Daniele 8:17 - Mawu a Mulluku

¹⁷ Sika Gabriele aawa nko kiimenlle miyaano. Aphiyalle, kahoova nave kahiivokhella vatthi moopopheya ekhove koma olliye aakilleella wi, “We mwaana a muthu wiiwesese wi ddittheddene woonilleewe m'masomphenyannddo ddinallota dda enthawi yoomallihella.”

Daniele 8:17 ပူးပေါင်းရင်းမြစ်များ

Daniele 8:19

Vano aakilleella wi, “Kineerewuulleella nnddo ddineereye wamalla osha murima vawi ddenndda tti dda enthawi yoomallihella.

Daniele 12:4

“Koma we Daniele, sunga mawaalla moovittheya nave onimarelle nibukhunna ophiyera enthawi yoomalliha. Anchichi eneerothamakella nngu ni nngu nave ezeru ddineerovirellella waata.”

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Habakuku 2:3

Masomphenyaalla enatiyera enthawiiwa enthaweeyo khenakwakhwane, khe ddawoottha, yaselliwa tiyerani vawi eneerophiya, oohikayika.

Daniele 12:13

Koma we Daniele ollipihelle ettillaawo ophiyera mamallihello. Sika oneerokhwa koma oneerovenya wi waakhelle yoothuviwaawo va nllapo noomalliha.”

Daniele 11:40

Va enthawi yoomalliha mwene oomwera aneeromuhella ekhoto mwene oompoto. Koma mwene oompoto aneeromuthamakella moowalli wonanko ephevo yawoopiha ari ni magareta, athu oowella va akavalo ni esitima ddinchichi. Vano aneerovollowa mu ellapo ddinchichi ni waakwekweresa wonanko echigumula.

Yawuupullulla 22:8

Miyaano, Yohane sika kiiwalle ni woona ddeko ddittheddenenndda. Nave kamallihalleemi wiiwa ni woona ddenndda, kaakokhora vamiitthoni va mungelo oyo akoonihalle ddeko ddenndda wi kimullapelle.

Ezekiele 1:28

Owalanko wooneya wonanko mwiisherima murimu aarupaka. Mmu sika ntitimiho na Apwiya nooneyelliiwa. Vano kawoonilleemi kahiivokhella vatthi kipopheya ekhove nave kahiiwa mawu ookillotiha.

Mateyu 17:8

Vano yawehilliiwawo khayamonne muthu mmodda koma Yesuve.

Daniele 10:16

Vano mmodda awooneya wonanko muthu aattannya eyanwaaka. Olliye iimenlleve ddiiddo vamiitthoni vaka, kahaamba ollota wi, “Nyu Apwiyaaka, nnddo koonilleemi m'masomphenya ddookihoma murima nave nginna masiva.

Daniele 10:11

Olliye aakilleella wi, “We Daniele, ookondiwesesa, imella wiiwe mawu ayo kinuulleelleemi vawi koorumiwa wa weyaano.” Allotilleeye ddenndda wa miyaano, kahiimella kitthukumellaka.

Daniele 9:27

Enduneeyo eneerokeraatthiha echipangano yoollipa ni athu anchichi wa miyakha khumi ni miilli. Viviralle hafu a enthawi yeella, eneerohiiha ovelleella mikutho ni ddoovelleella ddimodda. Eneerohiya Yoonanara Yawoononga vaddullu va enyumba ya Mulluku nave eneerokhallavo ophiyera aweera ddenndda allakiwe ni woononga nko Mulluku amukeraatthihelleeye.”

Daniele 9:23

Waambeewe ovekella wawo Mulluku ahaakhulla sika koowa wi kuulleelle waakhullanko vawi olliye annuukondesesa. Ekaamba ya yeella, owiiwesese phaama mawaayo kaatthopoollaka dda ddeko woonilleewe m'masomphenya.

Daniele 8:15

Miyaano Daniele koona ddeko m'masomphenya kaaneesesa wi kiiwesese. Moorurumusa kaamoona mmodda awooneya wonanko muthu, iimenlle vahoollo vaka.

Daniele 2:46

Sika mwene Nebukadinezara aapopheya ekhove vatthi nave aamullapella Daniele. Aalamula wi athu evelleelle mukutho ni woosa lubani* wa Daniele.

Ezekiele 6:2

“We mwaana a muthu owehe omiyaangoni dda o Israele nave ollotelle wi,

Genesis 17:3

Enthawi yeeyo Abramu aakokhora vatthi nave Mulluku aallota wi,

Ezekiele 44:4

Vatulli viwa muthooyo aakiweelliha va mullako wa ompoto owiitthoni wa enyumba ya Apwiya. Wenko kaanoona ntitimiho na Apwiya niddanlle mu enyumbeeyo sika kahiivokhella vatthi moopopheya ekhove.

Daniele 7:16

Kaaya wa mmodda a ayo yiimenlle vaavo nave kaamuveka wi akilleelle ottaphullella wa ddenndda. Sika aakilleella ottaphullella wiwa.

Daniele 8:27

Mi Daniele masiva yaakimallella nave kaavoriiwa wa mallapo makavi. Vatulli viwa kaavenya kiya wa mwene woophara mutteko. Koma koonilleeminndde ddaanakaapheelliha muru nave ngaawonre oddiiwesesa.

Ezekiele 2:1

Vano yaallota wa miyaano wi, “We mwaana a muthu, imella nave kineerollota ni weyaano.”

Daniele 11:27

Vatulli viwa mamwene meellaayo eneerochella vamodda koma mirima ddiwa ddinaakhalle ddoolleka nave eneerewoottotthana. Koma khephuravo ello ekaamba yawi enthawi khenaphiye.