Daniele 9:14 - Mawu a Mulluku

¹⁴ Nyu Apwiya Mullukwaahu, ekaamba ya yeella mwaakhozekella onimorihella otulli yoolla nave woonimorella. Nyu Apwiya Mullukwaahu, muri oolungama va ddittheddene mweerilleenyu komave hiyaano khaniiwellenlle mawaanyu.

Daniele 9:14 ပူးပေါင်းရင်းမြစ်များ

Daniele 9:7

Nyu Apwiya, muri oolungama koma ophiyera ollello ninnavirellella owulliwa muru hiyaano athu a o Yuda, aneetthi a o Yerusalemu ni athu attheene a o Israele, avakhuviru ni awoorekama, o ellapo ddittheddene nko mwaniikarihelleenyuwo ekaamba yawi khanaaroromelleye wa nyuwaano.

Nehemiya 9:33

Nyu tti oolungama va ddittheddene ddinimorenlle, nyu tti oororomelleya koma hi tti oochimwa.

Yeremiya 44:27

Kineerewoonesesa wi athu yaalla kiweerelle ddoonanara ohiri ddaphaama. Athu attheene a o Yuda ayo eri o Iguputo eneerewiiphiwa ni ekhoto, amodda enaakhwe ni ettalla, ophiyera kaatthollosille.

Masalimo 51:14

Mukaakihe o mullatu wa nikhame, nyu Mulluku, Mulluku oovullusaaka, kineerowelliha mawaaka vawiipani dda ovullusa wanyu.

Yeremiya 31:28

Wonanko mmo kaweherelleemi phaama otulla, okuha, woononga, okumulla ni weera ddoonanara, emoddamoddavettho kineerowehera phaama omaka ni waalla.

2 Epilli 12:6

Nave oohoollella a Israele ni mwene yahiiyeviha ellota wi, “Apwiya tti oolungama.”

Masalimo 116:5

Apwiya tti ooreera murima ni oolungama, Mullukwaahu tti eechifundo.

Masalimo 119:137

Nyu Apwiya, muri oolungama, echiweruzwaanyu tti yoolungama.

Eksodo 9:27

Vano Farao aamwiithana Mose ni Aroni aalleella wi, “Ddawoona koochimwa. Apwiya tti ookhoza koma miyaano ni athwaaka, attheene niri oochimwa.

Ezara 9:15

Nyu Apwiya Mulluku a Israele tti a echilungamo komave noohalla ophiyera ollello. Ngoonani niri vamiitthoni vanyu nidduwellakave ddoochimwa ddahu mwawi khaavo naari muthu mmodda aniimelle vamiitthoni vanyu ekaamba ya yeella.”

Masalimo 111:7

Mitteko dda mattiiwa tti ddawoona ni ddoolungama, Malamulwiiwa mattheene tti oororomelleya.

Yeremiya 4:17

Ennamwaapheella Yerusalemu wonanko alonda a emata kaambiiwa athwaaka aakiwukila.” Mi Apwiya aallota.

Yeremiya 12:1

Nyu Apwiya kaavaanyanaka ni nyuwaano, ddawoona, awoona munaakhalle nyuwaano, komave kineerewuukhupanyellani dda mullatwaaka. Ethiyo kaambiiwa tini athu oonanara ddeko ddinaweetelliiwa phaama? Ethiyo kaambiiwa tini oolleka enakhalliiwa mwamurendelle?

Maliro 1:5

Adanaaye aatthattuwa oomulamulella, awiitana ni olliye eri vaphaama, vawi Apwiya aamukakhella mu ddookatamiha ekaamba ya machimo manchichi a athwaaye. Anaaye aamuhiya, aakusiwa okaporo ni adani.

Ezekiele 16:43

Weyaano waatiwalla mallapo eenamwanaawo nave waakishiha murima ni ddeko nnddo weenreewe. Sika ekaambiiwa miyaano kuuhokolloselleemi ddoonanara ekaamba ya nnddo weerilleewe. Vallethi waahoonjerera oraruwa va ddoonanara ddawo ddimodda. Mi Apwiya Mulluku koollota.”

Daniele 4:34

Koma miyakha mitthanu ni miilli ddamanlliiwa mi Nebukadinezara kaaweha oddullu nave ezeru ddaka ddaahokollowa. Sika kaamutthamalla Mulluku Ooddullu nave kaathokoza ni omutitimiha Mulluku a enthawi yoohimalla. Kaallota wi, “Aneerolamulella wa enthawi yoohimalla, omwenaaye tti wa mibado ddittheddene.