Daniele 5:6 - Mawu a Mulluku

⁶ Vano ekhove ya mwene yaatthattuwa nave ahaapheella muru. M'makumanello mwa makhuva a eyuunwaaye mwaakurukunyuwa nave makutthaaye yaheengereya.

Daniele 5:6 ပူးပေါင်းရင်းမြစ်များ

Nahumu 2:10

Muzinda wa Ninive wohoonongeya, wootthattuwa ntepe, wootthaamiwa. Mirima ddinnoova, makuttha ennatthukumella, masiva kheyiivo, ekhove ddoomora ni woova.

Daniele 7:28

Mwaha omallelle vaava. Mi Daniele kaakatamiheya m'maganizoni wunchichi nave ekhovaaka yaatthattuwa komave kaavittha ellweella m'murimani mwaka.

Ezekiele 7:17

Matta mattheene eneerofooka, makuttha eneerovelleveddeya wonanko maaddi.

Daniele 4:5

Kikonaka kaalloha ddawoopiha. Ddeko koonilleemi m'muruni mwaka kikonaatthille vabedini vaka ddaakoopiha wunchichi.

Ezekiele 21:7

Yuukoha eyo oniipullelleewe, waalleelle wi, ‘Kiniipullella ekaamba ya miyaha kiiwalleeminndda.’ Ddeereya ddennddo mirima ddiwa ddineerekotthukumella nave mattiiwa mattheene eneerofooka, eneerotathilla murima, m'makutthani mwiwa muneerekotthukumella. Ddinimawa nave ddineereweereya. Mi Apwiya Mulluku koollota.”

Masalimo 69:23

Miitthwiiwa ewe epiphi wi ehiwore woona eyuuni ddiwa dditthukumelleke.

Daniele 4:19

Sika Daniele oyottho aromolliwa wi Beliteshazara, wa enthawi yooyeva ahaapheella muru, aakatamiheya m'maganizoni mwaye. Mwene aallota wi, “Beliteshazara, ollohanngu ni ottaphullella wiwa ddihiwaapheellihe muru.” Beliteshazara ahaakhulla wi, “Apwiyaaka, waphaama ollohanngu waariki wa adanaanyu nave ottaphullella wiwa wa oowiitani.

Aheberi 12:12

Sika okollani mattaanyu oofooka ni makutthaanyu oovelleveddeya.

Daniele 3:19

Vano Nebukadinezara ahaashella murima wunchichi nave ekhovaaye yahaatthattuwella Shadrake, Meshaki ni Abedenego. Olliye aalamula wi eng'anjo yamunllo ettettheeriwe otthanu ni opiilli okhwaranya mmo enattettheerelliiwa.

Daniele 2:1

Muyakha waneepiilli wa omwenaaye, Nebukadinezara aalloha. Nave ollohanko waamwaapheelliha muru mwawi ekhove ddaampallalleya.

Yesaya 35:3

Mullipihe matta oofooka, mwaavahe masiva makuttha oovelleveddeya.

Yesaya 5:27

Khaavo naari mmodda anaatope anaakwakwatuwe, anaakwindime apaalle anaakone. Khaavo laamba anaattaphuwe nave khawiivo mukwe wa esapato onaaphaddeye.

Masalimo 22:14

Okumaaka wootathiya wonanko maaddi, makhuvaaka mattheene aheengereya, murimaaka tti wonanko nimphora nittotthowille.

Daniele 5:5

Moorurumusa vahooneya nnatta na muthu nilembaka vasirini va enyumba yoomwene moowehana ni enyali. Mwene ahoona nnattanno nilembaka.

Yeremiya 50:43

Mwene a o Babiloni ohiiwa epilliiwa, masiva ammallella. Annakhupanya ni wiiwa ovoreya wonanko wa mutthiyana vooyarani.