Daniele 9:2 - Mawu a Mulluku

² Vano muyakha wawaamba wa omwenaaye, miyaano Daniele, vaweerengani mabukhu aweella, kaaphwanya wi Yerusalemu aneerotthattusiwa ntepe wa miyakha 70. Mawu yaalla tti ayo Apwiya yamulleelliiwa namallotella Yeremiya.

Daniele 9:2 ပူးပေါင်းရင်းမြစ်များ

Yeremiya 29:10

“Apwiya enallota wi, ‘Ddamalla miyakha 70 dda Babiloni, kineeroweetellani ni weera kuulonjezilleemini nave kineerewuuhokollosellani o nipuronna.

2 Epilli 36:21

wi mawu a Apwiya oweella mwa Yeremiya awi, “Ellapo eneerewoonongeya wa miyakha 70 wi masabata awiithuuwa ayo yaheereyille ekwakhwanihelliwe.”

Yawuupullulla 1:3

Oodalisiwa tti muthu oyo aneerenga nibukhu nenna navettho oodalisiwa tti muthu oyo aniiwa ddoollotelliwannddo nave aneera ddilembiwe munibukhunimmu! Vawi enthawi yohaatamella yawi ddeko ddittheddenenndda ddeereye.

Zekariya 7:5

“Alleelle athu attheene a mwiillaponi ni allupa mukutho wi mwahalleenyu ocha ni winlla va mweeri waneesese ni va mweeri waneetthanu ni piilli wa miyakha 70, khamweera ekaamba ya miyaano.

Ezara 1:1

M'muyakha wawaamba wa olamulello wa Kirusi mwene a o Persiya, mawu a Apwiya yallotiwe oweella mwa Yeremiya wi yaakwakhwanihiwa. Vano Apwiya yaamuvaha maganizo Kirusi wi allalleye mwiillaponi mutthemwene voollotani navettho voolembani wi,

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Yeremiya 27:7

Athu amitundu ddittheddene eneerekomurumeyella olliye, mwanaye ni edduullwaaye ophiyera ekwakhwanille enthawi yawi ellapwaaye yoonongeye. Vano athu amitundu ddinchichi ni mamwene amasiva eneerogonjiha omwenaaye.’

Yeremiya 25:18

Yaakiruma o Yerusalemu, o mizinda dda o Yuda, wa mamwenaaye ni enduna ddaye wi etthattuwe matepe, ello yawoopiha ni yoottheyiwa monga ddikhallelliiwa ollello.

Yeremiya 7:34

Khowa wiiweyattho mawu oohakallalla ni oottheya o mizinda dda o Yuda ni o misewu dda mu Yerusalemu. Khawiiweyattho mawu oothapella, a ootthella ni ootthelliwa vawi ellapo eneerotthattuwa otthako.’ ”

Yesaya 64:10

Mizinda ddanyu ddaweella ddootthattuwa echipululu, Ziyoni ootthattuwa nihaka, Yerusalemu ootthattuwa mukhwaadduni.

1 Timoteo 4:13

Ophiyera enthawi kinaaweemi, oweerengelleke athu mawu a Mulluku, ollalleyeke ni ohuddiha.

Mitteko 8:34

Muullupallooyo aamukoha Filipo wi, “Killeelleni, namallotelloolla anallota ddawani? Ddayeekha apaalle dda muthu mmodda?”

Mariko 13:14

“Vano muneerewoona ‘Yoonanara Yawoononga’ yiimenlle mu nipuro noohiphwanella wi yimellevo (Oyo aneerenga mawaalla iiwesese ottaphullella wiwa.) Vano ayo eri o Yudeya ethawelle omiyaangoni.

Mateyu 24:15

“Vano muneerewoona ‘Yoonanara Yawoononga’ elle yaallotiwe ni Daniele namallotella yiimenlle mu nipuro noopatuleya.” (Oyo aneerenga mawaalla iiwesese ottaphullella wiwa.)

Maliro 1:1

Ha! Khalle waari muzinda wooddalla ni athu, ollello ohanlle weekhiiwa. Khalle waari woovuwa variyari va mitundu dda athu, ollello wootthattuwa wonanko naamukhwelle. Khalle waari mwene aamutthiyana, ollello wootthattuwa kaporo.

Yeremiya 26:6

enyumba ella kineeroyoononga wonanko kamoonongelleemi Shilo. Vano muzindoolla kineerowutthattusa ello yootembeleleya wa mitundu ddittheddene dda va ellapo yavatthi.’ ”

Masalimo 119:24

Ombonaanyu onnakihakallalliha, tti yooyo onakilangiza.

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 1:1

Alla sika mawu a Yeremiya mwaana a Hilikiya, mmodda mwa allupa mukutho o Anatoti, mu ellapo ya Benjamini.

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

Zekariya 1:12

Vano mungelo a Apwiya aakoha wi, “Nyu Apwiya Amasiva Mattheene, ethiyo Yerusalemu vamodda ni mizinda ddittheddene dda o Yuda nnddo mwaddinanariwelleenyu wa miyakha makhumi matthanu ni meelli, munaaddummelle murima ophiyera niini?”

Ezekiele 29:11

Khaniivo nnyallo na muthu apaalle na enama ninaanyingallevo. Oneerokhalla woohikhalla athu wa miyakha 40.