Daniele 7:13 - Mawu a Mulluku

¹³ Kiwehakave ddeko m'masomphenya mahiiyu, ngoonani, kaamoona mmodda wonanko mwaana a muthu akitthaka ni mirapo ddooddullu. Amwaatamenlle oyo aarivo khalle, amodda yaamuvelleella wa olliye.

Daniele 7:13 ပူးပေါင်းရင်းမြစ်များ

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

Luka 21:27

Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho.

Yawuupullulla 14:14

Kaaweha nave kahoona murapo waweella, vamuraponimvo vakeraatthille mmodda awooneya wonanko mwaana a muthu amuwanre korona* a golide omuruni waye wonanko mwene nave aphareelle echikwakwa yawiisha m'mattani mwaye.

Mateyu 24:30

Vano vaavo echizindikiro ya mi, Mwaana a Muthu, eneerewooneya muddullu. Navettho malloko mattheene a athu a va ellapo yavatthimva eneerekewinlla yaakoonaka mi Mwaana a Muthu kiwaaka vamiraponi ddooddullu ni masiva ni ntitimiho nuullupalli.

Mariko 13:26

Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho.

Mateyu 25:31

“Mi, Mwaana a Muthu, kaawaka mu ntitimiho naka wonanko mwene ni angelo attheene, kineerokeraatthi vampandonaaka wantitimiho.

Yohane 3:13

Khaavo muthu awenlle oddullu koma miyaanove Mwaana a Muthu, sika kakitthalle ovenyera oddullu.”

Yawuupullulla 1:13

nave variyari va ddoohiyavo enyalinnddo vahiimella awooneya wonanko Mwaana a Muthu, awanre mukanjo woophiya m'manyalloni mwaye navettho amakenlle mukhwamba wa golide va ekhakaddaaye.

Mateyu 13:41

Miyaano Mwaana a Muthu kineerewaarumiha angelwaaka wi yaakhumihe mu omwenaaka athu oowaachimwiha akhwiiwa ni attheene aweera ddeko ddoonanara.

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

Mitteko 7:56

Vano aallota wi, “Ngoonani, kinnoona oddullu woohulleya nave Mwaana a Muthu iimenlle onnattanatta na Mulluku!”

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

Daniele 7:22

ophiyera mvo oyo aarivo khalle aphiyalleeye. Sika echiweruzo yaaweetella phaama aweella a Mulluku Amasiva Mattheene. Ella sika enthawi eyo aweella yaakhenlliiwa omwene.

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Aheberi 2:14

Vawi anamwanaayo tti athu a mwiilli ni nikhame, Yesu mwaneenaaye aawa akhalla wonanko alliwa akawanana omuthwiiwa. Aheera ddenndda wi mwa okhwa waye amoononge Satana oyo arina masiva oowiiha okhwa,

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.

Daniele 7:9

Kiwehaka ddiiddo, kahoona mipando ddoomwene dditthattiwaka. Oyo arivo ovenyera khalle aakeraatthi va mpando mmodda. Ddoowara ddaye ddaari ddaweella mbee wonanko nthoche nave meehaaye yaari aweella wonanko obweya weenkhosa. Mpandwaaye waari wonanko wa mallumi amunllo nave magudumwiiwa yaari wonanko mallumi amunllo.

Ezekiele 1:26

Vaddullu valle vaakhalla ello emodda yookhalla wonanko mpando woomwene woopangiwa ni nlluku na safiro. Vaddullu va mpandooyo vaakhalla ello yawooneya wonanko muthu.

Masalimo 47:5

Mulluku oowella, athu ennamukhuwella. Apwiya aawella, athu ennawiipella nipallapata.

Yohane 12:34

Athwaalle yaamwaakhulla wi, “Nahiiwa hiyaano m'malamuloni wi Mesiya* aneerokhalla ni okumi woohimalla. Sika kaambiiwa tini nyuwaano munallotelleenyu wi Mwaana a Muthu anaphwanella otthomeyiwa vamutandani? Mwaana a Muthu yoolla ttaani?”

Yohane 5:27

Nave aakivaha miyaano olamulello waweeruza kaambiiwa miyaano tti Mwaana a Muthu.

Yeremiya 49:19

Wonanko mukango wookhuma mu otthako dda o Yordani onoopopiheriiwa nikholla na enkhosa nooteteziwa phaama, moorurumusa kineerowiikarihella Aedomu woorekamella ni owaniwa. Vatulli viwa kineerewaahiyera awaalamulella kinaampaalleemi mwaneenaaka. Ethiyo ttaani anaaphwanaphwane ni miyaano? Ethiyo ttaani anaawore okiipa mullatu miyaano? Ethiyo tti mbusa oovi anaawore ollipana ni miyaano?

Mateyu 8:20

Yesu aallota wi, “Akhatwe aakhalla ni milliha ddiwa navettho epallame ddookhalla ni emphuru ddiwa koma mi, Mwaana a Muthu, nginna naari voohameella murwaaka.”

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

1 Atesalonika 4:17

Vano hiyaano niri ookumi nineerotthukumanihiwa ni alliwaayo nave nineerotukhullelliwa m'miraponi wi nakumane ni Apwiya muddullu. Nave vawiddiidda nineerokhalla ni Apwiya wa enthawi yoohimalla.

Masalimo 110:2

Apwiya eneerowunnuwiha omwenaawo wamasiva ovenyera o Ziyoni. “Khalla mwene owaalamulella adanaawo.”

Daniele 7:2

“Kahoona mu masomphenyaaka mahiiyu. Ngoonani, enyanja yuullupalli yaanyahulliwa ni ephevo ddisese ddamuddullu.

Daniele 7:12

Ddookumi ddimodda ddoohalla naari yaddaakhille masiviiwa oolamulella yaaddaakhullella okhalla ni okumi wa enthawi yooyeva.

Daniele 8:15

Miyaano Daniele koona ddeko m'masomphenya kaaneesesa wi kiiwesese. Moorurumusa kaamoona mmodda awooneya wonanko muthu, iimenlle vahoollo vaka.

Masalimo 2:8

Ngakiveke woone, kineerotthattusa mitundu wi ddikhalle yoohallanaawo. Ellapo ettheene yavatthi enaakhalle yaawo.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.