Daniele 5:7 - Mawu a Mulluku

⁷ Mwene aakhuwa owiithana awoombesa, amasenga ni oollotella ddamuhoollo wi ewe. Ahaalleella eezeru a o Babiloni wi, “Arive muthu oowora weerenga ddilembiwe mvanndda ni okilleella ottaphullella wiwa, kinimamuwariha ddoowara ddooreera ddoofiira ni ogufu wagolide munikohini nave anaakhalle oolamulella aneeraru mu ellapweella.”

Daniele 5:7 ပူးပေါင်းရင်းမြစ်များ

Daniele 5:29

Vano Belishazara aalamula wi Daniele emuwarihe ddoowara ddooreera ddoofiira ni ogufu wagolide munikohini. Vatulli wiwa yaallalleya wi akhalle oolamulella aneeraru mu ellapweeyo.

Daniele 5:16

Sika kohiiwa wi weyaano onnawora ottaphullella olloha navettho mawu ookhuweya. Weerenga malemba yaalla ni okilleella ottaphullella wiwa kineerewuuwariha ddoowara ddooreera ddoofiira ni ogufu wagolide munikohini mwawo nave onaakhalle oolamulella aneeraru mu ellapweella.”

Daniele 2:48

Vatulli viwa mwene aamuwelliha Daniele amuvaha olemu ni omwinnya emphaso ddaphaama ddinchichi. Aamutthoolla wi akhalle oolamulella echigawo ettheene ya Babiloni navettho wi akhalle muullupalli a eezeru attheene.

Daniele 2:6

Koma mwakilleella nnddo kallohilleemi ni ottaphullella wiwa, kineerewuuvahani emphaso ddinchichi nave kineerewuuriihani wunchichi. Vano killeelleni ollohanko ni ottaphullella wiwa.”

Daniele 2:2

Sika mwene aawiithaniha awoombesa, amasenga, amakhanga ni oollotella ddamuhoollo wi emuttaphullelle nnddo allohilleeye. Alliwa yaavollowa yiimella vamiitthoni va mwene.

Ezekiele 16:11

Kahuureeriha ni ddooreerihella, kuuwariha ebangili m'muwononi mwawo ni mikhova munikohini mwawo.

Yesaya 47:13

Wiitopihelle nivuddove voovekani malangizo oohiyanahiyana, vano ewettho awuulangizaawo wi yuuvulluse. Ewe athu oohuddera ddamuddullu, oomolleella dda etheneeri, oollotella ddamuhoollo mweeri waawalaka.

Daniele 4:14

Yaakhuwa wi, “Uhani muteekhooyo ni ophadda enthambi ddiwa! Vakaresani makukhwiiwa ni opwaramwasa ezipaso ddiwa. Enama ddamuhakani ddithawe vamuuthuuchini viwa nave epallame va enthambi ddiwa.

Nchipo na Solomoni 1:10

Wooreera, marama ni endolonndda, nikohi ni mikhova dda malluku oowallamella mutengo.

Miyambo 1:9

Ddiri wonanko enduwira yamalluwa yooreera omuruni wawo. Ddiri wonanko ogufu wa munikohini mwawo.

Estere 3:1

Ddiviralle nndda, mwene Ahasuwero aamuwelliha odindo mullopwana ooromolliwa wi Hamani Mwagagi, mwaana a Hamedata. Aamunnuwiha ni omuvaha mpando wa vaddullu, okhwaranya enduna ddittheddene ddaari ni olliye.

1 Samuele 17:25

Yaanallota muthu ni mukhwaaye wi, “Ngamooneni muthoolle! Anaweellesa oninyaambusa hiyaano. Vano amwene yaallota wi oyo anaamwiiphe muthu yoolle, eneeromwinnya eyuuma yinchichi, eneeromwinnya mwaniwa aamutthiyana wi amutthelle nave nibanja na attiitthinnya khaniwa nikhoma musonkho.”

Numeri 24:11

Ekaamba ya yeella venyanivoni, rowakani. Kahuulleellani wi kineerewuuriihani wunchichi koma Apwiya ahuulephelihani wi kuuriiheni.”

Numeri 22:17

Ddawoona, kineerewuuriihani wunchichi nave erive ello eyo munaakilleelleenyu, kineereweera. Waawoni mwaatembelele athwaalla munipuroni mwaka.’ ”

Numeri 22:7

Sika oohoollella a o Mowabu ni a o Midiyani yaatimulla ekusalle makobiri awi yoombeselle nikhanga. Vano yaaphiya wa Balamu emulleella mawu a Balaki.

Genesis 41:8

Osaka wene ohinase ekhovaaye yaamora wunchichi wawi aawiithaniha amasenga attheene ni athu attheene eezeru a o Iguputo. Attheenaayo ewiille, Farao ahaatthopoollella ddoolloha ddayennddo koma khaavo naari mmodda aworille ottaphullella.

Eksodo 7:11

Vano Farao aawiithana athwaaye eezeru ni amasenga. Nave alliwaayo yaheerattho emoddamoddave yeeyo mwa masengiiwa.

Yeremiya 50:35

Apwiya enallota wi, “Nsupada nakhoto nimmorelle Babiloni, okhwa ophiye va athu a o Babiloni, va enduna ddiwa ni athwiiwa eezeru.

Daniele 1:4

Asombwaalla yaphwanenlle okhalla ooreera, oohirakalla, eeruso va ezeru ddittheddene, oochenjera voodduwellani, oodduwella wiiwesesa ni oowora orumeyella o enyumba yoomwene, Yaahuddihe olemba ni ollota Ebabiloni.

Daniele 1:20

Enthawi ddittheddene mwene akoha ddeko ddoopaalleya ezeru ni wiiwesesa, aanaphwanya wi alliwa yaanaakhwaranya wunchichi amasenga ni awoombesa a mu omwenaaye ottheene.

Daniele 2:27

Daniele aamwaakhulla mwene wi, “Nyu amwene, khaavo eezeru, amasenga, awoombesa apaalle oollotella ddamuhoollo oyo anaawore wuuttaphullellani yoovittheya eyo munapaalleenyu odduwella.

Daniele 5:11

Mu ellapwaanywiilla mookhalla muthu oyo ari ni munepa wa milluku ddaweella. Attiitthaanyu eri mwene muthu yoolla ahooniha wi mwa olliye mookhalla omolleella wiiwesesa ni ezeru wonanko dda milluku. Sika mwene Nebukadinezara attiitthaanyu yaamutthattusa muullupalli a awoombesa, amasenga, amakhanga ni oollotella ddamuhoollo.

Daniele 5:15

Yaawaana wa miyaano athu eezeru ni awoombesa wi yeerenge ddilembiwenndda ni okilleella ottaphullella wiwa koma kheyaawonre.