Daniele 5:23 - Mawu a Mulluku

²³ Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Daniele 5:23 ပူးပေါင်းရင်းမြစ်များ

Yobu 12:10

Ddookumi ddittheddene ddiri m'mattani mwaye, emoddamoddavettho mpweya wa athu attheene.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Yeremiya 10:23

Nyu Apwiya, kinnadduwella wi okumi wa muthu khe waaye, khanawora wiihoollella yeekha.

Yesaya 37:23

Ethiyo we okhanlle omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Yesaya 2:12

Apwiya Amasiva Mattheene aakeraatthiha khalle nllapo nno enaakitthihiiwa attheene ookota, awiitukhulla ni awiinyarulla.

Yeremiya 50:29

“Muwiithane attheene oovokha miira, oodduwella ovokha mipaamba wi emuhelle ekhoto Babiloni. Mumwaapheelle ni misasa ddakhoto wi vihithawe naari muthu mmodda. Mullakeni moollikana ni machimwaaye nave mumweerelle ddoollikana ni nnddo aweerenlleeye amodda vawi ahaavevulla Apwiya, Aweella a Israele.

Miyambo 20:24

Apwiya sika enalamulella meetello a muthu. Vano muthu anaadduwelle mwawiidde ettillaaye?

Yobu 31:4

Ethiyo Mulluku khanoona ettilla ddaka ni othwara manyallwaaka mattheene?

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yesaya 37:19

Yahoosa milluku ddiwa nnddo ddihiri millukulluku koma mafano amiteekho ni amalluku oopangiwa ni athu sika ekaambiiwa yaddoonongilliiwa.

Masalimo 139:3

Munnakiwehesesa kaaweetaka, kaakonaka, munnadduwella ettilla ddaka ddittheddene.

2 Mamwene 14:10

Ddawoona, we woomugonjiha Edomu nave vano onimiitukhulla. Itthamalleke ni opambana wawonko koma vano okhalle owaninyu wenko. Kaambiiwa tini onapaalleewe ottatthamulla ddookatamiha mwaphudda? Phaamathi oneeromora we ni athu a o Yuda.”

1 Timoteo 3:6

Akhalle oowaraalla mu echikhulupililo wi ahiitukhulleke woova wi anaallakiwe wonanko mmo Satana aallakelliweeye.

1 Akorinto 8:4

Sika vano kinuulleellani dda ocha ddoocha ddooheraatthiwa mukutho wa mafano. Ninnadduwella wi nifano khe ello eyo eri ni okumi; ninnadduwella wi Mulluku tti mmoddave.

Mitteko 17:25

Nave khanarumeyelliwa ni athu wonanko olliye annapaalla ello kaambiiwa olliye sika anavaha okumi ni weeriha wi nivumeke ni ovaha erive ello wa athu.

Habakuku 2:4

Ngoonani, oyo ahinna murima woolungama khavulluwa koma oolungama eneerokhalla ni okumi ekaamba ya echikhulupililwiiwa.”

Ezekiele 31:10

“Sika mi Apwiya Mulluku kinallota wi ‘Ekaamba yawi muteekhooyo waarekama wunchichi ophiyera oddullu nave waaniitukhulla ni wunnuwanko,

Ezekiele 28:17

Waaniitukhulla ekaamba ya oreera wawo, waananariha ezeru ddawo ekaamba yoopaalla okhalla oovuwa. Vano kahuuvokhella vatthi wi okhalle echisanzo wa mamwene mamodda.

Ezekiele 28:5

Waaruuwiha eyuumaawo ekaamba ya ezeru ddawo ddooweetihella malonda nave oniitukhulla ekaamba ya eyuumaaweeyo.

Ezekiele 28:2

“We mwaana a muthu mulleelle mwene a o Tiro mawaaka awi, we ni murimaawo wawiitukhulla onnallota wi, ‘Mi tti mulluku. Kinakhalla wonanko mwene variyari va milluku mu enyanja ddoowallamella.’ Komathi we tti muthu shisha ohiri mulluku naari oddeesaka eezeru wonanko mulluku.

Yesaya 42:5

Mulluku Apwiya aaphatusa ni waanddellella ddooddullu, aaphatusa ellapo yavatthi ni ddittheddene ddiri mwemmo, aavaha okumi ni mpweya wa athu ookhalla mwiillaponimmo. Olliye anallota wi,

Yesaya 33:10

Apwiya enallota wi, “Vano kineerovenya, kineerewooniha masivaaka nave kineerovahiwa olemu wunchichi.

Masalimo 146:4

Mpweya wa muthu wakhumamo muttheene, muthooyo annahokollweella o ethaya, nllapo nenno ddoolinga ddaye ddinnamalla.

Masalimo 115:16

Oddullu tti wa Apwiya, koma ellapo yavatthi aayivaha wa athu.

Masalimo 104:29

Mwaddiipitthihella ekhovaanyu, ddinnoova ni otathilla murima. Mwaddivenyihella mpweya, ddinnakhwa, ohokollweella onthupini.

Oweeruza 16:23

Nllapo nimodda anamwani aallopwana a mamwene a Afilisti yaatthukumana wi evelleelle mukutho muullupalli wa Dagoni mullukwiiwa nave wi ehakallalle vawi yeehina, “Mullukwaahu oonikavihera omugonjiha Samisoni, mudanaahu.”

Genesis 14:19

Aamudalisa Abramooyo wi, “Mulluku Amasiva Mattheene, oophatusa oddullu ni ellapo yavatthi, uudalise weyaano Abramu.

Genesis 2:7

Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Yawuupullulla 9:20

Athu attheene oohalla ayo ehiniiphiwe ni millillinndde kheyaahiyalle mafano yapangilliiwa ni mattiiwa. Kheyaahiyalle ollapella minepa ddoonanara naari mafano agolide, asiliva, amukuwa, malluku ni miteekho ayo ehinawora woona wiiwa apaalle weeta.

Yesaya 13:11

Apwiya enallota wi, “Kineerewaallaka athu a ellapo yavatthi ekaamba ya onanara wiwa nave kineerewaallaka oonanara ekaamba ya ochimwa wiwa. Kineeromalliha okota wa athu awiitukhulla nave kineerokitthiha wiitukhulla wa athu eekuku.

Yesaya 14:13

M'murimani mwawo waallipihella ddoowella oddullu wi wakeraatthihe mpandwaawo wa omwene vaddullu va etheneeri dda Mulluku wi wakhalle va mwaango wa ompoto nko onatthukumana milluku ddittheddene.

Yeremiya 48:26

“Mumulezelihe Mowabu kaambiiwa ahiitukhulla vawaawukilani Apwiya. Atthaveyiwe m'marapheywaaye nave akhalle ello yoottheyiwa.

1 Samuele 17:26

Vano Davide ahaakoha akhoto ayo yaari vakhuviru ni olliyooyo wi, “Ethiyo muthu anaamwiiphe Mufilistoolla ni waavenyiha owulliwa muru Aisraelaalla enaamwinnye tini? Mufilisti oohiphaddiwoolla ttaani wi aavevulleke akhoto a Mulluku Ookumi.”

1 Samuele 17:36

Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.

Yeremiya 50:28

Kinnawiiwa athu oothawa ekhoto ya o Babiloni ellalleyaka dda ohokollosella ddoonanara wa Apwiya Mullukwaahu ekaamba yahoononga enyumbiiwa.

Daniele 8:11

Nahaamba wiitukhulla wunchichi ophiyera opaalla ollipana ni mwene a milloko ddooddullu. Naahiiha mikutho nnddo ddavelleelliwa wa olliye nllapo ni nllapo nave naakumulla enyumba yoomullapellamo mwene.

Daniele 11:12

Mulloko wakhotoolla ophariwe, mwene oomwerooyo aneerewaamba wiitukhulla ekaamba ya opambana waye nave aneeroowiipha athu ooheerengeya komave opambananko khovirellella.