Daniele 6:22 - Mawu a Mulluku

²² Mulluku aamurumiha mungelwaaye nave aawalla eyano dda mikango wawi khaddikivoreyille naari vang'ono kaambiiwa Mulluku ahoona wi kiri oohichimwa navettho oohilakwa vamiitthoni vanyu amwene.”

Daniele 6:22 ပူးပေါင်းရင်းမြစ်များ

2 Timoteo 4:17

Koma Apwiya yaakhalla ni miyaano ekillipiha murima sika kaawora ollalleya othenga ottheene wa athu attheene ayo eri oohikhulupilila. Nave kahaakihiwa muwano mwa mikango.

Aheberi 11:33

Ekaamba ya echikhulupililo, athu awi ddiidda yaagonjiha moomwene, yaheera echilungamo, yahaakhella eyo Mulluku alonjezilleeye nave yaawalla eyano dda mikango.

Mitteko 12:11

Nave Petro aadduwella ddamweereyellennddo allota wi, “Vano koodduwella wi tti ddawoona! Apwiya yaamurumiha mungelwiiwa wi akivulluse wa Herode ni wa ddeko ddittheddene Ayuda yatiyeriiwa wi ddikeereyelle.”

Mitteko 24:16

Nave sika kinnallipihella mallapo mattheene okhalla muthu oohikhalla ni mullatu vamiitthoni va Mulluku ni athu.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Mika 7:7

Koma miyaano, kinaaroromelle Apwiya. Murimaaka kinaahiye va Mulluku Oovullusaaka vawi Mullukwaaka aneerokiiwa.

Daniele 3:28

Nebukadinezara aallota wi, “Atitimihiwe Mulluku a Shadrake, Meshaki ni Abedenego oyo amurumme amithengaaye aavullusa oorumeyellaaye oomuroromella olliye. Nave yaakhota mawu a miyaano mwene, evelleella miilli ddiwa wi ddihirumeyelle apaalle ollapella arive mulluku koma Mullukwiiwave.

Masalimo 31:14

Koma kinnuuroromellani nyu Apwiya, kinnallota wi, “Nyu tti Mullukwaaka.”

1 Samuele 17:37

Apwiya ayo yakivullusalle omikangoni ni o ezimbalangondo, aneerokivullusa wa Mufilistoolla.” Vano Saulo aamulleella Davide wi, “Khawe, Apwiya ekhalle ni weyaano.”

Numeri 20:16

Nikhuwenlle wa Apwiya yaaniiwa, emurumiha mungelo oyo anikhumihalle mu ellapo ya Iguputo. Vano niri wuno o Kadeshi, muzinda oyo ori m'malireni ni echigawaanyu.

Mitteko 27:23

Vawi mahiiyu a oddillo mungelo a Mulluku, Mulluku oyo kiriimi aaye ni oyo kinamullapelleemi, aakiweella,

Daniele 6:23

Mwene aahakallalla wunchichi nave aalamula wi Daniele akhumihiwe munllitini. Sika Daniele aakhumihiwa ahivoreyeye naari vang'ono kaambiiwa aamuroromella Mullukwaaye.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Yesaya 3:10

Oodalisiwa tti athu oolungama vawi ddeko ddineeroweetella phaama nave eneerohakallalla ni mitteko dda mattiiwa.

Masalimo 118:28

Nyuwaano tti Mullukwaaka, kineerewuuthokozani, nyuwaano tti Mullukwaaka, kineerewuutitimihani.

Masalimo 38:21

Nyu Apwiya, muhikihiye meekha, nyu Mullukwaaka, muhikirekamelle.

Masalimo 34:7

Mungelo a Apwiya annawaapheella athu oowoova Apwiya, annaavullusa.

2 Epilli 32:21

Vano Apwiya yaamuruma mungelo nave aawiipha akhoto attheene amasiva ni oohoollella a o misasa dda mwene a o Asiriya. Sika aahokollweella owaniwa ari oowulliwa muru. Vano avollowille mu enyumba ya mullukwaaye, anaaye amodda yaamwiipha ni nsupada.

Daniele 6:20

Aatamenlle nlliti mwene ahiithana mweethakaraka wi, “We Daniele, oorumeyella a Mulluku Ookumi! Ethiyo Mullukwaawo onamurumeyelleewe moororomelleya enthawi ettheene oowora wuuvullusa o mikango?”

2 Samuele 22:7

“Kaawiithana Apwiya mu ddoohoosa ddaka, kaakhuwella wa Mullukwaaka wi akikavihere. Mu enyumbaaye ahiiwa mawaaka, winlla waka wahiiweya wa olliye.”

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Mateyu 27:46

Voowaatamellani 3 koloko otthaana yooyo, Yesu aakhuwa moollipiha wi, “Eli, Eli, lama sabakitani?” Ottaphullella wiwa, “Mullukwaaka, Mullukwaaka, mukihiyere tini?”

Masalimo 26:6

Kinnanawa wooniha wi ngichimmwe, kinnuullapellani va nikuwa nanyu na mukutho, nyu Apwiya.

1 Samuele 26:18

Kaambiiwa tini apwiya munakaashaasheenyu mi mullupa muttekwaanyu? Kheyiivo yoonanara eyo keerilleemi nave kheyiivo eyo kichimwalleemi!

Genesis 40:15

Miyaano kaarimiiyiwa nave yaakikusella wuno ovenyera o ellapo ya Aheberi. Sika naari weewuno, kheyiivo yoonanara keerilleemi yawi ttuukiwallellana mundendeni.”

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Yeremiya 37:18

Nave aamukoha mwene Zedekiya wi, “Ethiyo kuulakwenlleni tini nyuwaano, enduna ddanyu apaalle athwaanyu wi mukihiye mu endende?

Daniele 6:4

Nave oowehera akhwaaye ni enduna yaheeseesa omuphwanyella mullatu Daniele va mmo eetihelleeye omwene. Koma kheyaamuphwanyille ni erive yoolakwa kaambiiwa Daniele aari oororomelleya nave kheera ddawaanganyera apaalle ddoolleka.

1 Mamwene 13:28

Vano aaya awuphwanya mutembo ori va musewuni nave bulu ni mukango ddiimenlle vakhwipi ni mutembooyo. Mukangooyo khawaattakhunne mutembooyo apaalle omukhaddulla buloolle

Daniele 6:7

Attheenehi aweetiha omwene, oowehera, enduna, alangizi ni oolamulella attheene a mu ezigawo nohiiwanana wi nyu amwene mukeraatthihe lamulo namasiva wi athu attheene ethwareke. Mulamule wi va mallapo 30 vihiphwanyeye muthu ooveka ello wa arive mulluku apaalle wa arive muthu koma wa nyuwaanove.