Daniele 7:20 - Mawu a Mulluku

²⁰ Kaapaallattho odduwella dda manyaka khumi a va muru vaye navettho dda nnyaka nimoddanne natullalle mamodda mararwaalle voomellani. Nna tti nnyaka nne naari ni miittho ni eyano yoollota ddawiitukhulla nave nooneya nuullupalli okhwaranya mattheene.

Daniele 7:20 ပူးပေါင်းရင်းမြစ်များ

Daniele 7:23

Vano aakitthopoollella wi, “Yookumi yaneesese enattaphullella omwene waneesese oyo onooneye va ellapo yavatthi. Oneerohiyana ni moomwene mamodda nave oneerogonjiha ellapo yavatthi ettheene ni oyinyingallella nave aayinyenyanyenya.

Daniele 7:8

Kiwehaka manyakaayo, kahoona nnyaka nimodda ning'onong'ono nimellaka variyari va manyakaayo. Manyaka mararu mwa awaambaalle yaatulliwa wi nimoddanno niphwanye nipuro. Nnyaka nenna naakhalla ni miittho wonanko a muthu navettho eyano eyo yallota ddawiitukhulla.

Daniele 7:11

Sika kaawehesesa ekaamba ya mawu awiitukhulla oollotiwa ni nnyakanne. Kiwehaka ddiiddo, yookumeelle yahiiphiwa nave mutembwiiwa wahoonongiwa ovokhelliwa viikho.

Yawuupullulla 12:3

Oddullu wahooneyattho echizindikiro emodda, enowa yuullupalli yoofiira yookhalla ni miru mitthanu ni miilli ni manyaka khumi ni korona va orive muru.

Daniele 7:7

Vatulli viwa kahoonattho m'masomphenya a mahiiyu yookumi yaneesese. Yaari yawoopiha ni yootthukumelliha, yamasiva manchichi. Yaakhalla ni miino muullupalli amukoko nave yaanakhaddulla, ettakhuna vatulli viwa enyingallella ddoohalla ni manyallwiiwa. Yaahiyana ni ddookumi ddawaambanndde nave yaari ni manyaka khumi.

Daniele 7:19

Vano kaapaalla odduwella dda yookumi yaneesese eyo yahiyanne ni ddikhwiiwa ddittheddene, yawoopiha wunchichi, ya miino amukoko ni ekarukha ddamukuwa eyo yakhaddulla, ettakhuna, enanyingallella ddoohalla ni manyallwiiwa.

Daniele 7:21

Miyaano kiwehaka ddiiddo, nnyakanno naawana ekhoto ni athu aweella nave nahaagonjiha