Daniele 6:5 - Mawu a Mulluku

⁵ Sika athwaalla yaallota wi, “Khanimuphwanyella mullatu Daniele naahimwaashera ekaamba va lamulo na Mullukwaaye.”

Daniele 6:5 ပူးပေါင်းရင်းမြစ်များ

Estere 3:8

Vano Hamani aamulleella mwene Ahasuwero wi, “Vookhalla nlloko nimodda na athu nno nimwareyelle mwiillaponi ettheeneella nave ninaphwanyeya mu erive echigawo eyo munalamulelleenyu. Malamulo a athu yaalla tti oohiyana ni malamulo a athu amodda attheene. Nave athu yaalla kheniiwellella malamulo a mwene, sika khe phaama wi mwene aahiyerere.

1 Samuele 24:17

Aamulleella Davide wi, “We tti oolungama okikhwaranya miyaano. Vawi wookeerella ddaphaama miyaano kiweerellaka ddoonanara.

1 Samuele 29:3

Vano mamwene Aafilistaalle yaakoha wi, “Aheberaalla enaashawo tini wuno?” Akishi ahaakhulla wi, “Ollathi tti Davide, oorumeyella a Saulo mwene a Aisraele. Olliyoolla ookhalla ni miyaano mallapo manchichi apaalle keerehina muyakha. Ovenyera aweelleeye ophiyera ollello kheyiivo machimo ayo kimonneemina.”

Yeremiya 29:7

Mwaashaasheke murendelle o muzinda nko kawiikarelleniimiwo, wuukaporoni wi ddeko ddiweetellekeni phaama. Muddivekelleke mizindannddo wa Apwiya ekaamba yawi ddaakhallaka mwamurendelle nyuwaano muneerekokhallattho phaama.’

Masalimo 37:32

Muthu oonanara annamwiipitthella oolungama, annamwaashaasha wi amwiiphe,