Daniele 9:20 - Mawu a Mulluku

²⁰ Kaanallota ni ovekella ni waakhullella machimwaaka ni machimo a athwaaka a Israele. Kaanaveka vamiitthoni va Apwiya Mullukwaaka vawuupuwellani mwaango waweella wa Mullukwaaka.

Daniele 9:20 ပူးပေါင်းရင်းမြစ်များ

Masalimo 145:18

Apwiya eri vakhuviru ni attheene ayo enawiithana, ayo enawiithana mwawoona.

Aroma 3:23

Arive muthu oochimwa nave oorekamellana ni ntitimiho na Mulluku.

Yesaya 58:9

Mwaavekellaka kineerekowiiwani nave mwaakiithanaka kineerekowaakhullani. “Mwattaphulla nigoli, mwahiya orunellana ni ollota ddoonanara dda akhwiinyu,

Daniele 9:16

Nyu Apwiya, ekaamba ya olungama wanyu, ninaveka wi osha murima wanyu ni owallaanyu ddivenyevo va muzinda wa Yerusalemu, mwaangwaanyu waweella. Athu a ellapo ddawaapheella ennamuvevulla Yerusalemu ni athwaanyu ekaamba ya machimwaahu ni ddoonanara dda makhollwaahu.

Yesaya 65:24

Kineerowaakhulla ehinamallihe wiithana nave kineerowiiwa ehinamallihe ollota.

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

Yawuupullulla 21:10

Vano kaahoollelliwa ni Munepa Waweella nave mungeloolle aakikusella vaddullu va mwaango woorekama. Aakooniha Yerusalemu, muzinda waweella okitthaka ovenyera oddullu, wa Mulluku,

Yawuupullulla 21:2

Nave kahoona muzinda waweella, Yerusalemu anaanweene, akitthaka ovenyera oddullu, wa Mulluku, waari okhozekille wonanko mutthiyana ootthelliwa awarihiwe phaama wi akumane ni mamune.

Yakobo 3:2

Attheene ninnachimwa va ddeko ddinchichi. Koma muthu ahinachimwa voollotani, yooyo tti aphaama wunchichi navettho annawora wiihiiha mwiillaaye muttheene.

Mitteko 4:31

Yamallihalliiwa ovekellanko, vanipuroni mvo yatthukumanniiwa vaatikheya. Attheenaayo yaaddalliwa ni Munepa Waweella nave yaamba ollalleya othenga wa Mulluku moollipa murima.

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Daniele 10:2

Mallapo yaayo, miyaano Daniele kahinlla wa milungu miraru ddamututha.

Yesaya 56:7

“Kineerewaaphiyiha o Ziyoni, mwaangwaaka wootthoolliwa. Kineerewaavaha ehakallallo mu enyumbaaka yamavekello. Mikutho ddiwa ddawoosa ni mikutho ddiwa ddimodda kineeroddaakhella va nikuwa naka. Valle enyumbaaka eneeroromolliwa enyumba yoovekellamo athu a mitundu ddittheddene.”

Oollalleya 7:20

Ddawoona va ellapo yavatthi khaavo muthu aneera ddoolungama woohichimwa naari vang'ono.

Ezara 10:1

Ezara avekelleeye ni owulula machimo inllaka ni wuupuruwa vahoollo va enyumba ya Mulluku, mutthukumano muullupalli wa Aisraele, allopwana, atthiyana ni anamwani waawa wa olliye otte wa Israele nave yahinlla wunchichi.

Nehemiya 1:6

Apellani maaru nave khunuullani miittho wi mwiiwe ovekella wa oorumeyellaanyu nko kinavekelleemi vamiitthoni vanyu otthaana ni mahiiyu waavekellella Aisraele oorumeyellaanyu, owulula machimwiiwa ayo nichimwalleehu vamiitthoni vanyu. Ddawoona, miyaano ni nibanja na makhollwaaka nohuuchimwellani.

Daniele 10:12

Koma olliye aallota wi, “We Daniele, ohoove vawi ovenyera nllapo nawaamba mvo wahiyalleewe murimaawo va odduwella ni wiiyeviha vamiitthoni va Mullukwaawo, nivekello nawo nahiiweya mwawi kiwiille wi kaakhulle.

Daniele 11:45

Aneerotthipella misasa ddaye ddoomwene variyari va enyanja ni mwaango waweella wooreera. Komave voomallihella mwenooyo aneerewiiphiwa oohikhallavo oomwaakihera.