Daniele 6:4 - Mawu a Mulluku

⁴ Nave oowehera akhwaaye ni enduna yaheeseesa omuphwanyella mullatu Daniele va mmo eetihelleeye omwene. Koma kheyaamuphwanyille ni erive yoolakwa kaambiiwa Daniele aari oororomelleya nave kheera ddawaanganyera apaalle ddoolleka.

Daniele 6:4 ပူးပေါင်းရင်းမြစ်များ

1 Petro 3:16

Nave mweere yeella mwawiithaallella ni moolemu. Khallani ni yawuupusella murima yaphaama wi mwaallotelliwaka epewe, ayo enallota ddoonanara dda makhallellwaanyu aphaama oomuttakihera Khrisitu, ewulliwe muru ekaamba ya ddoollota ddiwannddo.

Afilipi 2:15

wi mukhalle oohichimwa ni aweella wonanko anamwani a Mulluku aphaama ayo enakhalla mu ellapo ya athu oonanara ni oolleka. Munaphwanella muwaleke variyari va yaayo wonanko etheneeri ddoowala.

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

Luka 20:20

Vano emweetellelle Yesu, yahaaruma athu ookhalla wonanko oolungama wi yamukoheke ddoomuwaka muwano nave emphwanyelle mullatu, yamuvelleelle wa oolamulella a o Roma oyo aari ni masiva ni olamulello.

Tito 2:8

Mawaawo ekhalle awoona wi ehivaanyihiwe. Vano wi adanaawo ewulliwe muru nave ehikhallena yoonanara yoonillotella hiyaano.

Mateyu 27:18

Vawi aadduwella wi yaamvelleella Yesu wa olliyooyo ekaamba ya ehache.

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

1 Timoteo 5:14

Sika kinapaalla wi anaamukhwelle a miyakha ddooyeva etthelliweke, yaayareke anamwani, yeetiheke mabanjiiwa wi ehaavahe adaniihu ekari yoollota ddoonanara dda hiyaano.

Oollalleya 4:4

Vano kaadduwella wi mitteko ddittheddene ni eruso ddittheddene ddinneereya ekaamba yawi mmodda anamukhallella ehache mukhwaaye. Ddittheddenennddo khaddinna mutteko nave oddaashaasha ddenndda tti wiikatamiha.

Miyambo 29:27

Muthu oonanara annaananara oolungama nave awookolla ettillaaye annaananara oochimwa.

Oweeruza 14:4

Attiitthinnya ni amennyaayo kheyaadduwella wi ddennddo ddaari ddoovenyera wa Apwiya vawi Apwiya yapaalla ephwanye mpata woowanella ni Afilisti. Enthawi yeella Afilisti sika yaalamulella Aisraele.

Genesis 43:18

Alliwaayo yahoova wunchichi vawoonani wi anaakusella o enyumba ya Yosefe. Nave yaganiza wi, “Ananivollochiha mmu ekaamba ya makobiri alle yahokolloselliwe m'mathumbani mwahu va enthawi yawaambeelle. Anaasha voonihellellavo ekhoto moorurumusa wi anitthattuse akaporwaaye nave wi anaakhe abulwaalla.”

2 Akorinto 11:12

Kineerovirellella weera nndda kineereemi vano wi amurummwa amoddaayo ehiphwanyellevo mpata wookota voollotani wi ennaphara mutteko wonanko hiyaano.

Yohane 19:4

Nave Pilato aakhumattho vaatte allota wi, “Kinimamukusella wa nyuwaano vaatte wi mudduwelle wi nginaphwanya mullatu mwa olliyooyo.”

Luka 22:2

Allupa mukutho uullupalli ni ahuddihi a malamulo* yahaashaasha ettilla yawi emwiiphe Yesu koma yawoova athu.

Mateyu 26:4

Yahiiwanana wi emmake Yesu ni omwiipha moowiipittheya.

Daniele 3:8

Enthawi yeeyo Ababiloni amodda yaaphwanya mpata woonanariha epilli ya Ayuda.

Yeremiya 18:23

Nyu Apwiya, munnadduwella eziwembu ddiwa ddittheddene ddoopaalla okiipha. Muhaakhululukelle ddoonanara ddiwa apaalle waavenyihellavo machimwiiwa. Egonjihiwe vamiitthoni vanyu nave mwaallake mu osha murima wanyu.”

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

1 Samuele 22:14

Koma Ahimeleki aamwaakhulla mwene wi, “Apwiya, ttaani mwa oohoollella ekhoto attheene oyo ari oororomelleya wonanko Davide? Olliyoolle tti mukamwenaanyu, oohoollella akhoto awuutetezani navettho muthu ooriiheya mwa athu attheene eri mu enyumbaanyu.

1 Samuele 18:14

Davide aanapambana va ddeko ddittheddene eereeye vawi Apwiya yaari ni olliye.

Luka 20:26

Vano kheyaaworille omuphwanyella mullatu vamiitthoni va athu. Koma yaattikhina ni ddoowaakhulla ddaye, emaalla.

Yeremiya 29:7

Mwaashaasheke murendelle o muzinda nko kawiikarelleniimiwo, wuukaporoni wi ddeko ddiweetellekeni phaama. Muddivekelleke mizindannddo wa Apwiya ekaamba yawi ddaakhallaka mwamurendelle nyuwaano muneerekokhallattho phaama.’

Daniele 6:22

Mulluku aamurumiha mungelwaaye nave aawalla eyano dda mikango wawi khaddikivoreyille naari vang'ono kaambiiwa Mulluku ahoona wi kiri oohichimwa navettho oohilakwa vamiitthoni vanyu amwene.”

Genesis 41:38

Sika Farao aakoha enduna ddayennddo wi, “Ethiyo ninamphwanye wuuwi muthu mmodda oomukhwaranya olla ari ni munepa wa Mulluku?”

1 Samuele 12:4

Athwaayo yaallota wi, “Khamwaanoottotthille apaalle oninyingallella. Khamwaakusalle erive ello ya muthu mmodda.”

Daniele 5:12

Muthooyo nnddina naye tti Daniele koma mwene aamuromolla wi Beliteshazara. Olliye ookhalla ni ezeru ddoowallamella, oodduwella ddeko navettho eeruso yoottaphullella olloha, annatthopoolla miyambi ni mawu ookhuweya. Vano mwiithaneni wi anilleelle ottaphullella wiwa.”