Daniele 4:30 - Mawu a Mulluku

³⁰ Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

Daniele 4:30 ပူးပေါင်းရင်းမြစ်များ

Miyambo 16:18

Okota onnahoollella woonongeya nave wiitukhulla onnawiiha omora.

Yawuupullulla 18:10

Eneerewiimella voorekama ekaamba yawoova wi enaakawanena ddoohoosiwa ddaye. Eneerollota wi, “Otulli! Otulli Babiloni! Muzinda woovuwa ni wamasiva! Va enthawi yooyeva woollakiwa ddiidda!”

Yawuupullulla 17:5

Vayuuchini vaye vaalembiwa nnddina noohidduwanyeya ottaphullella wiwa nawi, “Babiloni oovuwa, ameewa a mahule mattheene ni a ddoonanara dda va ellapo yavatthi.”

Luka 14:11

Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Ezekiele 29:3

Omulleelle wi mi Apwiya Mulluku kinallota wi, ‘We mwene a o Iguputo kiri mudanaawo. Ori wonanko ekonya yookonaatthi m'muhinjeni voollotani wi muhinje wa Nailo tti waawo, wawuphatusalle tti weyaano.’

Yawuupullulla 16:19

Muzinda woovuwa waakawaneya vararu navettho mizinda dda ellapo ddittheddene ddaakumuwa. Mulluku ahuupuwella muzinda woovuwa, Babiloni nave aamuwiriha kapu a vinyo a osha murima waye wawoopiha.

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Masalimo 73:8

Ennanyemulla ni ollota ddoonanara, enniitukhulla nave ennawoopopiha amodda wi eneerewaanyingallella.

Masalimo 49:20

Naari muthu akhalle eeyuuma mwawiidde, koma anarama ezeru, anaakhwe wonanko enama yamuhakani.

Yawuupullulla 18:21

Vano mungelo amasiva aatukhulla nlluku wunnuwa wiwa wonanko nsillo anivokhella mu enyanja allota wi, “Mmu sika mmo muzinda woovuwa Babiloni aneereeye avokhelliwe vatthi nave khawa ooneyattho.

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

Masalimo 104:1

We murimaaka, atitimihe Apwiya! Nyu Apwiya Mullukwaaka, nyu tti muullupalli wunchichi, munnawara olemu ni omwene,

Estere 1:4

Va miyeri mitthanu ni mmodda mwenooyo aanooniha waata ni olemu wa eyuumaaye navettho oreera ni wunnuwa wa omwenaaye.

Genesis 10:10

Nimurodi aanalamulella o Babiloni, o Ereki ni o Akadi. Mamwene mattheenaalla yaari mu ellapo ya Babiloni.

Yawuupullulla 14:8

Mungelo aneepiilli aamuthwara awaamboolle allota wi, “Ookumuwa! Babiloni oovuwa ookumuwa! Olle aweerihalle athu attheene wi emuwirye vinywaaye oolezeliha ni a makhallello ooraruwa!”

Miyambo 29:23

Wiitukhulla onnamuyeviha muthu koma a murima wawiiyeviha annariihiwa.

Yesaya 13:19

Omwene wa Babiloni wookhalla ni eyuuma okhwaranya moomwene mattheene nave athwiiwa ennawukotella. Koma kineerowoononga muzinda wa Babiloni wonanko mmo kamoonongelleemi Sodomu ni Gomora.

Daniele 4:31

Mwene allotaka ddiidda, vahiiweya mawu oovenyera oddullu awi, “We mwene Nebukadinezara, iwa nnddo kinalloteemi. Omwenaawo woovenyihiwa m'mattani mwawo.

Habakuku 1:11

Vano ennashella ni okhwaranya wonanko ephevo, athu ayo masiviiwa tti mullukwiiwa.”

Miyambo 11:2

Vakhalla wiitukhulla vinnakhallattho owulliwa muru koma ezeru eri mwa awiiyeviha.

Luka 14:9

Sika mwaneena awiithanilleni attheenenyu aneerollota wa weyaano wi, ‘Mvahe muthoolla mpandwaawo.’ Nave vookitthani wi wakeraatthi vatthi oneerowulliwa muru.