiyani malamulwaanyu ni malangizwaanyu.

Daniele 9:5 ပူးပေါင်းရင်းမြစ်များ

Malaki 3:7

Waambeella mallapo a makhollwaanyu khemwaawiiwellelle nave khemwaasungalle malamulwaaka. Hokollweellani wa miyaano nave kineerohokollweella wa nyuwaano. Kinallota tti miyaano Apwiya Amasiva Mattheene. Koma nyu munnakoha wi, ‘Ethiyo ninaahokollowe mwawiidde.’

Daniele 9:11

“Aisraele attheene aapwesa malamulwaanyu nave aahollowa, aakhoota wiiwellella mawaanyu. Sika mawu ootembelela ni oollupella ayo yalembiwe mu malamulo a Mose, oorumeyella a Mulluku, aanimorella ekaamba yawi nohuuchimwellani.

Daniele 9:15

“Nyu Apwiya Mullukwaahu, mwahaakhumiha athwaanyu o Iguputo ni nnatta nanyu namasiva nave nnddina nanyu tti noovuwa ophiyera ollello. Koma hiyaano noochimwa, noheera ddoonanara.

Masalimo 106:6

Hiyaano noochimwa wonanko makhollwaahu, noheera ddoonanara, noolakwa.

Aheberi 3:12

Asinnaka ni arokoraka, chenjerani wi variyari vanyu vihikhalle mmodda a murima woonanara ni woohikhulupilila woomuhiyaniha ni Mulluku Ookumi.

Hoseya 1:2

Apwiya yallotilliiwa vawaamba ni Israele oweella mwa Hoseya yaamulleella wi, “Khawe wamutthelle hule nave omuyarelle anamwani ayo enaakhalle ooraruwattho. Vawi athu a mwiillaponimmu tti oohiroromelleya vookihiyani mi Apwiya.”

Ezekiele 6:9

Vano oovulluwa mwa nyuwaano eneerokuupuwella variyari va athu a mitundu ddimoddaayo nko enaapharelliiwawo okaporo. Kineerewaamoriha ethakaraka nave kineerewaawulliha muru ekaamba ya ohiroromelleya wiwa nave owukila wiwa wulle ekaamba yoohiya murimiiwa va mafano. Ddineerewaananara aneeniiwa vawoonanani ddoonanara ddittheddene nnddo yeerilliiwa vamodda ni ddaweera ddiwa ddoonanara.

Maliro 1:20

Nyu Apwiya ngoonani, vawi koopaneya, murimaaka woohoowa wunchichi. Murimaaka wookhumamo ekaamba yawi koohuuwukilani wunchichi. M'musewuni athu erinawiiphiwa ni nsupada, navettho mpa muri okhwa.

Yeremiya 14:7

Athwaaka eninllella wa miyaano wi, “Nyu Apwiya, mweerevo ello ekaamba ya nnddina nanyu naari machimwaahu enihumullullaka aneeniihu, ohiroromelleya wahu tti wuullupalli, ddawoona, nohuuchimwellani.

Masalimo 18:21

Miyaano kaathwara ettilla dda Apwiya, ngaachimwalle voomuhiyani Mullukwaaka.

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Yesaya 59:13

Nyu Apwiya, nohuuwukilani, nohuukhootani, nohuuhiyani, nohaambiha ddoonyingallella ni ddeechiwawa nave m'murimani mwahu munnavenyera ddooganiza ni ddoollota ddoolleka.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Masalimo 119:102

Nginahiyanana malangizwaanyu vawi nyuwaano mwaakihuddiha.

Ezara 9:6

killota wi, “Nyu Mullukwaaka, koowulliwa muru nave nginawora otukhullella ekhovaaka wa nyuwaano Mullukwaaka vawi machimwaahu aawella muddullu okhwaranya miru ddahu nave olakwa wahu woowella ophiyera oddullu.

Masalimo 119:176

Koohollowa wonanko enkhosa yoorimeella, kaashaasheni mi oorumeyellaanyu vawi nginatiwalla malamulwaanyu.

Yeremiya 44:3

Ddittheddenenndda ddaheereya ekaamba ya machimo a athu ayo yattatthamunlle owallaaka, vawoosellani lubani* milluku ddimodda ni oddirumeyella, milluku ddoohidduwelliwa ni alliwa, nyuwaano apaalle makhollwaanyu.

Maliro 1:18

Vaavo Apwiya aheera phaama, ekaamba yawi miyaano kaawukila malamulwiiwa. Ngiiwani, nyu athu a mitundu ddittheddene, ngoonani ohoowa waka. Anamwallaaka ni asombwaaka aapharelliwa wuukaporoni.

Maliro 3:42

“Hi noochimwa nave noowukila nave nyuwaano khamukhululukalle.”

Daniele 9:9

Apwiya Mullukwaahu, muri eechifundo navettho ookhululukella naari nuuwukinleni.

2 Mamwene 18:12

Nndda ddaheereya ekaamba yawi athwaayo kheyiiwellelle mawu a Apwiya Mullukwiiwa koma yaatathilla echipanganwaaye ni ddittheddene Mose oorumeyella a Apwiya aalamulelleeye. Kheyaaddithwarille ddennddo naari oddipwatha.

2 Mamwene 21:15

Ddinaakhalle ddiiddo vawi aheera ddoonanara vamiitthoni vaka nave yookishiha murima ovenyera nllapo nno makhollwiiwa yakhumalliiwa o Iguputo ophiyera ollello.’ ”

Yesaya 64:4

Waambeella khalle khaavo oyo oonille apaalle iiwalle dda Mulluku mmodda oollikana ni nyuwaano, ooweerella ddawi ddiidda athu ootiyerella va olliye.

Yeremiya 14:20

Nyu Apwiya, nohuuchimwellani wunchichi, ninnaakhullella machimwaahu ni a makhollwaahu.

Yeremiya 30:14

Akhwiinyu attheene ahuutiwallani, alliwa khenuupwathanittho. Kohuullakani mweekuku wonanko mudani vawi mullatwaanyu tti muullupalli, machimwaanyu tti manchichi.

Ezekiele 5:6

Koma Aisraele a o Yerusalemu yaawukila malamulwaaka waakhwaranya athu a mitundu ddimodda. Kheyaawiiwellelle waakhwaranya athu a ellapo ddawaapheella. Yaakhoota malamulwaaka nave kheyaasungalle malangizwaaka.