Daniele 7:25 - Mawu a Mulluku

²⁵ Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.

Daniele 7:25 ပူးပေါင်းရင်းမြစ်များ

Yawuupullulla 12:14

Nave mutthiyanooyo aavahiwa muuphello meelli muullupalli a mpungu wi avavellena oya onipuroni naye na ochipululuni. Wenko aneerokhallawo aweheriwaka wa miyakha miraru owaaka hafu, oohiphariwa ni enowa yuullupalli.

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

Daniele 12:7

Oowara bafuta oyo aari omwaako wa muhinje ahiimesa muddullu muwonwaaye wonnattanatta ni woonyottho nave kaamwiiwa allupellaka vooromollani nnddina na Ookhalla ni okumi woohimalla wi, “Ddineereya wa miyakha miraru ni hafu. Ddittheddenndda ddinaamalle ddoohoosa dda athu aweella ddamalla.”

Yawuupullulla 12:6

Mutthiyanooyo aathawella ochipululuni, onipuroni nko Mulluku akhozilleeyewo khalle wi aweheriwewo wa mallapo 1, 260.

Daniele 2:21

Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

Yawuupullulla 18:24

Babiloni aallakiwa kaambiiwa nikhame na anamallotella ni athu a Mulluku naaphwanyiwa m'muzindanimmo. Ddawoona, nikhame na attheene ayo yiiphiwe va ellapo yavatthi naaphwanyeya mwa olliye.

Daniele 7:20

Kaapaallattho odduwella dda manyaka khumi a va muru vaye navettho dda nnyaka nimoddanne natullalle mamodda mararwaalle voomellani. Nna tti nnyaka nne naari ni miittho ni eyano yoollota ddawiitukhulla nave nooneya nuullupalli okhwaranya mattheene.

Yesaya 37:23

Ethiyo we okhanlle omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Daniele 7:8

Kiwehaka manyakaayo, kahoona nnyaka nimodda ning'onong'ono nimellaka variyari va manyakaayo. Manyaka mararu mwa awaambaalle yaatulliwa wi nimoddanno niphwanye nipuro. Nnyaka nenna naakhalla ni miittho wonanko a muthu navettho eyano eyo yallota ddawiitukhulla.

Yawuupullulla 17:6

Nave kahoona wi mutthiyanooyo aalezela ni nikhame na athu a Mulluku yiiphiwe ekaamba yoovelleella omboni dda Yesu. Kamoonilleemi mutthiyanooyo, kaattikhina wunchichi.

Yawuupullulla 14:12

Vano nngu sika wiithaniwa wa athu a Mulluku ayo enathwara malamulwaaye wi evillelleke ni okhalla oororomelleya wa Yesu.

Daniele 11:28

Sika mwene oompoto aneerohokollweella owaniwa ari ni katundu munchichi koma murimaaye oneeropaallesesa woononga echipangano yaweella. Aneereweera ddoopaalla ddaye nave aneerohokollweella owaniwa.

Yawuupullulla 16:6

Yaawiipha athu a Mulluku ni anamallotella nave sika mohaavaha nikhame wi ewirye. Enaakhella nnddo ddinaaphwanella!”

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Daniele 4:32

Oneerewiikarihiwa variyari va athu nave onaakhalleke ni enama ddamuhakani. Onaacheke manasi wonanko eng'ombe wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu, annaavelleella wa arive muthu moollikana ni mmo anapaallelleeye.”

2 Atesalonika 2:3

Muhaakhullelle wi muthu mmodda awoottottheni mu erive ettilla. Vawi nllapo nenno nihinaphiye, onaakhalle omuwukila Mulluku navettho muthu Oonanaroolle aneerewuupulluwa, oyo anoonongiwe.

2 Atesalonika 2:8

Nave vano oonanaroolla aneerewuupullulliwa nave Apwiya Yesu yawa, eneeromwiipha voomuviddeellellani mpweya wa muwano mwaye nave aneeromoononga ni wooneya wa owa waye.

Daniele 3:26

Sika Nebukadinezara ahaatamella o mullako wa eng'anjo yamunllo iithana wi, “Shadrake, Meshaki ni Abedenego, oorumeyella a Mulluku Amasiva Mattheene, khumani! Waani wuno!” Nave Shadrake, Meshaki ni Abedenego yaakhuma muwari mwa munllommo.

Daniele 4:2

Ddookiddivella wi kuulleelleni dda ezizindikiro ni ddoottikhiniha nnddo Mulluku Ooddullu akoonihalleeye.”

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

Daniele 7:18

Koma aweella a Mulluku Amasiva Mattheene eneerewaakhella masiva oomwene nave eneerokhallanave wa enthawi ddittheddene ni wa enthawi yoohimalla.”

Daniele 8:14

Mmoddooyo ahaakhulla wi, “Ddineereweereya otthaana ni mahiiyu wa mallapo 2,300. Vatulli viwa enyumba ya mallapello eneereweellihiwa wonanko khalle.”

Hoseya 7:16

Ennarukunuwella wa mulluku oohikhalla ni mutteko woohikhalla wa Mulluku ookhwaranya ddittheddene. Tti wonanko muura woollova. Owaahoollelliiwa eneerewiiphiwa ni nsupada ekaamba yawi ennakillotella ddeepewe. Sika a o Iguputo eneerewaattheya wunchichi.”

Daniele 8:9

Va nimodda mwa manyakaayo vaamella nnyaka ning'onong'ono nno nunnuwalle wunchichi nitthoonya omwera ni wookhuma nndduwa navettho o ellapo yooreeresesa.

Daniele 8:11

Nahaamba wiitukhulla wunchichi ophiyera opaalla ollipana ni mwene a milloko ddooddullu. Naahiiha mikutho nnddo ddavelleelliwa wa olliye nllapo ni nllapo nave naakumulla enyumba yoomullapellamo mwene.

Daniele 9:27

Enduneeyo eneerokeraatthiha echipangano yoollipa ni athu anchichi wa miyakha khumi ni miilli. Viviralle hafu a enthawi yeella, eneerohiiha ovelleella mikutho ni ddoovelleella ddimodda. Eneerohiya Yoonanara Yawoononga vaddullu va enyumba ya Mulluku nave eneerokhallavo ophiyera aweera ddenndda allakiwe ni woononga nko Mulluku amukeraatthihelleeye.”