Daniele 5:11 - Mawu a Mulluku

¹¹ Mu ellapwaanywiilla mookhalla muthu oyo ari ni munepa wa milluku ddaweella. Attiitthaanyu eri mwene muthu yoolla ahooniha wi mwa olliye mookhalla omolleella wiiwesesa ni ezeru wonanko dda milluku. Sika mwene Nebukadinezara attiitthaanyu yaamutthattusa muullupalli a awoombesa, amasenga, amakhanga ni oollotella ddamuhoollo.

Daniele 5:11 ပူးပေါင်းရင်းမြစ်များ

Daniele 4:18

“Nngu sika olloha nko miyaano mwene Nebukadinezara kallohilleemi. Vano, we Beliteshazara okittaphullelle vawi eezeru attheene a mu omwenaaka khenawora okittaphullella koma weyaano onnawora vawi wookhalla ni munepa wa milluku ddaweella.”

Daniele 5:14

Kohiiwa wi wookhalla ni munepa wa milluku ddaweella nave wi mwa weyaano mookhalla omolleella wiiwesesa ni ezeru ddoowallamella.

Yawuupullulla 3:9

Athu ayo eri a mulloko wa Satana, athu awoottha ayo enallota wi tti Ayuda ehiri yaayo, kineerowaana wi yuukokhorelleni. Attheenaayo eneerodduwella wi kinnuukondani.

Mitteko 12:22

Athu yaari vaavwaayo yaakhuwa wi, “Khe muthu anallotooyo koma tti mulluku!”

Daniele 2:11

Ello eyo enapaalla mwene tti yookatamihesesa. Khaavo anaawore owupullullellani koma millukuve nnddo ddinakhalla moorekamellana ni athu.”

2 Samuele 14:17

Sika mi mullupa muttekwaanyu aamutthiyana mawaanyu Apwiya eneerokivullusa vawi nyuwaano muri wonanko mungelo a Mulluku voodduwellani ddaphaama ni ddoonanara. Apwiya Mullukwaanyu akhalle ni nyuwaano.”

Mitteko 16:16

Nllapo nimodda niyaaka o nipuro na mavekello, naakumana ni namwalli oyo aari mullupa mutteko nave oyo aari ni munepa woonanara oyo wamweeriha wi allotelleke dda muhoollo. Aanaaphwanyella apwinnya makobiri manchichi ni ollotella wayenko.

Mitteko 14:11

Athwaayo yoonilliiwa eerille Paulonnddo, yahaamba okhuwa mu ellotellwiiwa ya Elikaoniya wi, “Milluku ddawooneya wonanko athu ddoonikitthella!”

Genesis 41:38

Sika Farao aakoha enduna ddayennddo wi, “Ethiyo ninamphwanye wuuwi muthu mmodda oomukhwaranya olla ari ni munepa wa Mulluku?”

Ezekiele 28:3

Ngoona, we tti eezeru omukhwaranya Daniele, kheyiivo yoovittheya wa weyaano.

Daniele 1:4

Asombwaalla yaphwanenlle okhalla ooreera, oohirakalla, eeruso va ezeru ddittheddene, oochenjera voodduwellani, oodduwella wiiwesesa ni oowora orumeyella o enyumba yoomwene, Yaahuddihe olemba ni ollota Ebabiloni.

Daniele 2:22

Annuupullulla ddeko ddoowallamella ni ddawiipittheya, annadduwella ddamwiipiphini, owala onakhalla ni olliye.

Daniele 5:7

Mwene aakhuwa owiithana awoombesa, amasenga ni oollotella ddamuhoollo wi ewe. Ahaalleella eezeru a o Babiloni wi, “Arive muthu oowora weerenga ddilembiwe mvanndda ni okilleella ottaphullella wiwa, kinimamuwariha ddoowara ddooreera ddoofiira ni ogufu wagolide munikohini nave anaakhalle oolamulella aneeraru mu ellapweella.”

Ezekiele 28:4

Ezeru ddawo ni wiiwesesa wawo ddaaweeriha wi otukhuwe vawuuvahani eyuuma ya golide ni siliva.

Daniele 4:5

Kikonaka kaalloha ddawoopiha. Ddeko koonilleemi m'muruni mwaka kikonaatthille vabedini vaka ddaakoopiha wunchichi.

Daniele 4:6

Sika kaalamula wi eezeru attheene a o Babiloni ewe wa miyaano wi ekilleelle ottaphullella wa ollohanko.