Daniele 5:13 - Mawu a Mulluku

¹³ Vano yaawaana Daniele vamiitthoni va mwene amukoha wi, “Ethiyo we tti Daniele mmodda mwa akaporo ayo attiitthaaka yaaphanriiwa o Yuda?

Daniele 5:13 ပူးပေါင်းရင်းမြစ်များ

Daniele 6:13

Vano yaallota ni mwene wi, “Daniele mmodda mwa akaporo a o Yuda oopwesa lamulo noohiiha nne nyu amwene mwasayinelleenyu. Annavirellella ovekella wa Mullukwaaye oraru vanllaponi.”

Daniele 5:11

Mu ellapwaanywiilla mookhalla muthu oyo ari ni munepa wa milluku ddaweella. Attiitthaanyu eri mwene muthu yoolla ahooniha wi mwa olliye mookhalla omolleella wiiwesesa ni ezeru wonanko dda milluku. Sika mwene Nebukadinezara attiitthaanyu yaamutthattusa muullupalli a awoombesa, amasenga, amakhanga ni oollotella ddamuhoollo.

Daniele 2:25

Sika Ariyoki aamuvelleella mwawaakuva Daniele wa mwene nave aallota wi, “Nyu amwene, variyari va akaporo a o Yuda koomuphwanya mmodda oyo anaawore ottaphullella olloha wanyu.”

Yohane 7:3

Sika asinne a Yesu yaamulleella wi, “Venyaniwoni wuno muye o Yudeya wi oohudderaanyu ni alliwattho yoone mitteko ddanyu nnddo muneereenyu.

Ezara 10:16

Vano athu yahokollowille wuukaporonaalle yaheera ddennddo. Ezara mullupa mukutho ahaatthoolla athu ovenyera o oohoollella a mabanja nave aamulemba nnddina arive muthu. Va nllapo nawaamba na mweeri waneekhumi, yahaamba weeruza mwahoolla.

Ezara 6:16

Vano athu a o Israele monga allupa mukutho, Alevi ni athu attheene yahokollowille wuukaporoni yaahakallallella opatuliwa wa enyumba ya Mulluku.

Ezara 4:1

Vano adani a Yuda ni Benjamini yiiwalliiwa wi athu yawiillewo wuukaporonaalle ahaamba omakattho enyumba ya Apwiya Mulluku a Israele,

Yohane 7:1

Ddimallille nndda Yesu aheetella mu Galileya. Khaapanlle weetella mu Yudeya kaambiiwa attekweene a Ayuda* yapaalla omwiipha.

Daniele 8:27

Mi Daniele masiva yaakimallella nave kaavoriiwa wa mallapo makavi. Vatulli viwa kaavenya kiya wa mwene woophara mutteko. Koma koonilleeminndde ddaanakaapheelliha muru nave ngaawonre oddiiwesesa.

Daniele 8:1

Mi Daniele, muyakha waneeraru wa mwene Belishazara kahoona masomphenya emanlle awaambaalle.

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Daniele 5:2

Amuwiryaka vinyo, Belishazara aalamula wi eweena eziwiya ddagolide ni ddasiliva nnddo Nebukadinezara attiitthinnya yaddivenyehalliiwa o enyumba ya Mulluku ya o Yerusalemu. Apaalla wi emuwiryellemo vinyo olliye, enduna ddaye vamodda ni awariye uullupalli ni ang'onong'ono.

Daniele 2:48

Vatulli viwa mwene aamuwelliha Daniele amuvaha olemu ni omwinnya emphaso ddaphaama ddinchichi. Aamutthoolla wi akhalle oolamulella echigawo ettheene ya Babiloni navettho wi akhalle muullupalli a eezeru attheene.

Daniele 1:21

Daniele aakhalla wenko ophiyera muyakha wawaamba wa mwene Kirusi.

Ezara 10:7

Nave othenga waarumihiwa o Yuda ni o Yerusalemu otthewene wi athu attheene yahokollowille wuukaporoni etthukumane o Yerusalemu

Daniele 1:1

Muyakha waneeraru wa mwene Yehoyakimu a o Yuda, Nebukadinezara mwene a o Babiloni aahella ekhoto muzinda wa Yerusalemu.

Daniele 1:2

Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.

Daniele 5:14

Kohiiwa wi wookhalla ni munepa wa milluku ddaweella nave wi mwa weyaano mookhalla omolleella wiiwesesa ni ezeru ddoowallamella.

Daniele 1:6

Mwa asombwaalla vaakhalla amodda a o Yuda ayo manddiniiwa yaari Daniele, Hananiya, Mishaele ni Azariya.