Daniele 8:23 - Mawu a Mulluku

²³ Nave vamamallihello va moomwenaalla, machimwiiwa yaatillesese vineerewooneya mwene awumma murima, oochenjera wunchichi.

Daniele 8:23 ပူးပေါင်းရင်းမြစ်များ

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

1 Timoteo 4:1

Nave Munepa Waweella annallota moollotesesa wi m'mallaponi oomallihella athu amodda eneerohiya echikhulupililwiiwa ni wiiwellella minepa ddoohollosa ni othwara ehuddiho dda minepa ddoonanara.

Daniele 7:20

Kaapaallattho odduwella dda manyaka khumi a va muru vaye navettho dda nnyaka nimoddanne natullalle mamodda mararwaalle voomellani. Nna tti nnyaka nne naari ni miittho ni eyano yoollota ddawiitukhulla nave nooneya nuullupalli okhwaranya mattheene.

Daniele 7:11

Sika kaawehesesa ekaamba ya mawu awiitukhulla oollotiwa ni nnyakanne. Kiwehaka ddiiddo, yookumeelle yahiiphiwa nave mutembwiiwa wahoonongiwa ovokhelliwa viikho.

Daniele 7:8

Kiwehaka manyakaayo, kahoona nnyaka nimodda ning'onong'ono nimellaka variyari va manyakaayo. Manyaka mararu mwa awaambaalle yaatulliwa wi nimoddanno niphwanye nipuro. Nnyaka nenna naakhalla ni miittho wonanko a muthu navettho eyano eyo yallota ddawiitukhulla.

Daniele 7:25

Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.

Daniele 8:25

Ekaamba ya ochenjeresesa waye aneereweera ddoolleka nave murimaaye oneerewiitukhulla. Aneerewoononga athu anchichi moohaachenjeza. Aneeromuwukila mwene a mamwene koma aneerewoonongeya woohikhalla ni nnatta na muthu

Ezekiele 38:16

Oneerowa wi ollipane ni athwaaka Aisraele wonanko ephevo yuullupalli yoohuruwella ellapo. Mallapo yaayo kineerowaambaniha ni ellapwaaka wi athu a mitundu ddimodda ekidduwelle mvo kinaawoonihelleemi weella waka va nnddo kinaaweerelleemi, we Gogi.’ ”

Ezekiele 38:8

Kineerowiithana vavira mallapo manchichi. Miyakha ddinawanndda kineerewuuvollochiha mu ellapo eyo yavulluwalle okhotoni. Oneerewaaphwanya athu etthukumanne ovenyera o mitundu ddinchichi dda athu, ekeraattheyille omiyaangoni dda Aisraele, ayo yahiyiwe enthawi yoorekama koma yakhumihiwe variyari va mitundu dda athu nave attheenaayo eri vamurendelleni.

Daniele 11:24

Moorurumusa aneerohella ekhoto ezigawo ddeeyuuma ddinchichi dda ellapweeyo. Sika aneereweera nnddo attiitthinnya ni makhollwaaye kheneereke. Aneerokawa ddawaakha, ddoophariwa ni eyuuma variyari va oomuthwara. Aneerokhozekella ophara mizinda dda mipanda ddoollipa koma nndda ddineereye wa enthawi yooyeva.

Daniele 11:21

“Munipuroni mwaye muneerovollowa muthu oonyambuseya, oohiphwanella okhalla mwene. Olliye anaawe moorurumusa nave aneerewaakha omwenooyo moolleka.

Daniele 10:14

Sika koowa wi kuutthopoollelle nnddo ddinaaweereyelle athwaawo mallapo enawaalla. Ddeko waddoonilleewe m'masomphenyanndda ddineereweereya mallapo amuhoollo.”

Genesis 15:16

Viviralle mibado sese edduullu ddawonnddo ddineerohokollowattho ekaamba yawi ngiwiikariha a Aamori ophiyera onanara wiwa ophiyalle variyari wi ellakiwe.”

1 Atesalonika 2:16

Alliwaalla yaheeseesa onihiiha hiyaano wi nihaallalleyelleke othenga athu ayo ehiri Ayuda wi evullusiwe. Mwawi ddiidda ahaanjerera machimwiiwa a nllapo ni nllapo. Nave osha murima wa Mulluku vano woophiya va yaayo!

Mateyu 23:32

Sika muvirellelle weera machimo ayo yaambiwe ni makhollwaanyu.”

Deuteronomo 28:50

Athwaayo enaakhalle oowalli nave khemumorella ethakaraka arive muthu naari mwaana apaalle awuulluvalla.

Numeri 24:24

Esitima ddawa ovenyera o Kitimu, ddineeromoononga Ashuri ni Eberi, Kitimuttho aneerewoonongiwa.”

Miyambo 1:6

Sika ddinnaweeriha wiiwesesa ottaphullella wa miyambi ni maphwanaphwaniho ni ottaphullella wa mawu a muthu eezeru ni mikuluwiko ddiwa.

Daniele 8:22

Ollota dda nnyaka nookothowa nne munipuroni niwa vamenlle manyaka masese, sika wi mu omwenaayooyo muneerokhuma moomwene masese koma masiviiwa khellikana ni a omwene wawaamboolle.”

Daniele 8:24

Masivaaye eneerewaatesesa nave aneerewoononga mwawoopiha. Aneeropambana va erive ello aneereeye. Aneerewoononga athu amasiva navettho athu aweella.