Daniele 4:8 - Mawu a Mulluku

⁸ Vatulli viwa aawa Daniele, ooromolliwa Beliteshazara, voothwarani nnddina na mullukwaaka, muthu ooddalliwa ni munepa wa milluku ddaweella. Olliye kaamutthopoollellattho ollohanko.

Daniele 4:8 ပူးပေါင်းရင်းမြစ်များ

Daniele 1:7

Koma enduneeyo yahaavaha manddina mamodda monga Daniele nawi Beliteshazara, Hananiya nawi Shadrake, Mishaele nawi Meshaki nave Azariya nawi Abedenego.

Daniele 5:14

Kohiiwa wi wookhalla ni munepa wa milluku ddaweella nave wi mwa weyaano mookhalla omolleella wiiwesesa ni ezeru ddoowallamella.

Daniele 4:18

“Nngu sika olloha nko miyaano mwene Nebukadinezara kallohilleemi. Vano, we Beliteshazara okittaphullelle vawi eezeru attheene a mu omwenaaka khenawora okittaphullella koma weyaano onnawora vawi wookhalla ni munepa wa milluku ddaweella.”

Daniele 4:9

Kaallota wi, “We Beliteshazara, muullupalli a amasenga, kinnadduwella wi ori ooddalliwa ni munepa wa milluku ddaweella nave onnadduwella ddawiipittheya ddittheddene. Iwa nnddo killohilleemi nave okittaphullelle.

Daniele 2:11

Ello eyo enapaalla mwene tti yookatamihesesa. Khaavo anaawore owupullullellani koma millukuve nnddo ddinakhalla moorekamellana ni athu.”

Yeremiya 50:2

Vuwiha ni ollalleya wa athu a mitundu ddittheddene. Imesa embendera! Ohivitthe erive ello! Babiloni oogonja! Mullukwaaye Beli oowullihiwa muru, Merodaki ootathilla murima. Mafano a Babiloni aawullihiwa muru wunchichi, milluku ddaye ddootathilla murima.

Yesaya 63:11

Vano athu yahuupuwella dda enthawi yakhalle, mallapo a Mose oorumeyellaaye nave yaakoha wi, “Ethiyo eri wuuwi Apwiya ayo yaavullusalle athwiiwa ni oohoollella a mullokwiiwa va enyanja? Ethiyo eri wuuwi Apwiya ayo yahiyalle mwa athwiiwa munepiiwa waweella?

Yesaya 46:1

Beli ootthettemana, Nebo oowarama! Mafano yaalla a Babiloni ehiyiwe vaabuluni ni vang'ombeni. Ddeko nnddo khalle mwadditukhulleenyu voollapellani, vano munaddeesa katundu oollemella vamutthanani wa enama ddootopa.

Genesis 41:38

Sika Farao aakoha enduna ddayennddo wi, “Ethiyo ninamphwanye wuuwi muthu mmodda oomukhwaranya olla ari ni munepa wa Mulluku?”

Daniele 2:26

Mwene aallota ni Daniele oyo aromolliwa Beliteshazara wi, “Ethiyo we ttuukilleella olloha waka ni ottaphullella wiwa?”

Daniele 3:14

Nebukadinezara ahaakoha wi, “Nyu, Shadrake, Meshaki ni Abedenego, ethiyo tti ddawoona wi khemunarumeyella milluku ddaka apaalle ollapella nifano nagolide kaniimenseemi?

Ezekiele 17:23

Kineerowaalla vamwaangoni woorekamesesa wa o Israele. Oneerophuwa ni wimma ezipaso. Sika oneerotthattuwa mukunguza waphaama. Epallame dda mitundu ddittheddene ddineerokhalla mu muuthuuchi ni enthambi dda muteekhooyo.