Daniele 7:15 - Mawu a Mulluku

¹⁵ Mi Daniele, kaakatamiheya m'maganizoni mwaka nave nnddo koonilleemi m'masomphenya ddaakoopiha.

Daniele 7:15 ပူးပေါင်းရင်းမြစ်များ

Daniele 7:28

Mwaha omallelle vaava. Mi Daniele kaakatamiheya m'maganizoni wunchichi nave ekhovaaka yaatthattuwa komave kaavittha ellweella m'murimani mwaka.

2 Petro 1:14

Kinnadduwella wi kineerokhwa wonanko mmo Apwiihu Yesu Khrisitu yakilleellelliiwa moohikhuwa

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Daniele 8:27

Mi Daniele masiva yaakimallella nave kaavoriiwa wa mallapo makavi. Vatulli viwa kaavenya kiya wa mwene woophara mutteko. Koma koonilleeminndde ddaanakaapheelliha muru nave ngaawonre oddiiwesesa.

Daniele 7:1

Muyakha wawaamba wa Belishazara a o Babiloni, Daniele akonaatthille vabedini vaye aalloha, ahoona masomphenya. Sika aalemba ddoollohannddo, additthopoollella mwawiiweya phaama allota wi,

Daniele 4:5

Kikonaka kaalloha ddawoopiha. Ddeko koonilleemi m'muruni mwaka kikonaatthille vabedini vaka ddaakoopiha wunchichi.

Daniele 2:3

Nave mwene ahaalleella wi, “Mi koolloha nave murwaaka wohaapheella wunchichi mwawi kinapaalla kidduwelle ottaphullella wiwa.”

Daniele 2:1

Muyakha waneepiilli wa omwenaaye, Nebukadinezara aalloha. Nave ollohanko waamwaapheelliha muru mwawi ekhove ddaampallalleya.

Yeremiya 17:16

Koma Apwiya mi nguuwatihereni wi muweena ddoohoosa. Munnadduwella wi nllapo na otulli nginanikhallella munkhella nave ddittheddene nnddo kallotilleemi munnaddidduwella.

Genesis 41:8

Osaka wene ohinase ekhovaaye yaamora wunchichi wawi aawiithaniha amasenga attheene ni athu attheene eezeru a o Iguputo. Attheenaayo ewiille, Farao ahaatthopoollella ddoolloha ddayennddo koma khaavo naari mmodda aworille ottaphullella.

Daniele 4:19

Sika Daniele oyottho aromolliwa wi Beliteshazara, wa enthawi yooyeva ahaapheella muru, aakatamiheya m'maganizoni mwaye. Mwene aallota wi, “Beliteshazara, ollohanngu ni ottaphullella wiwa ddihiwaapheellihe muru.” Beliteshazara ahaakhulla wi, “Apwiyaaka, waphaama ollohanngu waariki wa adanaanyu nave ottaphullella wiwa wa oowiitani.

Daniele 8:2

M'masomphenyaaka kaaddoona meekha kiri mu muzinda muullupalli wa Susa oyo ori mu echigawo ya Elamu. Kahoonattho wi kaari o muhinje wa Ulai.

Daniele 10:16

Vano mmodda awooneya wonanko muthu aattannya eyanwaaka. Olliye iimenlleve ddiiddo vamiitthoni vaka, kahaamba ollota wi, “Nyu Apwiyaaka, nnddo koonilleemi m'masomphenya ddookihoma murima nave nginna masiva.