Daniele 8:22 - Mawu a Mulluku

²² Ollota dda nnyaka nookothowa nne munipuroni niwa vamenlle manyaka masese, sika wi mu omwenaayooyo muneerokhuma moomwene masese koma masiviiwa khellikana ni a omwene wawaamboolle.”

Daniele 8:22 ပူးပေါင်းရင်းမြစ်များ

Daniele 11:4

Koma omwenaaye ori variyari, oneerewonongeya nave oneerokawaneya vasese. Khollapuwella o edduullu ddaye nave oovollowa munipuroni mwaye khekhalla ni masiva oollikana ni a olliye. Omwenaaye oneerotulliwa ni misisi ddene ni ovelleelliwa wa amodda ohiri wa alliwaalle.

Daniele 8:8

Vano nankhoro a epuri ahaamba wiitukhulla wunchichi ekaamba ya masivaaye. Koma masivaaye yaphiyalliiwa vawaatesesa, nnyaka naye nuullupallinne naakothowa. Munipuroni mwiwa vaamella manyaka mamodda masese muullupalli ootthoonya o ephevo ddisese.

Daniele 8:3

Vano kitukhunlle miittho, kaamoona nankhoro a enkhosa a manyaka meelli iimenlle vakhopella va muhinje. Manyaka meellaayo yaari oorekama koma nimodda naarekama okhwaranya nikhwiiwa nave namenlle nikhwiiwanno nimenlle khalle.

Daniele 7:6

Vatulli viwa kiwehaka ddiiddo, kahoona yookumi emodda wonanko nanthavi eri ni muuphello masese eepallame vamutthanani viwa. Yookumi yeella yaari ni miru misese nave yaavahiwa masiva oolamulella.

Daniele 8:21

Nankhoro a epuri wamoonilleewe tti omwene wa a Agriki* nave nnyaka nuullupalli na variyari va miitthonne sika mwene awaamba.

Daniele 8:23

Nave vamamallihello va moomwenaalla, machimwiiwa yaatillesese vineerewooneya mwene awumma murima, oochenjera wunchichi.

Zekariya 6:1

Mu masomphenya mamodda kahoona magareta masese ekhumaka variyari va miyaango miilli ddamukuwa.

Daniele 7:7

Vatulli viwa kahoonattho m'masomphenya a mahiiyu yookumi yaneesese. Yaari yawoopiha ni yootthukumelliha, yamasiva manchichi. Yaakhalla ni miino muullupalli amukoko nave yaanakhaddulla, ettakhuna vatulli viwa enyingallella ddoohalla ni manyallwiiwa. Yaahiyana ni ddookumi ddawaambanndde nave yaari ni manyaka khumi.