Daniele 9:23 - Mawu a Mulluku

²³ Waambeewe ovekella wawo Mulluku ahaakhulla sika koowa wi kuulleelle waakhullanko vawi olliye annuukondesesa. Ekaamba ya yeella, owiiwesese phaama mawaayo kaatthopoollaka dda ddeko woonilleewe m'masomphenya.

Daniele 9:23 ပူးပေါင်းရင်းမြစ်များ

Daniele 10:19

Aallota wi, “We ookondiwesesa, ohoove. Murendelle okhalle ni weyaano. Khalla amasiva nave llipa murima.” Allotilleeye ddenndda, kaaphwanya masiva nave kaallota wi, “Apwiyaaka, llotani vawi mookillipiha.”

Mateyu 24:15

“Vano muneerewoona ‘Yoonanara Yawoononga’ elle yaallotiwe ni Daniele namallotella yiimenlle mu nipuro noopatuleya.” (Oyo aneerenga mawaalla iiwesese ottaphullella wiwa.)

Luka 1:28

Mungeloolle aawa wa Mariya allota wi, “Mooni! Apwiya aaweerella echifundo nave eri ni weyaano!”

Nchipo na Solomoni 7:10

Mi tti a ookondiwaaka, munkhellaaye muttheene ori va miyaano.

Ezekiele 26:12

Eneerowaakha eyuumaawo ni malondaawo. Eneerokumulla mipanda ddawo ni enyumba ddawo ddooreera. Mallukwaawo, miteekho ddawo ni erive ello eneeroddivokha mu enyanja.

Ezekiele 24:16

“We mwaana a muthu, moorurumusa kineerowaakha mwaariyo oyo anuuya m'mwiitthoni mwawo wunchichi. Koma ohinakhupanya, ohinlle apaalle omoriha miitthori.

Daniele 6:3

Daniele ahooniwa mwawaakuva wi ttuuphara mutteko phaama okhwaranya oowehera akhwaaye ni enduna kaambiiwa olliye aari eezeru ddoowallamella. Sika mwene aaganizera ddawi Daniele akhalle oowehera omwene muttheene.

2 Mamwene 19:20

Vano Yesaya mwaana a Amozi aarumiha othenga wa Hezekiya omulleella wi Apwiya Mulluku a Israele, ohiiwa nivekello naye noollota dda Senakeribu mwene a o Asiriya.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Ezekiele 14:14

Naari athu araru, Nowa, Daniele ni Yobu yaariki wenko yaavulluse okumiiwave ekaamba ya ororomelleya wiwa. Mi Apwiya Mulluku koollota.”

Daniele 10:1

Muyakha waneeraru wa mwene Kirusi a o Persiya, Daniele oyo aromolliwa Beliteshazara ahiiwa mawu a othenga wawoona oollota dda ekhoto yuullupalli. Daniele ahiiwesesa othengooyo oonilleeye ddeko m'masomphenya.