Daniele 8:13 - Mawu a Mulluku

¹³ Vano kaamwiiwa aweella allotaka nave aweella mmoddattho aamukoha allotooyo wi, “Ethiyo ddinaamalle niini ddinooneya m'masomphenyanndda? Ethiyo mikutho dda nllapo ni nllapo ddinaahiihiwe ophiyera niini? Ethiyo yoonanara yoottholloseella enaakhallevo ophiyera niini? Ethiyo enyumba yamallapello vamodda ni milloko ddakhoto ddooddullunnddo ddinaanyingallelliwa ophiyera niini?”

Daniele 8:13 ပူးပေါင်းရင်းမြစ်များ

Yawuupullulla 11:2

Koma ohilinge nthato niri otte wa enyumbeeyo kaambiiwa naavelleelliwa wa athu oohimullapella Mulluku, ayo enaawe enyingallelle muzinda waweella wa miyeri 42.

Yawuupullulla 6:10

Yaakhuwa moowelliha mawu wi, “Apwiya, muri aweella ni awoona! Munatiyerella ophiyera niini ohiwiipa mullatu ni waallaka athu a va ellapo yavatthi yaniiphallaayo?”

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Daniele 9:27

Enduneeyo eneerokeraatthiha echipangano yoollipa ni athu anchichi wa miyakha khumi ni miilli. Viviralle hafu a enthawi yeella, eneerohiiha ovelleella mikutho ni ddoovelleella ddimodda. Eneerohiya Yoonanara Yawoononga vaddullu va enyumba ya Mulluku nave eneerokhallavo ophiyera aweera ddenndda allakiwe ni woononga nko Mulluku amukeraatthihelleeye.”

Daniele 11:31

Akhotwaaye eneeronanariha enyumba ya Mulluku ni mpanda woollipa nave eneerohiiha mikutho ddooshellelliha dda nllapo ni nllapo. Wenko eneerewiimesawo Yoonanara Yawoononga.

Daniele 4:13

Kaganizelleemi dda nnddo koonilleemi m'muruni mwaka kiri vabedini vaka, ngoonani, amithenga aweella yaakittha oddullu.

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

1 Atesalonika 3:13

Mwa yeella aneerewuullipihani mirima ddanyu nave muneerokhalla aphaama ni aweella vamiitthoni va Mullukwaahu ni Attiitthiihu yaawaaka Apwiihu Yesu vamodda ni athwaaye attheene.

Luka 21:20

“Mwamoona Yerusalemu aapheelliwe ni akhoto a adani, dduwellani wi okumulliwa waye wohaatamella.

Mariko 13:14

“Vano muneerewoona ‘Yoonanara Yawoononga’ yiimenlle mu nipuro noohiphwanella wi yimellevo (Oyo aneerenga mawaalla iiwesese ottaphullella wiwa.) Vano ayo eri o Yudeya ethawelle omiyaangoni.

Mateyu 24:15

“Vano muneerewoona ‘Yoonanara Yawoononga’ elle yaallotiwe ni Daniele namallotella yiimenlle mu nipuro noopatuleya.” (Oyo aneerenga mawaalla iiwesese ottaphullella wiwa.)

Yesaya 63:18

Athwaanyu oopatuleya yakhanlle ni nyuwaano wa enthawi yooyeva koma adanaahu yaanyingallella enyumbaanyu yoopatuleya.

Yesaya 6:11

Vaavo kaakoha wi, “Apwiya, ethiyo ddennddo ddineereye ophiyera niini?” Alliwa yahaakhulla wi, “Ophiyera mizinda dditthattuwalle matepe, enyumba ddihinna athu ookhallamo nave ellapo etthattuwalle echipululu.

Masalimo 79:5

Munaananariwe ophiyera niini, Nyu Apwiya, muneerosha murima wa enthawi yoohimalla? Ethiyo ehachaanyu eneerekokharave wonanko munllo?

Yuda 1:14

Enoki, muthu a mbado waneetthanu ni piilli ovenyera va Adamu, aallotella dda yaalla wi, “Ngoonani! Apwiya eneeroowa ni angelwiiwa ooheerengeya.

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Zekariya 14:5

Nyuwaano muneerothawa vooweellani mu ntapo nenno na variyari va mwaango. Muneerothawa wonanko mwathawelleenyu enthawi ya echivomezi va enthawi ya Uziya mwene a o Yuda. Vatulli viwa Apwiya Mullukwaanyu eneeroowa vamodda ni aweelliiwa attheene.

Zekariya 1:19

Kaamukoha mungelo olle allota ni miyaano wi, “Vano ella tti tini?” Olliye aakaakhulla wi, “Alla tti masiva a vatthimva ayo yaapallallesille athu a o Yuda, a o Israele ni a o Yerusalemu.”

Daniele 12:11

Ovenyera enthawi eyo mikutho dda nllapo ni nllapo ddinaahiihiwiiwa nave Yoonanara Yawoononga enaakeraattheyiiwa, vinaavire enthawi wonanko mallapo 1, 290.

Daniele 7:23

Vano aakitthopoollella wi, “Yookumi yaneesese enattaphullella omwene waneesese oyo onooneye va ellapo yavatthi. Oneerohiyana ni moomwene mamodda nave oneerogonjiha ellapo yavatthi ettheene ni oyinyingallella nave aayinyenyanyenya.

Daniele 7:16

Kaaya wa mmodda a ayo yiimenlle vaavo nave kaamuveka wi akilleelle ottaphullella wa ddenndda. Sika aakilleella ottaphullella wiwa.

Daniele 4:23

Vanottho nyu amwene mwaamoona amithenga aweella akitthaka oddullu nave aallota wi, ‘Uhani muteekhooyo nave muwoononge. Koma muhiye nikoto ni misisi ddiwa muthayani nave munimake ni onyolo wamukoko ni mukuwa ni onihiya ohakani m'manasini. Muhiyeni anaane ni nikame nooddullu nave akhalleke vamodda ni enama m'manasini a ellapo yavatthi ophiyera vimanlle miyakha mitthanu ni miilli.’

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Masalimo 74:9

Ezizindikiro ddahu ddittheddene ddohoonongeya, khaawo naari namallotella naari mmodda, khaavo naari mmodda variyari vahu oyo anadduwella enthawi ya omalla wa ddenndda.

Oweeruza 13:18

Mungelo a Apwiya aamukoha Manowa wi kaambiiwa tini munapaalleenyu wi mudduwelle nnddina naka? Tti nnddina noottikhiniha.”

Deuteronomo 33:2

Apwiya yaawa ovenyera o Sinai, yaakhumellella wa athwiiwa ovenyera o Seiri, yahooneya ovenyera o mwaango wa Parani. Angelo ooheerengeya yaathaananana, mallumi amunllo yaari m'mattani mwa Apwiya.

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Luka 10:22

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.”

Masalimo 74:10

Nyu Mulluku, ethiyo adanaayo enaawuunyemullekeni ophiyera niini? Ethiyo adanaayo evevulleke nnddina nanyu ophiyera wa enthawi yoohimalla?

Yesaya 28:18

Wiiwanana wanyu ni okhwa navettho echipanganwaanyu ni ellapo ya ookhwa ddineeromalla. Nave woononga voophiyani oneerewuugonjihani.

Yeremiya 12:10

Abusa anchichi yahoononga emataaka yampesa, yaanyingallella emataaka, emataaka yaphaama yaayitthattusa ntepe.

Daniele 12:8

Naari kiiwalle ddenndda komave ngiiweseselle. Sika kaakoha wi, “Nyu Apwiyaaka, ddenndda ddinaamalle mwawiidde?”

Daniele 4:10

Nndda sika ddeko koonilleemi m'masomphenya kikonaatthille vabedeni vaka. Kahoona muteekho woorekama wiimenlle variyari va ellapo yavatthi.