Daniele 6:8 - Mawu a Mulluku

⁸ Vano nyu amwene mukeraatthihe lamulo noohiiha nave musayinelle wi nihisinthiwe voothwarani malamulo a Amedi ni Aperisi ayo ehinasintheya.”

Daniele 6:8 ပူးပေါင်းရင်းမြစ်များ

Daniele 6:15

Vano athwaalle yaakusana mulloko eyattho wa mwene. Nave yaallota ni olliye wi, “Nyu amwene, upuwellani valle wi moollikana ni lamulo na Amedi ni Aperisi, khayiivo yoohiihiwa apaalle yoosayiniwa ni mwene eyo enawora osintheya.”

Estere 1:19

Ddaarimi dduuddivelleni nyu amwene, mulamule wi Vasiti ahiwe aphiya vamiitthoni vanyu navettho lamulonna nilembiwe mu nibukhu na malamulo a Aperisi ni Amedi wi nihiwe nirukunusiwa. Sika va nipuro na Vasiti vivollochihiwe mmodda aphaama omukhwaranya Vasitooyo.

Daniele 6:12

Sika yaaya wa mwene emuupusa dda lamulo naye. Yaamukoha wi, “Nyu amwene, ethiyo khemwaasayinelle lamulo noohiiha wi va mallapo 30 enawaalla arive muthu aveka ello wa arive mulluku apaalle wa arive muthu ohiri wa nyuwaanove avokhelliwe mu nlliti na mikango?” Mwene ahaakhulla wi, “Ddawoona, lamulo na Amedi ni Aperisi tti noohisintheya.”

Yesaya 10:1

Otulli wa athu ayo enakeraatthiha malamulo oohilungama ni olemba ddawaahoosa athu.

Estere 8:10

Makalataayo yalembiwe mu nnddina na mwene Ahasuwero navettho yaadindiwa ni emphetaaye. Vano makalataayo yaarumihiwa ni amithenga oowella va akavalo oothamaka wunchichi oorellelliwa munikhollani na mwene.

Estere 3:12

Vano alembi a mwene yahiithaniwa va nllapo na khumi ni naneeraru na mweeri wawaamba nave yaamulemba kalata oollota ddittheddene nnddo Hamani alamulalleeye. Yaamurumiha wa attekweene ni allupa mutteko a mwene ni enduna dda mu ezigawo ddittheddene, o erive echigawo moollikana ni mmo enalembelliiwa navettho wa nirive nlloko mu ellotellwiiwa. Kalatooyo alembiwe mu nnddina na mwene Ahasuwero nave aadindiwa ni emphetaaye.

Estere 8:8

Koma lamulo noolembiwa mu nnddina na mwene ni odindiwa ni emphete ya mwene, khaavo anawora onirukunusa. Sika nyuwaano mwaalembellettho Ayuda mmo munapaallelleenyu, mu nnddina na mwene ni odinda ni emphete ya mwene.”

Estere 8:3

Vano Estere aakokhora vamiitthoni va mwene anallota mwa winlla. Aamuveka mwene wi ahiihe ello yoonanara eyo Hamani Mwagagi akeraatthihalleeye navettho ni woononga nko apaalleeye oweerella Ayuda.

Mateyu 24:35

Oddullu ni ellapo yavatthi ddineeromalla koma mawaaka khemalla.

Daniele 5:28

PARASINI sika wi omwenaanyu wookawiwa nave woovelleelliwa wa Amedi ni Aperezi.”

Masalimo 94:21

Aatthukumanella okumi wa oolungama, enakamulla wi oohikhalla ni mullatu yiiphiwe.