Daniele 7:14 - Mawu a Mulluku

¹⁴ Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Daniele 7:14 ပူးပေါင်းရင်းမြစ်များ

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Yohane 3:35

Attiitthinnya ennamukonda Mwaniwa nave aahiya ddeko ddittheddene mu olamulellwaaye.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Aheberi 12:28

Vawi nohaakhella omwene woohitikheya nimuthokozeke Mulluku nave nimullapelleke moophwanellella, moolemu ni mwawoova.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

Luka 1:33

Nave aneerolamulella Aisraele mallapo mattheene nave omwenaaye khomalla!”

Mika 4:7

Oottutthunya kineerewaatthattusa oohalla nave ayo yiikariwe owaniwa kineerewaatthattusa mutundu wamasiva. Mi Apwiya kinaakhalle mweniiwa va mwaango wa Ziyoni ovenyera ollello ophiyera wa enthawi yoohimalla.”

Obadiya 1:21

Athu oopambana a mwaango wa Ziyoni eneerogonjiha ni olamulella mwaango wa Esau nave eneeromulamulella, Apwiya aneena eneerokhalla mwene.”

Daniele 3:4

Vano oollalleya aakhuwa wi, “Nyu athu a ellapo ddittheddene, a mitundu ddittheddene, a ellotello ddoohiyanahiyana va ellapo yavatthi ettheene,

Daniele 2:35

Sika mukoko, olloko, mukuwa, siliva ni golide ddittheddene ddaanyenyeya vamodda. Nave ddaavavihiwa ni ephevo wonanko mallulla va nipuro nawuuputhella enthawi yoohata, oohihallavo erive ello. Koma nlluku nanyenyille nifanonno naatthattuwa mwaango muullupalli, oddalla ellapo yavatthi ettheene.

Yesaya 60:12

Koma ellapo ni moomwene ayo ehinuurumeyella eneerotthollowa, athu a mitundu ddenndda eneerewoonongeya.

Masalimo 146:10

Apwiya eneerokhalla mwene wa enthawi yoohimalla, we Ziyoni, Mullukwaawo aneerolamulella wa mibado ddittheddene. Aleluya!

Masalimo 145:13

Omwenaanyu tti omwene wa enthawi yoohimalla, olamulellwaanyu tti wa mibado ddittheddene. Apwiya tti oororomelleya va mawiiwa mattheene, tti eechifundo va ddaweera ddiwa ddittheddene.

Masalimo 45:6

Nyu Mulluku, mpandwaanyu woomwene tti wa enthawi yoohimalla, munneeruza moolungama mu omwenaanyu.

Masalimo 8:6

Moomuvaha olamulello va mitteko dda mattaanyu, moohiya ddoophatusiwa ddittheddene vatthi va manyallwaaye

Yohane 12:34

Athwaalle yaamwaakhulla wi, “Nahiiwa hiyaano m'malamuloni wi Mesiya* aneerokhalla ni okumi woohimalla. Sika kaambiiwa tini nyuwaano munallotelleenyu wi Mwaana a Muthu anaphwanella otthomeyiwa vamutandani? Mwaana a Muthu yoolla ttaani?”

Luka 10:22

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.”

Daniele 7:18

Koma aweella a Mulluku Amasiva Mattheene eneerewaakhella masiva oomwene nave eneerokhallanave wa enthawi ddittheddene ni wa enthawi yoohimalla.”

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Daniele 4:3

Ezizindikiro ddaye tti dduullupalli, ddoottikhiniha ddaye tti ddamasiva. Omwenaaye tti wa enthawi yoohimalla, olamulellwaaye tti wa o mibado ddittheddene.

Masalimo 102:22

Mitundu dda athu ni mamwene ddineerotthukumana wi ddaallapelle Apwiya.

Masalimo 72:17

Nnddina naye nihitiwalliwe naari vang'ono, epillaaye ekhallevove wonanko nndduwa. Athu yaakhelle madaliso ekaamba ya olliye, mitundu dda athu ddittheddene ddimweere oodala.

Masalimo 72:11

Mamwene mattheene eneeromukokhorella, mitundu ddittheddene dda athu ddineeromurumeyella.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

Yawuupullulla 1:6

Nave aaneeriha wi nikhalle omwene wa allupa mukutho oomurumeyella Mulluku Attiitthinnya. Wa Yesu Khrisitu okhalle ntitimiho ni masiva wa enthawi yoohimalla! Amen.

Yesaya 16:5

Vaavo mpando woomwene oneerokeraatthihiwa mwa echikondi yoohisintheya nave mmodda mwa edduullu dda Davide aneerokhallavo moororomelleya. Olliye aneerekeweeruza moolungama ni ollipihella weera ddaphaama.

Daniele 2:37

Nyu amwene, muri mwene a mamwene. Mulluku ooddullu ahuuvahani omwene, masiva mattheene, olamulello ni oriiheya.

Masalimo 103:19

Apwiya aakeraatthiha mpandwiiwa woomwene oddullu, omweniiwa onnalamulella erive ello

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.