Daniele 6:20 - Mawu a Mulluku

²⁰ Aatamenlle nlliti mwene ahiithana mweethakaraka wi, “We Daniele, oorumeyella a Mulluku Ookumi! Ethiyo Mullukwaawo onamurumeyelleewe moororomelleya enthawi ettheene oowora wuuvullusa o mikango?”

Daniele 6:20 ပူးပေါင်းရင်းမြစ်များ

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Daniele 6:27

Olliye annavullusa ni waakiha anneera ezizindikiro ni ddoottikhiniha muddullu ni vatthimva, olliye sika amuvullusalle Daniele o masiva a mikango.”

1 Epilli 16:11

Muwaashaasheke Apwiya ni masiviiwa, okohella ekhoviiwa wa enthawi yoohimalla.

Daniele 6:16

Sika mwene aalamula wi yamuphare Daniele emuvokhelle mu nlliti na mikango nave mwene aallota ni Daniele wi, “Mullukwaawo onamurumeyelleewe moororomelleya enthawi ettheene uuvulluse!”

Daniele 3:17

Mullukwaahu ninamurumeyelleehu aneerowora onaakiha mu eng'anjo yamunllo nave aneeronivullusa mu nnatta nanyu, amwene.

Yakobo 1:25

Nave oyo anaakhella malamulo aphaama wunchichaalla, oovaha ottaphuwa, aawaathwaraka, aahikhalla awiiwa ni ootiwalla nave aweerana mutteko aneerodalisiwa mu ddaweera ddiwa.

2 Akorinto 1:10

Aanivullusa ovenyera o ddawoopiha dda okhwa nave aneeronivullusattho nave etiyerellwaahu eri mwa olliye wi aneeronivullusattho wiilli.

Luka 18:1

Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa.

Luka 1:37

Vawi kheyiivo ello enaalepheliwe ni Mulluku.”

Hoseya 12:6

Vano nyu attheene hokollweellani wa Mullukwaanyu. Mukhalle a echikondi ni oolungama. Nave mumuroromelleke Mullukwaanyu enthawi ddittheddene.

Daniele 3:15

“Mwaakhullella wi mwiiwa winlla wa nipallapata, echitoliro, zeze, ethangara, gitala wizilo ni wiipa wa mitundumitundu, muneeropopheya erukullu vatthi ni ollapella nifano nagolide nno kiniimenseemi, ddaphaama. Koma mwaahinillapella muneerovokhiwa mu eng'anjo yamunllo. Vano ethiyo tti mulluku oovi anuuvulluseni m'mattani mwaka?”

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

Masalimo 73:23

Koma miyaano kiri ni nyuwaano enthawi ettheene, nyuwaano munnakiphara nnattanatta.

Numeri 11:23

Apwiya yaamukoha Mose wi, “Ethiyo muwono wa Apwiya tti wookhuveya? Vano oneerewoona naanweene vaava ddeko nnddo killotilleemi ddeereyaka apaalle iyaayi.”

Genesis 18:14

Ethiyo yookhallavo ello yoolepheleya weeriwa ni Apwiya? Sika va enthawiine, kineereweera nndda kilonjezilleemi nave Sara aneeromuyara mwaana aamullopwana.”

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

Akolose 4:2

Vekellani moohihiyerera, muwehereke mwaavekellaka nave mumuthokozeke Mulluku.

Aroma 2:7

Sika athu ayo enavirellellave weera ddaphaama nave enaashaasha ntitimiho ni okumi woohimalla ovenyera wa Mulluku, Mulluku aneerewaavaha okumi woohimalla.

Mitteko 6:4

Hiyaano nineerollipihella ovekella ni ollalleya mawu a Mulluku.”

Masalimo 146:2

Kineerewaatitimiha Apwiya mu okumaaka muttheene, kineerewiipa machipo oomutitimiha Mullukwaaka, enthawi ettheene kakhalla mukumi.

Masalimo 119:112

Koohiyavo murimaaka wi okondeke malamulwaanyu enthawi ettheene.

Daniele 6:19

Mwene aapeha ohinase aya mwawaakuva o nlliti na mikango.

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.