Daniele 9:12 - Mawu a Mulluku

¹² Ddawoona, moheera nnddo mwanilleelleenyu vamodda oonihoollellaahu. Moonimorihella otulli wawoopiha hiyaano ni Yerusalemu, otulli wawi khonooneyeke waambeella khalle va ellapo yavatthi ettheene.

Daniele 9:12 ပူးပေါင်းရင်းမြစ်များ

Ezekiele 5:9

Kineeroweerellani nnddo kihineerekeemi ovenyera khalle nave ngiwa keera muhoollo ekaamba ya ddaweera ddanyu ddinchichi ddoonanara.

Maliro 1:12

Ethiyo ddenndda muneesa dda shisha, attheene oovira m'musewuninyu? Ngeesani ovokha miittho, moone, vaarimi viri ddoohoosa okhwaranya ddaakanndda, ddoohoosa nnddo ekimorihelle Apwiya, mvo yakishenlliiwa murima mwawoopiha.

Yesaya 44:26

Miyaano sika kinasimikiza mawu a oorumeyellaaka, kinakwakhwanihera nnddo amithengaaka yallotenlliiwa. Miyaano sika kinallota dda Yerusalemu wi athu eneerokhallattho wenko, dda mizinda dda o Yuda wi ddineeromakiwattho, kineerovenyihattho mapurwiiwa yakumulliwe.

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Maliro 2:13

We mwaana aamutthiyana, Yerusalemu, kinaallotettho tini dda weyaano apaalle wuuphwanaphwaniha ni tini? We mwaana aamutthiyana, Ziyoni, ethiyo kinuuphwanaphwanihe ni aani wi kuuhakallallihe? Vawi woonongeya wawo tti wuullupalli wonanko enyanja, ttaani anaawore wuuchiriha?

Yobu 12:17

Annaddaakha ezeru enduna, annaakarangeyiha aweeruza.

Aroma 15:8

Vawi kinimuulleellani wi Khrisitu aari oorumeyella a Ayuda osimikizella wi Mulluku tti oororomelleya wi ddikwakhwane nnddo alonjezilleeye ni makhollwiiwa

Luka 21:22

Vawi enaakhalle mallapo oohokollosellana wi ddittheddene ddalembiwe mu mawu a Mulluku ddikwakhwanihiwe.

Mariko 13:19

Kaambiiwa, ddoohoosa ddinaawe mallapo yaayo, ddinaakhalle ddawi khaddineereyeke ovenyera mvo Mulluku aphatusalleeye ellapo ophiyera ollello nave khaddiwa ddeereyattho ddoophwanaphwana ni ddenndda.

Mateyu 24:21

Kaambiiwa, ddoohoosa ddinaawe mallapo yaayo, ddinaakhalle ddawi khaddineereyeke ovenyera va ophatuwa wa ellapo ophiyera ollello nave khaddiwa ddeereyattho ddoophwanaphwana ni ddenndda.

Mateyu 5:18

Vawi kinimuulleellani ddawoona wi, ophiyera oddullu ni ellapo yavatthi ddimallille, khaviwa vivenyihiwa nlemba ning'onong'ono nimodda naari etthoka emodda va malamulwaalla ophiyera ddittheddene ddeeriwe.

Zekariya 1:8

“Mahiiyu kahoona ddeko mu masomphenya. Kaamoona muthu amuwenlle kavalo oofiira nave iimenlle va asimiteekho amakukhu muntaponi. Nave vatulli viwa vaari akavalo oofiira, oosiripa ni aweella.

Zekariya 1:6

Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Yowele 2:2

Tti nllapo neepiphi ni neethakaraka, nllapo namirapo ddoottikana. Mulloko wa amasiva, tti wonanko epiphi ehuruwelle miyaango, khonooneyekevo waambeella khalle nave khowa wooneya.

Ezekiele 13:6

Anamallotellaayo ennallotella ddawoottha nave ennoombesa ddawaahollosa. Ennallota wi, ‘Enallota tti Apwiya koma Apwiya ehimurumalle naari vang'ono.’ Koma enatiyera wi ddennddo ddineereweereya.

Maliro 4:6

Ollakiwa wa mwaana aamutthiyana, athwaaka tti wuullupalli okhwaranya oollakiwa wa Sodomu oyo allakiwe moorurumusa oohikhallavo awaakavihera.

Miyambo 8:16

Kinnakavihera enduna voolamulani phaama, attekweene vaweeruzani moolungama.

Masalimo 148:11

Atitimiheni Apwiya, nyu mamwene a va ellapo yavatthi ni athu a mitundu ddittheddene, nyu attekweene ni oolamulella ellapo yavatthi!

Masalimo 2:10

Sika nyu mamwene khallani eezeru, chenjerani nyu oolamulella ellapo yavatthi.

1 Mamwene 3:9

Sika mukivahe mi oorumeyellaanyu murima woodduwella waalamulella athwaanyu wi kidduwelleke ohiyaniha yaphaama ni yoonanara. Vawi kinaawore mwawiidde waalamulella athwaalla?”

Yeremiya 30:7

Otulli! Nllapo nenno tti nuullupalli wunchichi, khaviwa vikhallattho nimodda noophwanaphwanana. Enaakhalle enthawi ya ddoohoosa wa Yakobo, komave aneerovulluwa o ddookatamihannddo.”

Yeremiya 32:23

Koma yaavollowilliiwa mwiillaponimmu ni waakha wi ekhalla yayiwayayiwa, yaakhoota owiiwellellani apaalle othwara malamulwaanyu. Yaakhoota weera nnddo mwaalamulalleenyu. Sika ekaamba ya yeella, mohaamorihella ddoohoosa ddittheddenenndda.

Yeremiya 39:16

Khawe wamulleelle Ebedemeleki Mukushi wi Apwiya Amasiva Mattheene, Mulluku a Israele anallota wi, “Ngoonani, ddineereweereya nnddo kallotilleemi dda muzindoolla vawi ddinaakhalle ddoonanara ohiri ddaphaama. Ddineereweereya va enthawiiwa, weyaano woonaka.

Yeremiya 44:23

Otulli yoolla wohuumorellani ekaamba yawi moosa lubani ni mwahaachimwella Apwiya vookhootani wiiwellella mawiiwa ni voohithwarani malamulo ni malangizwiiwa mattheene.”

Daniele 12:1

Va enthawi yeeyo Mikaele, mungelo muullupalli oyo anaawehera athwaawo, aneerophiya. Enthawi yeeyo enaakhalle ya ddoohoosa ddawoopiha awi khenooneyeke ovenyera khalle, ephatuwello ya mutundu wawaamba wa athu ophiyera enthawi yeeyo. Va enthaweeyo athwaawo attheene ayo manddiniiwa elembiwe mu nibukhu eneerovulluwa.

Zekariya 7:12

Yahummiha mirima ddiwa wunchichi wi ehiiwe malamulo ni mawu ayo mi Apwiya Amasiva Mattheene kaahuddihalleemi ni munepaaka oweella mwa anamallotella akhalle. Ekaamba ya yeella mi Apwiya Amasiva Mattheene kahaananariwella wunchichi.

2 Mamwene 22:16

‘Mi Apwiya kinallota wi kineeromoriha yoonanara va muzindoolla ni va athu attheene a mwemmo monga mwa mawu mattheene a mu nibukhu nno mwene a o Yuda aneerengilleeye.

Yesaya 43:28

mamwenaanyu yaaripiha nipuro naka naweella. Ekaamba ya yeella kahaakhullella wi Yakobo oonongiwe, Israele avevulliwe.”