Daniele 5:22 - Mawu a Mulluku

²² “Koma nyu Belishazara mwanaye khamwiiyevihalle naari mwadduwenlle ddittheddenndda.

Daniele 5:22 ပူးပေါင်းရင်းမြစ်များ

2 Epilli 33:23

Vano olliye khiiyevihalle vamiitthoni va Apwiya wonanko Manase ttiitthinnya iiyevihelleeye nave aari oochimwa wunchichi waakhwaranya attiitthinnya.

Eksodo 10:3

Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle.

Yakobo 4:17

Muthu anadduwella yaphaama yawi eere koma aheera, yooyo tti oochimwa.

2 Epilli 36:12

Nave aheera ddoonanara vamiitthoni va Apwiya Mullukwaaye. Olliye khiiyevihalle vamiitthoni va namallotella Yeremiya oyo allota mawu oovenyera wa Apwiya.

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Yohane 13:17

Vano vawi moodduwella ddawoonanndda, nyuwaano tti oodalisiwa mwaweraka ddenndda!

Luka 12:47

“Mullupa mutteko oyo anadduwella ello apwinnya enapaalliiwa wi eere koma khanakhozeka weera nave khaneera, aneerewuukuthiwa mwawoopiha.

Mateyu 21:32

Vawi Yohane Oobatiza awa wa nyuwaano aawoonihani ettilla ya echilungamo yoopaalleya wi mukuse koma khamwaakhulupililalle koma ookhomiha misonkho ni atthiyana ooraruwa yaamukhulupilila. Koma naari nyuwaano moonilleenyu ddenndda khamwaarukunuwalle murima vatulli viwa wi mumukhulupilile.”

Mateyu 14:4

Vawi Yohane aanamulleella Herode wi, “Khaddinaakhullelliwa ni malamulwaahu vawi weyaano woomutthella mwaara a mwanamunno olliyooyo ahinakhwe.”

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Yesaya 26:10

Oonanara mwamweerella ddaphaama khanahudderave echilungamo. Aneera ddoonanara mu ellapo yeechilungamweella, annalephela woonesesa ntitimiho na Apwiya.

Masalimo 119:46

Kineerollota omboni vamiitthoni va mamwene, ngiwulliwa muru.

Yesaya 13:11

Apwiya enallota wi, “Kineerewaallaka athu a ellapo yavatthi ekaamba ya onanara wiwa nave kineerewaallaka oonanara ekaamba ya ochimwa wiwa. Kineeromalliha okota wa athu awiitukhulla nave kineerokitthiha wiitukhulla wa athu eekuku.

Yesaya 14:13

M'murimani mwawo waallipihella ddoowella oddullu wi wakeraatthihe mpandwaawo wa omwene vaddullu va etheneeri dda Mulluku wi wakhalle va mwaango wa ompoto nko onatthukumana milluku ddittheddene.