Daniele 4:32 - Mawu a Mulluku

³² Oneerewiikarihiwa variyari va athu nave onaakhalleke ni enama ddamuhakani. Onaacheke manasi wonanko eng'ombe wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu, annaavelleella wa arive muthu moollikana ni mmo anapaallelleeye.”

Daniele 4:32 ပူးပေါင်းရင်းမြစ်များ

Daniele 5:21

Yahiikarihiwa variyari va athu nave murimiiwa waatthattuwa wonanko wa enama ddamuhakani. Yaakhalla vamodda ni enama ddamuhakani enacha manasi wonanko eng'ombe. Mwiilliiwa waanaana ni nikame nooddullu ophiyera yaadduwella wi Mulluku Ooddullu ookhalla ni masiva oolamulella moomwene a athu nave annawuvelleella wa arive muthu moollikana ni mmo anapaallelleeye.

Yeremiya 27:5

‘Kaaphatusa ellapo yavatthi ni masivaaka ni ekophollo ddaka. Kahaaphatusa athu ni enama va ellapo yavatthi nave kinnayivelleella wa oyo kinamooneemi wi tti oophwanella.

Yoswa 4:24

Ekaamba ya yeella arive muthu va ellapo yavatthimva eneerodduwella masiva a Apwiya nave eneerowoova Apwiya Mullukwaanyu, wa enthawi yoohimalla.”

Eksodo 9:29

Mose aamwaakhulla wi, “Kakhumave m'muzindanimmu, kineerovekella wa Apwiya. Nave ogugudeya wa murimu ni marallalla ddineerohiya wi mudduwelle wi ellapo yavatthi ettheene tti ya Apwiya.

Eksodo 8:10

Farao ahaakhulla wi, “Osiisello.” Sika Mose aallota wi, “Ddineereweereya moollikana ni mmo mullotelleenyu wi mudduwelle wi khaavottho mulluku mmodda oophwanaphwana ni Apwiya Mullukwaahu.

Yesaya 37:20

Sika nyu Apwiya Mullukwaahu, munivulluse wa muthu yoolla wi mitundu ddittheddene dda va ellapo yavatthi ddidduwelle wi nyuwaano nyookha tti Apwiya.”

Eksodo 9:14

Vawi kineerorumiha millilli ddaka ddittheddene wa weyaano, wa enduna ddawo ni wa athwaawo wi odduwelle wi khaavo mmodda oophwanaphwana ni miyaano va ellapo yavatthi ettheene.

Yesaya 45:3

Kineerewuuvaha eyuuma yawiipittheya, ddoowallamella mutengo munipuroni noovittheya sika oneerodduwella wi mi tti Apwiya Mulluku a Israele oyo kinawiithana ni nnddina nawo.

2 Epilli 33:13

Aavekella nave Mulluku ahiiwa oveka waye amuhokollosellattho o Yerusalemu mu omwenaaye. Vano Manase aadduwella wi Apwiya tti Mulluku.

Daniele 2:21

Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

Daniele 4:31

Mwene allotaka ddiidda, vahiiweya mawu oovenyera oddullu awi, “We mwene Nebukadinezara, iwa nnddo kinalloteemi. Omwenaawo woovenyihiwa m'mattani mwawo.

Yobu 9:12

Ngoonani, annaakha. Ethiyo ttaani anaamuhiihe? Ethiyo ttaani anaamukohe wi, ‘Ethiyo oneera tini?’

Yobu 42:2

“Kinnadduwella wi munnawora weera erive ello, kheyiivo yookukureyiha yoopaallaanyu.

Masalimo 115:3

Mullukwaahu ari oddullu, anneera erive ello anapaalleeye.

Masalimo 135:6

Erive ello Apwiya enapaalliiwa weera enneera oddullu ni va ellapo yavatthi, mu enyanja ni moowallamella mutthemwene.

Yesaya 40:15

Mitundu dda athu ddiri wonanko nidontho na maaddi m'munoni, wonanko nthupi shisha vasikoloni. M'mattani mwa Apwiya ezilumba tti ddoovevuwa wonanko nthupi.

Yesaya 40:17

Mitundu ddittheddene dda athu khe ello vamiitthoni va Apwiya, alliwa enaddeesa ddashisha ni ddoohikhalla ni mutteko.