Daniele 9:16 - Mawu a Mulluku

¹⁶ Nyu Apwiya, ekaamba ya olungama wanyu, ninaveka wi osha murima wanyu ni owallaanyu ddivenyevo va muzinda wa Yerusalemu, mwaangwaanyu waweella. Athu a ellapo ddawaapheella ennamuvevulla Yerusalemu ni athwaanyu ekaamba ya machimwaahu ni ddoonanara dda makhollwaahu.

Daniele 9:16 ပူးပေါင်းရင်းမြစ်များ

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Yowele 3:17

Vano we Israele, oneerodduwella wi, mi tti Apwiya Mullukwaawo oyo kinakhalla o Ziyoni, mwaangwaaka waweella. Yerusalemu anaakhalle oopatuleya, adani khewa emugonjihattho.

Daniele 9:20

Kaanallota ni ovekella ni waakhullella machimwaaka ni machimo a athwaaka a Israele. Kaanaveka vamiitthoni va Apwiya Mullukwaaka vawuupuwellani mwaango waweella wa Mullukwaaka.

Masalimo 31:1

Apwiya kinathawella wa nyuwaano, muhikiwullihe muru. Vano mukivulluse kaambiiwa nyu tti oolungama.

Masalimo 79:4

Hiyaano nootthattuwa ello yoovevuwa wa athu a mitundu ddimodda, athu a mitundu ddoonaapheella ennaninyemulla ni onittheya.

Masalimo 71:2

Kaakihereni nave kivulluseni kaambiiwa nyu tti oolungama. Kaapelleni maaru wi mukiiwe nave mukivulluse.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

1 Yohane 1:9

Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.

2 Atesalonika 1:6

Mulluku tti oolungama ndithu, aneerewaallaka ayo enuuhoosani.

Ezekiele 5:14

“We Yerusalemu, kineerewuutthattusa ntepe. Oneerokhalla oovevuwa m'mwiitthoni mwa athu a mitundu ddoowaapheella ni wa oovira.

Yeremiya 32:32

Athu a o Israele ni Yuda, mamweniiwa, enduna ddiwa, allupa mukuthwiiwa, anamallotelliiwa ni attheene ookhalla o Yerusalemu ni o Yuda, yaakishiha murima ni mitteko ddiwa ddoonanara.

Yeremiya 29:18

Kineerowiipha ni ekhoto, ettalla ni mullilli nave kineerewaatthattusa ello yawoopiha wa athu a ma omwene mattheene a va ellapo yavatthi. Enaakhalle ootembeleliwa ni awoopiha, oosoonyiwa ni oovevuwa variyari va mitundu ddittheddene dda athu nko kawiikarelleemiwo.

Yeremiya 24:9

Kineerewaatthattusa ello yawoopiha yoonanara wa mamwene mattheene a va ellapo yavatthi, ello yoovevuwa, yoohikhalla ni mutteko, yoottheyiwa ni yootembeleliwa orive weko kinaawiikarelleemiwo.

Masalimo 143:1

Nyu Apwiya, iwani oveka waka, kireyeni maaru wi mwiiwe nivekello naka, Mukaakhulle ekaamba ya ororomelleya wanyu ni echilungamwaanyu.

Masalimo 41:13

Etitimiheye Apwiya Mulluku a Israele, waambeella enthawi yoohimalla wa enthawi yoohimalla! Amen! Amen!”

Nehemiya 9:8

Mwahoona wi aari oororomelleya wa nyuwaano sika mwaakeraatthiha echipangano. Mwaalonjeza wi muneeromuvaha ellapo ya Akanani, Ahiti, Aamori, Aperezi, Ayebusi ni Agirigashi wi ekhalle ellapo eyo munaakhalleke edduullu ddaye. Sika mookwakhwaniha lonjezo nanyu vawi nyuwaano tti oolungama.

1 Samuele 2:7

Apwiya ennahoowiha nave ennavaha eyuuma, Ennaakitthiha athu vampandoni, ennaawelliha athu vampandoni.

Masalimo 85:4

Nyu Mulluku oonivullusaahu, munihokolloselle mwakhalle, munivenyihelle osha murima wanyu.

Yesaya 5:25

Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe. Miyaango ddootikheya nave mitembo dda athwiiwa ddiri millumillu wonanko ekattha variyari va misewu. Koma naari Mulluku eerille ddennddo, osha murima waye khonamalle vawi nnatta naye nirive noottaphurusa.

Yeremiya 32:31

Muzinda yoolla wookishiha murima ni ottatthamulla owallaaka ovenyera enthawi yawumakilliiwa ophiyera ollello. Ekaamba ya yeella, kineerowuvenyihevo vamiitthoni vaka.

Daniele 11:45

Aneerotthipella misasa ddaye ddoomwene variyari va enyanja ni mwaango waweella wooreera. Komave voomallihella mwenooyo aneerewiiphiwa oohikhallavo oomwaakihera.

Masalimo 89:51

Nyu Apwiya, upuwellani wi enakivevullaayo tti adanaanyu, ennanyaambusa meetello a oozoziwaanyu virive veko anyinganlleeye.

Ezekiele 22:4

Woochimwa kaambiiwa wookhumiha nikhame. Wohiiripiha ni mafano ayo waapangilleewe. Vano wooyeviha mallapwaawo nave miyakha ddawo ddoomalla. Sika ekaambiiwa kaakhullelleemi mitundu dda athu dduuvevulle nave wi ellapo ddittheddene dduuttheye.