Daniele 8:14 - Mawu a Mulluku

¹⁴ Mmoddooyo ahaakhulla wi, “Ddineereweereya otthaana ni mahiiyu wa mallapo 2,300. Vatulli viwa enyumba ya mallapello eneereweellihiwa wonanko khalle.”

Daniele 8:14 ပူးပေါင်းရင်းမြစ်များ

Daniele 12:7

Oowara bafuta oyo aari omwaako wa muhinje ahiimesa muddullu muwonwaaye wonnattanatta ni woonyottho nave kaamwiiwa allupellaka vooromollani nnddina na Ookhalla ni okumi woohimalla wi, “Ddineereya wa miyakha miraru ni hafu. Ddittheddenndda ddinaamalle ddoohoosa dda athu aweella ddamalla.”

Daniele 7:25

Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.

Daniele 12:11

Ovenyera enthawi eyo mikutho dda nllapo ni nllapo ddinaahiihiwiiwa nave Yoonanara Yawoononga enaakeraattheyiiwa, vinaavire enthawi wonanko mallapo 1, 290.

Yesaya 45:25

Mwa mi Apwiya edduullu dda Israele ddineerolungamihiwa ni ohakallallihiwa.”

Yawuupullulla 12:14

Nave mutthiyanooyo aavahiwa muuphello meelli muullupalli a mpungu wi avavellena oya onipuroni naye na ochipululuni. Wenko aneerokhallawo aweheriwaka wa miyakha miraru owaaka hafu, oohiphariwa ni enowa yuullupalli.

Daniele 8:26

Nndde woonilleewe dda otthaana ni mahiiyu tti ddawoona. Koma osunge moovittheya ddenndda vawi vineerovira mallapo ddihineereye.

Yesaya 1:27

Apwiya tti oolungama, eneeromoopolla Ziyoni ni arive muthu oolapa m'muzindanimmo.

Yawuupullulla 13:5

Enama yuullupalli yawoopiheeyo yahaakhullelliwa wi ollotelleke epewe ni omuvevulla Mulluku nave yaavahiwa olamulello waweera ddiidda wa miyeri 42.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Agalatiya 3:8

Mawu a Mulluku yaallotella wi Mulluku aneeroweera oolungama athu ayo ehiri Ayuda oweella mu echikhulupililo. Sika Mulluku aamulleella Abrahamu wi, “Oweella mwa weyaano mitundu ddittheddene ddineerodalisiwa.”

Genesis 1:5

Mulluku aaromolla owalanko “Otthaana” navettho epiphiiyo aayiromolla “Mahiiyu”. Nave waakhalla misikuwa navettho waakhalla ohinase, nllapo nawaamba.

Daniele 12:12

Oodala muthu oyo anatiyerella ophiyera woona omalla wa mallapo 1, 335.