Daniele 4:27 - Mawu a Mulluku

²⁷ Nyu amwene, ekaamba ya yeella, thwarani malangizwaaka. Hiyani machimwaanyu, mweereke ddoolungama vooweerellani echifundo oohoowa wi apaalle enthawi ya murendellaanyu erekame.”

Daniele 4:27 ပူးပေါင်းရင်းမြစ်များ

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”

Mitteko 8:22

Vano ohiye ddeko ddoonanaranndda nave ovekelle wa Apwiya wi yuukhululukelle maganizwaawo oonanara.

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Aefeso 4:28

Ayo yaari allupaawiiya enaphwanella ehiye wiiyanko nave yaambe ophara mutteko wi yiiphwanyelleke eyuuma mwaphaama wi eworeke waavaha athu oohoowa.

Agalatiya 5:13

Nave nyuwaano, asinnaka ni arokoraka, muhaakhullelle wi ottaphulliwa wonngu okhalle ekari yawi mulamuliweke ni ddoopaalla dda mwiillaanyu. Nave mukhalle oorumeyellana mmodda ni mukhwaaye mu echikondi.

Miyambo 16:6

Ekaamba ya wiivelleella ni ororomelleya muthu aneerokhululukelliwa machimwaaye. Ekaamba ya owoova Apwiya annarapa ddoonanara.

1 Petro 4:8

Yuullupalli ya yeella tti ya wi mukondaneke mmodda ni mukhwaaye mwawoona kaambiiwa echikondi sika enavuhellella machimo.

Mateyu 3:8

Mweereke ddeko ddawooniha wi moorukunuwa murima wonanko muteekho onimma ezipaso ddaphaama.

Ezekiele 18:7

ahinamuhoosa arive muthu koma annamuhokollosella echikole amukongolihalleeye makobiri, khaniiya, annaachiha eettalla nave annaawariha oosiwa,

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

1 Mamwene 21:29

“Ethiyo wohoona mmo Ahabu iiyevihelleeye vamiitthoni vaka? Vawi ohiiyeviha vamiitthoni vaka, ngiwa kimullaka ni ddittheddenenndde ari mukumi koma kinaallake nibanja naye mu olamulello wa mwanaye.”

Mitteko 26:20

Kaallalleya waambeella wa athu a o Damasiko, a o Yerusalemu ni a mu Yudeya mutthemwene owaakattho variyari va athu ayo ehiri Ayuda. Kaallalleya wi enaphwanella ehiye machimwiiwa nave erukunuwelle wa Mulluku ni weera ddeko ddawooniha wi aahiya machimo.

Masalimo 119:46

Kineerollota omboni vamiitthoni va mamwene, ngiwulliwa muru.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

2 Akorinto 5:11

Ninnadduwella wi tti woophwanella owoova Apwiya nave ninneeseesa waakopa athu amodda wi yaathwarelle Apwiyaayo. Mulluku annanidduwella phaama hiyaano nave kinnaganiza wi munnanidduwellattho hiyaano m'murimani mwanyu.

Mitteko 24:25

Nave Paulo aakambirana ni Felike dda echilungamo wiihiiha weekhaawo ni dda owa wa nllapo na echiweruzo. Felike ahoova nave allota wi, “Khawe vano, kineerowiithanattho kakhalla ni mpata.”

Yowele 2:14

Apaalle ttuusintha maganizwiiwa ni wiihiiha, ttuuwuudalisani ni ddoocha ni ddoowirya ddawi muvelleelle wa Apwiya Mullukwaanyu.

Deuteronomo 24:13

Muyihokollose nndduwa nihinavollowe wi olliye iikhunellena mahiiyu. Mwawi ddiidda muthooyo aneerewuuthokozani nave Apwiya Mullukwaanyu eneerohakallalla ni nyuwaano.

Yeremiya 29:7

Mwaashaasheke murendelle o muzinda nko kawiikarelleniimiwo, wuukaporoni wi ddeko ddiweetellekeni phaama. Muddivekelleke mizindannddo wa Apwiya ekaamba yawi ddaakhallaka mwamurendelle nyuwaano muneerekokhallattho phaama.’

Yeremiya 38:20

Yeremiya ahaakhulla wi, “Iyaayi, kheyuuvelleellani. Mwiiwellella mawu a Apwiya, kinuulleellani wi ddeko ddittheddene ddineeroweetellani phaama nave muneerokhalla ni okumi.

Genesis 11:4

Vano yaallota wi, “Hankoni niimakelle weekhiihu muzinda ni nttattha noorekama ophiyera oddullu. Neera ddiiddo nineerovuwa wunchichi nave khanimwareyattho va ellapo yavatthi.”

Deuteronomo 8:17

Vano muhiganizeke wi masivavaanyu ni ekophollo ddanyu sika dduuvahilleni eyuuma.

Deuteronomo 32:27

Koma nginapaalla wi adaniiwa yiitukhulleke, eganizeke moolakwa ni okittheya. Ehooneke wonanko yaagonjihalle ni masiviiwa, wi Apwiya kheyeerille ddenndda.’ ”

Miyambo 11:2

Vakhalla wiitukhulla vinnakhallattho owulliwa muru koma ezeru eri mwa awiiyeviha.

Yesaya 10:13

Vawi mwenooyo anallota wi, “Keerille ddenndda ni masivaaka navettho ni ezeru ddaka vawi kinniiwesesa. Koosusa malire a mitundu dda athu nave kohaakha eyuumiiwa vawi kohaakitthiha ayo yaari va mipando dda omwene.

Yesaya 47:8

We ooddivelliwa ddoohakallalliha, iwesesa nndda, we ookhalla vamurendelleni, oollota m'murimani mwawo wi, ‘Tti meeneve, khaavottho mmodda opatula miyaano, ngiwa kikhalla naamukhwelle, anaaka khewa ekhwa.’

Yesaya 47:10

Waaniitukhulla ni onanara wawo, waganiza wi khaavo awoona. Owaraalla wawo ni ezeru ddawo ddahuuhollosa, m'murimani mwawo waallota wi, ‘Tti meeneve, khaavottho mmodda okipatula miyaano.’

Ezekiele 29:3

Omulleelle wi mi Apwiya Mulluku kinallota wi, ‘We mwene a o Iguputo kiri mudanaawo. Ori wonanko ekonya yookonaatthi m'muhinjeni voollotani wi muhinje wa Nailo tti waawo, wawuphatusalle tti weyaano.’

Ezekiele 29:9

Ellapo ya Iguputo eneerotthattuwa echipululu, yoohikhalla ni athu. Vano eneerodduwella wi mi tti Apwiya. “Waallota wi Nailo tti aawo wamuphatusalle tti weyaano.

Amosi 6:13

Muniitukhulla wi mwaawugonjiha muzinda wa Lodebara, munallota wi, “Ethiyo khanaagonjihalle muzinda wa Karinaimu weekhiihu?”

Habakuku 1:11

Vano ennashella ni okhwaranya wonanko ephevo, athu ayo masiviiwa tti mullukwiiwa.”

Zefaniya 2:15

Yooyo tti muzinda oyo waddeesa wookeraattheya, oyo m'murimani mwiwa wallota wi, “Meeneve, khaavottho mmodda!” Vano ngoonani mmo woonongeyelliiwa! Wootthattuwa ntepe nookhallamo enama ddamuhakani, arive muthu oovira mwemmo aneerekewoopa musoonyo nave aneerekotikha muru.