Daniele 9:18 - Mawu a Mulluku

¹⁸ Nyu Mullukwaaka, apellani maaru wi mwiiwe mawaaka. Muhulle miitthwaanyu wi moone matepaahu ni muzinda oyo onadduwelliwa ni nnddina nanyu. Kinavekella wa nyuwaano ekaamba yawi muri eechifundo, ohiri ekaamba yawi hiyaano niri oolungama.

Daniele 9:18 ပူးပေါင်းရင်းမြစ်များ

Yesaya 37:17

Sika nyu Apwiya, apellani maaru mwiiwe. Nyu Apwiya khunuullani miittho wi moone. Mwiiwe mawu mattheene ayo Senakeribu allotilleeye awuuvevullani nyu Mulluku Ookumi.

Yeremiya 36:7

Apaalle ttuuvekella wa Apwiya nave arive muthu ttuuhiya makhallellwaaye oonanara kaambiiwa Apwiya ahaashella murima athu yaalla ni owalli wawoopiha.”

Yeremiya 25:29

Ngoonani, kinaambe ollaka muzinda oyo onadduwelliwa ni nnddina naka. Ethiyo munaganiza wi nyu khamullakiwa? Khe ddiiddo! Khamuwora othawa ollakiwa. Kineerorumiha ekhoto wa athu attheene ookhalla va ellapo yavatthi. Mi Apwiya Amasiva Mattheene koollota.’

2 Mamwene 19:16

Sika nyu Apwiya, apellani maaru mwiiwe. Nyu Apwiya khunuullani miittho wi moone. Mwiiwe mawu ayo Senakeribu allotilleeye awuuvevullani nyu Mulluku Ookumi.

Ezekiele 36:32

Dduwellani wi kineereweera ddenndda woohikhalla ekaamba ya nyuwaano. Mi Apwiya Mulluku koollota. Sika Aisraele attheenenyu wulliwani muru nave morihani ekhove ekaamba ya makhallellwaanyu oonanara.

Yeremiya 15:16

Kiiwalleemi mawaanyu kaawaakhella wonanko yoocha nave yaakivaha othapella ni ehakallallo. Nyu Apwiya Amasiva Mattheene, valle miyaano kinadduwelliwa ni nnddina nanyu.

Yeremiya 14:7

Athwaaka eninllella wa miyaano wi, “Nyu Apwiya, mweerevo ello ekaamba ya nnddina nanyu naari machimwaahu enihumullullaka aneeniihu, ohiroromelleya wahu tti wuullupalli, ddawoona, nohuuchimwellani.

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

Yeremiya 37:20

Vano kinuuvekani nyu apwiyaaka amwene wi mwiiwe oveka waka. Muhikihokolloselle o enyumba ya namalembella Yonatani woova wi kinaakhwelle wenko.”

Yeremiya 14:9

Kaambiiwa tini munakhalleenyu wonanko awiimella muru, wonanko akhoto oohiwora ovullusa? Komave nyu Apwiya muri variyari vahu, ninnadduwelliwa ni nnddina nanyu, muhinihiye weekhiihu.”

Yesaya 64:6

Attheene niri wonanko athu ooripihiwa nave naari mitteko ddahu ddittheddene ddaphaama ddiri wonanko ekuwo yooripihiwa. Attheene ninnanyaalla wonanko makattha, ninnahahareya ni machimwaahu wonanko ninakakhiwa ni ephevo.

1 Mamwene 8:29

Weherakani enyumbeella otthaana ni mahiiyu, nipuro nno mwaanithoollilleenyu wi nnddina nanyu nikhalleke mwemmo wi mwiiwe nivekello nno anaavekelle oorumeyellaanyu onipuroni wuno.

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Yesaya 64:12

Nyu Apwiya, mweerelle tini ellapo tuu? Ethiyo mukhurumuwelle tini oohillota ello! Munanihoosella tini wunchichi?

Masalimo 116:1

Kinnaakonda Apwiya ekaamba yawi enniiwa mawaaka kaavekellaka.

Daniele 9:7

Nyu Apwiya, muri oolungama koma ophiyera ollello ninnavirellella owulliwa muru hiyaano athu a o Yuda, aneetthi a o Yerusalemu ni athu attheene a o Israele, avakhuviru ni awoorekama, o ellapo ddittheddene nko mwaniikarihelleenyuwo ekaamba yawi khanaaroromelleye wa nyuwaano.

Numeri 6:27

Nave Apwiya yaallota wi, “Yaaromollaka nnddina naka vawaadalisani Aisraele, miyaano kineerewaadalisa.”

Masalimo 25:6

Nyu Apwiya, upuwellani echifundwaanyu ni echikondaanyu yoohisintheya eyo moonihalleenyu waambeella khalle.

Yesaya 43:7

arive muthu oyo anadduwelliwa ni nnddina naka, oyo kamphatusalleemi ekaamba ya ntitimiho naka, oyo kamoopilleemi ni ompanga.”

Ezekiele 36:22

“Sika alleelle Aisraelaayo wi mi Apwiya Mulluku kinallota wi nnddo kinaaweereemi ngeera ekaamba ya nyuwaano, Aisraele koma ekaamba ya nnddina naka naweella nno mwaniripihalleenyu variyari va mitundu ddimodda nko mwayiilleenyuwo.