Daniele 4:34 - Mawu a Mulluku

³⁴ Koma miyakha mitthanu ni miilli ddamanlliiwa mi Nebukadinezara kaaweha oddullu nave ezeru ddaka ddaahokollowa. Sika kaamutthamalla Mulluku Ooddullu nave kaathokoza ni omutitimiha Mulluku a enthawi yoohimalla. Kaallota wi, “Aneerolamulella wa enthawi yoohimalla, omwenaaye tti wa mibado ddittheddene.

Daniele 4:34 ပူးပေါင်းရင်းမြစ်များ

Yawuupullulla 4:10

attekweene 24 yaanakokhora vamiitthoni va ookeraatthi vampandoni wa omwenooyo nave enamullapella oyo anakhalla ni okumi woohimalla. Yaanaarulla akorona omuruni wiwa enaahiya vatthi vahoollo va mpando woomwenooyo enallota wi,

Daniele 12:7

Oowara bafuta oyo aari omwaako wa muhinje ahiimesa muddullu muwonwaaye wonnattanatta ni woonyottho nave kaamwiiwa allupellaka vooromollani nnddina na Ookhalla ni okumi woohimalla wi, “Ddineereya wa miyakha miraru ni hafu. Ddittheddenndda ddinaamalle ddoohoosa dda athu aweella ddamalla.”

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Masalimo 145:13

Omwenaanyu tti omwene wa enthawi yoohimalla, olamulellwaanyu tti wa mibado ddittheddene. Apwiya tti oororomelleya va mawiiwa mattheene, tti eechifundo va ddaweera ddiwa ddittheddene.

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Daniele 4:32

Oneerewiikarihiwa variyari va athu nave onaakhalleke ni enama ddamuhakani. Onaacheke manasi wonanko eng'ombe wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu, annaavelleella wa arive muthu moollikana ni mmo anapaallelleeye.”

Luka 1:33

Nave aneerolamulella Aisraele mallapo mattheene nave omwenaaye khomalla!”

Daniele 5:21

Yahiikarihiwa variyari va athu nave murimiiwa waatthattuwa wonanko wa enama ddamuhakani. Yaakhalla vamodda ni enama ddamuhakani enacha manasi wonanko eng'ombe. Mwiilliiwa waanaana ni nikame nooddullu ophiyera yaadduwella wi Mulluku Ooddullu ookhalla ni masiva oolamulella moomwene a athu nave annawuvelleella wa arive muthu moollikana ni mmo anapaallelleeye.

Daniele 4:26

Amithenga yaallota wi ehiye nikoto ni misisi ddiwa sika wi muneerokhallattho mwene mwawa mwaakhullella wi Mulluku sika analamulella ellapo yavatthi.

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.

Mika 4:7

Oottutthunya kineerewaatthattusa oohalla nave ayo yiikariwe owaniwa kineerewaatthattusa mutundu wamasiva. Mi Apwiya kinaakhalle mweniiwa va mwaango wa Ziyoni ovenyera ollello ophiyera wa enthawi yoohimalla.”

Daniele 4:3

Ezizindikiro ddaye tti dduullupalli, ddoottikhiniha ddaye tti ddamasiva. Omwenaaye tti wa enthawi yoohimalla, olamulellwaaye tti wa o mibado ddittheddene.

Maliro 3:38

Ethiyo madaliso ni otulli ddittheddene khaddinavenyera wa Amasiva Mattheene.

Yesaya 24:15

Sika nyu a wookhuma nndduwa atitimiheni Apwiya. Athu ookhalla mukhwipi mwa enyanja athokozeni Apwiya Mulluku a Israele.

Masalimo 146:10

Apwiya eneerokhalla mwene wa enthawi yoohimalla, we Ziyoni, Mullukwaawo aneerolamulella wa mibado ddittheddene. Aleluya!

Masalimo 123:1

Kinnatukhulla miitthwaaka oweha wa nyuwaano, nyu munakhalla va mpando woomwene oddullu.

Masalimo 121:1

Kinnatukhullella miitthwaaka oweha omwaangoni. Ethiyo nikavihero naka ninavenyera wuuwi?

Masalimo 107:31

Yaathokoze Apwiya ekaamba ya echikondiiwa yoohisintheya, ekaamba ya ddoottikhiniha ddiwa wa athu attheene.

Masalimo 102:24

Kaallota wi, “Nyu Mullukwaaka muhikivenyihevo kihinuulluvalle. Miyakha ddanyu tti dda mibado ddittheddene,

Masalimo 92:1

Tti waphaama waathokoza Apwiya, wiipella nchipo nnddina nanyu, nyu Amasiva Mattheene.

Masalimo 10:16

Apwiya sika mwene wa enthawi yoohimalla. Mu ellapo ya Mulluku, oohimullapella eneerotthollowa.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

1 Timoteo 1:17

Wa Mwene oohimalla, oohikhwa ni oohooneya oyo ari Mulluku yeekhaaye, okhalle oriiheya ni ntitimiho wa enthawi yoohimalla! Amen.

Yohane 5:26

Vawi Attiitthaaka aakhalla ni masiva owaavaha athu okumi, emoddamoddave yeeyo alliwaayo aakivaha miyaano masiva owaavaha athu okumi.

Luka 18:13

“Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Masalimo 107:22

Evelleelle mikutho ddoothokozella ni ollalleya mitteko dda Apwiya, vawiipani machipo oohakallalla.

Masalimo 107:15

Yaathokoze Apwiya ekaamba ya echikondiiwa yoohisintheya, ekaamba ya ddoottikhiniha ddiwa wa athu attheene.

Masalimo 107:8

Yaathokoze Apwiya ekaamba ya echikondiiwa yoohisintheya ekaamba ya ddoottikhiniha ddiwa wa athu attheene.

Masalimo 50:14

Koma muthokozeni Mulluku wonanko mukutho, mweere ddittheddene mwallupenlleenyu wa Amasiva Mattheene.

Masalimo 9:2

Kineerohakallalla ni othapella ekaamba ya nyuwaano, kineerewiipa otetheella nnddina nanyu, nyu Amasiva Mattheene.

Masalimo 7:17

Miyaano kineeromuthokoza Mulluku Amasiva Mattheene, ekaamba ya echilungamwaaye. Kineerewiipa machipo owaatitimiha Apwiya, Amasiva Mattheene.

Yobu 1:21

allota wi, “Epwillimwinddive kaakhuma m'mirimani mwa amoowe nave epwillimwinddive kineerovollowa mu mahame. Apwiya yaavaha nave Apwiya ahaakha. Nititimihiwe nnddina na Apwiya.”

Yawuupullulla 10:6

nave allupella mu nnddina na Mulluku, oyo anakhalla enthawi yoohimalla, oyo aphatusalle oddullu, ellapo yavatthi ni enyanja owaaka ddeko ddittheddene ddiri mwemmo. Mungelooyo aallota wi, “Khaviwa vikhalla oselliwa!

Yawuupullulla 4:9

Ddoophatusiwa ddookumi ddisese ddinniipa machipo ootitimiha, ooriiha ni oomuthokoza oyo akeraatthille vampandoni woomwene, oyo arina okumi woohimalla. Vawiipani,

Daniele 4:2

Ddookiddivella wi kuulleelleni dda ezizindikiro ni ddoottikhiniha nnddo Mulluku Ooddullu akoonihalleeye.”

Daniele 4:36

Vano ezeru ddaka ddaahokollweelliiwamo omwene ni masivaaka muullupalli yaahokollowa, wi wooneye wunnuwa wa omwenaaka. Enduna ddaka ni uullupalli a akhotwaaka yaakaakhella moohakallalla. Kaakeraatthihiwattho mu omwenaaka nave masivaaka yahoonjerereya okhwaranya khalle.

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Yona 1:14

Vano yahaamba winlla moovekella wa Apwiya wi, “Nyu Apwiya, ninuuvekani muhaakhullelle wi hiyaano nikhwe ekaamba ya okumi wa muthu olla. Muhiniipe mullatu ekaamba yoomwiipha muthu oohichimwa ello. Ddittheddenenndda ddeereyille ekaamba ya opaalla wa nyuwaano Apwiya.”

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

2 Samuele 22:31

Ettilla dda Mulluku tti ddaphaama wunchichi, mawu a Apwiya tti awoona. Alliwa sika yawiitetezella wa attheene oothawellawo.

1 Epilli 29:10

Vano Davide ahaatitimiha Apwiya vamiitthoni va mutthukumano muttheene nave aallota wi, “Nyu Apwiya Mulluku a Israele, nikhollo na Yakobo mutitimiheye wa enthawi yoohimalla”

1 Epilli 29:13

Vano ninnuuthokozani Mullukwaahu ni ollapella nnddina nanyu nootitimiheya.

Masalimo 66:7

Annalamulella ni masivaaye wa enthawi yoohimalla, miitthwaaye ennoona mitundu dda athu, athu oowukila ehiitukhulle.

Masalimo 111:7

Mitteko dda mattiiwa tti ddawoona ni ddoolungama, Malamulwiiwa mattheene tti oororomelleya.

Yesaya 2:11

Wiitukhulla wa athu oneeromalla nave okota wa athu oneerewoonongiwa. Apwiyave sika enaariihiwe nllapo nenno.

Yesaya 13:11

Apwiya enallota wi, “Kineerewaallaka athu a ellapo yavatthi ekaamba ya onanara wiwa nave kineerewaallaka oonanara ekaamba ya ochimwa wiwa. Kineeromalliha okota wa athu awiitukhulla nave kineerokitthiha wiitukhulla wa athu eekuku.

Daniele 9:14

Nyu Apwiya Mullukwaahu, ekaamba ya yeella mwaakhozekella onimorihella otulli yoolla nave woonimorella. Nyu Apwiya Mullukwaahu, muri oolungama va ddittheddene mweerilleenyu komave hiyaano khaniiwellenlle mawaanyu.