Daniele 5:8 - Mawu a Mulluku

⁸ Sika eezeru attheene a mwene yaawa koma kheyaawonre weerenga apaalle omuttaphullella ddoolembiwannddo.

Daniele 5:8 ပူးပေါင်းရင်းမြစ်များ

Daniele 2:27

Daniele aamwaakhulla mwene wi, “Nyu amwene, khaavo eezeru, amasenga, awoombesa apaalle oollotella ddamuhoollo oyo anaawore wuuttaphullellani yoovittheya eyo munapaalleenyu odduwella.

Daniele 4:7

Sika yaawa amasenga, awoombesa, oollotella ddamuhoollo ni oottaphullella olloha nave kahaatthopoollella koma kheyaawonre okittaphullella ollohanngu.

Genesis 41:8

Osaka wene ohinase ekhovaaye yaamora wunchichi wawi aawiithaniha amasenga attheene ni athu attheene eezeru a o Iguputo. Attheenaayo ewiille, Farao ahaatthopoollella ddoolloha ddayennddo koma khaavo naari mmodda aworille ottaphullella.

Daniele 5:15

Yaawaana wa miyaano athu eezeru ni awoombesa wi yeerenge ddilembiwenndda ni okilleella ottaphullella wiwa koma kheyaawonre.

Yesaya 47:9

Koma mu enthawi yooyeva nllapo nimodda, ddeko piilli ddineerewuumorella, anaawo attheene eneerokhwa, oneerotthattuwa naamukhwelle, ddenndda ddineerewuumorella, naari ori ni masenga manchichi ni manyaka ddamasiva.

Yeremiya 50:35

Apwiya enallota wi, “Nsupada nakhoto nimmorelle Babiloni, okhwa ophiye va athu a o Babiloni, va enduna ddiwa ni athwiiwa eezeru.

Daniele 4:18

“Nngu sika olloha nko miyaano mwene Nebukadinezara kallohilleemi. Vano, we Beliteshazara okittaphullelle vawi eezeru attheene a mu omwenaaka khenawora okittaphullella koma weyaano onnawora vawi wookhalla ni munepa wa milluku ddaweella.”

Daniele 4:4

Miyaano Nebukadinezara kaanakhalla mwamurendelle mpa mwaka nave ddaanakeetella phaama mu enyumbaaka yoomwene.