Daniele 5:19 - Mawu a Mulluku

¹⁹ Ekaamba ya masiva yavahiwiiwa, athu a ellapo ddittheddene, mitundu ddittheddene ni ellotello ddoohiyanahiyana yaanatthukumella vamiitthoni viwa ni owoova. Yapaalla omwiipha muthu yaanamwiipha yapaalla omuhiya ni okumi yaanamuhiya. Yapaalla omuwelliha muthu yaanamuwelliha nave yapaalla omukitthiha yaanamukitthiha.

Daniele 5:19 ပူးပေါင်းရင်းမြစ်များ

Daniele 3:6

Arive muthu oohipopheya ekhove vatthi ni ollapella nifano nagolide aneerovokhelliwa mu eng'anjo yamunllo.”

Daniele 3:4

Vano oollalleya aakhuwa wi, “Nyu athu a ellapo ddittheddene, a mitundu ddittheddene, a ellotello ddoohiyanahiyana va ellapo yavatthi ettheene,

Aroma 13:1

Arive muthu iiwellelleke olamulello wa niboma kaambiiwa khuwaavo olamulello ohinavenyera wa Mulluku nave olamulello wa muttanoolla okeraatthihiwe ni Mulluku.

Yohane 19:11

Yesu ahaakhulla wi, “Khamwaakhallena olamulello va miyaano mwahivahiweke ni Mulluku. Sika muthu oyo akivelleelle wa nyuwaano ookhalla ni machimo muullupalli ohiyana ni nyuwaano.”

Habakuku 2:5

Navettho vinyo annalleka, wonanko muthu awiitukhulla, oohikhalla owaniwa, awunnuwiha ddoopaalla ddaye wonanko ellapo ya ookhwa. Ari wonanko okhwa, khonavona koma anniitthukumanihella athu a mitundu ddittheddene, annaddiithanella mitundu ddittheddene dda athu.

Daniele 4:22

Nyu amwene, muteekhooyo tti nyeene vawi mootthattuwa muullupalli ni amasiva. Ottekweenaanyu woophiya oddullu, omwenaanyu woophiya o malire mattheene a ellapo yavatthi.

Daniele 3:29

“Vano kinakeraatthiha lamulo nawi arive muthu a orive mutundu ni a erive ellotello amuvevulla Mulluku a Shadrake, Meshaki ni Abedenego aphaddiwephaddiwe nave enyumbaaye ekhalle ntepe. Khaavo mulluku mmodda oowora ovullusa mwawi ddiidda.”

Miyambo 16:14

Onanariwa wa mwene tti othenga wa okhwa nave muthu eezeru sika anamupepesa.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

2 Mamwene 25:28

Aallotana mweechifundo, amuvaha nipuro noolemu waakhwaranya mamwene mamodda mattheene aariiyena o Babiloni.

Ezekiele 31:11

kaawuvelleella m'mattani mwa mwene owaalamulella athu a mitundu ddimodda wi aallake moollikana ni olakwa wiwa nave koowutathilla.

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

Daniele 11:3

Koma o Griki oneerokhuma mwene mmodda oyo anaalamulelle mwamasiva nave aneereweera ddoopaalla ddaye.

Daniele 11:16

Sika mudani oompotooyo aneereweera ddoopaalla ddaye vawi khaavo anaallipanena. Aneerokeraattheya mu ellapo yooreeresesa nave ddittheddene ddinaakhalle m'mattani mwaye.

Daniele 11:36

Mwene oompoto aneereweera ddoopaalla ddaye nave aneeroddunnuwiha ni oddeesa muullupalli okhwaranya milluku ddittheddene naari Mulluku a milluku. Ddittheddene ddineeromweetella phaama ophiyera enthawi eyo Mulluku anaamullakeeye moowalli ekaamba yawi nnddo ddisimikiziwe ddineereweereya.

Oollalleya 8:3

Ddeko ddaahimuddivella mwene ovenyekevo vamiitthoni vaye mwawaakuva vawi ttuuweera eyo enamuddivella.

Daniele 4:19

Sika Daniele oyottho aromolliwa wi Beliteshazara, wa enthawi yooyeva ahaapheella muru, aakatamiheya m'maganizoni mwaye. Mwene aallota wi, “Beliteshazara, ollohanngu ni ottaphullella wiwa ddihiwaapheellihe muru.” Beliteshazara ahaakhulla wi, “Apwiyaaka, waphaama ollohanngu waariki wa adanaanyu nave ottaphullella wiwa wa oowiitani.

Daniele 11:12

Mulloko wakhotoolla ophariwe, mwene oomwerooyo aneerewaamba wiitukhulla ekaamba ya opambana waye nave aneeroowiipha athu ooheerengeya komave opambananko khovirellella.